82
Yãkpaɛkɛna kↄ̃n gbãadeenↄ
Asafa lɛ̀.
Ludaa vɛ̃ɛna pari kakↄ̃ana guu,
èe yãkpaɛ kɛɛ kↄ̃n Ludanↄ à bè:
Ai bↄrɛn égↄ̃ yãkpaɛ kɛɛ a kpɛɛgãnda
à yã sí kↄ̃n zaakɛrinↄo?
À yã nnaa kpá gbãasaideenↄa kↄ̃n tonɛnↄ,
à zɛ kↄ̃n takaasideenↄ
kↄ̃n gbɛ̃ kɛ̀ wèe wɛ́ɛ tãaḿmanↄo.
À gbãasaideenↄ kↄ̃n wɛ̃ndadeenↄ mì sí,
à ń bↄ zaakɛrinↄ ↄzĩ.
 
Aↄ̃ yãke dↄ̃ro, aↄ̃ↄ à ke gbá zɛ́ dↄ̃ro,
aↄ̃ↄ kú gusiaa guumɛ,
ben anduna nìgã ai a gĩzĩ.
 
Ma bè Ludanↄn a ũ,
Luda Musude nɛ́nↄn a ũ a píngi.
Baa kↄ̃n beeeo é ga gbɛ̃ntee gana ũmɛ,
é kpá guuzi lán gbãade kpaaanↄ bàmɛ.
Luda, ǹ fɛɛ ǹ yãkpaɛ kɛ kↄ̃n andunao,
zaakɛ bori píngi nɛ́ n pↄ́mɛ.