85
Aafia wɛ́ɛkɛna Ludaa
Kora boriinↄ lɛ̀.
1 N aubarika dà n bùsun, Dii,
n ɛara ǹ su kↄ̃n Yakubu boriinↄ ń gwena ziin.
2 N n gbɛ̃nↄ taarinↄ gògo,
n ń durunnↄ kɛ̃̀ńnɛ píngi.
3 N n pↄ kpã̀kpa tò píngi,
n n pↄfɛ̃ pãsĩ tò.
4 Ǹ sↄkpawao wa gwena ziin, Luda wa Mìsiri,
ǹ pɛ̃tɛ̃ kɛ̀ ń kɛ̀wao lago.
5 N pↄↄ égↄ̃ fɛ̃nawazi gurↄ píngin yↄ́?
Nɛ́gↄ̃ n pↄfɛ̃gurↄↄ gagaa wɛ̃̀ kↄ̃n wɛ̃̀on yↄ́?
6 Nɛ́ ɛara ǹ n gbɛ̃nↄ kuuna kɛkɛ ǹ kɛńnɛ dↄ,
lɛ aↄ̃ pↄↄ e à kɛmma nnaroo?
7 Dii, ǹ n gbɛ̃kɛɛ ↄdↄawe,
ǹ wa mì sí kↄ̃n n gbãaao.
8 Ma swã dↄ Dii Luda yã'onazi,
zaakɛ è aafia lɛ́ gbɛ̃ a yãmarinↄnɛ,
tó aↄ̃ↄe ɛara wà sↄ̀kpa ń yↄ̃̀nkↄyãnↄziro.
9 À vĩakɛrinↄ mìsina gurↄↄ zã̀ro,
lɛ à gakui e àgↄ̃ kú wa bùsun yãnzi.
10 Gbɛ̃kɛ kↄ̃n náanɛo è dakↄ̃rɛ,
yãzɛde kↄ̃n aafiao è ↄ kpákↄ̃a.
11 Náanɛ è ↄ poro musu,
yãzɛdee è ↄ nↄnↄ tↄↄtɛa.
12 Dii é à maaa kɛwe,
wa tↄↄtɛ é pↄ́blee kɛ.
13 Yãzɛdee ègↄ̃ tɛ́ à aɛ,
è zɛ́ kɛkɛnɛ.