10
ពោល អើសនាវឞូនតោនពាង់
1 គែសឞូនុយ្សអាបាៈលាសគ៝ប់ នោកគ៝ប់គុនទ្រែលខាន់អៃមៃគ៝ប់ជានឞូនុយ្សមោឞាញ់ងើយទាង់ តីសមានោកគុងាយជានជាញដាសខាន់អៃមៃហោងាន់។ គ៝ប់ទាន់ខាន់អៃមៃមានូយ្សនហ៝ម់មលែស នទ្រែលមានូយ្សនហ៝ម់ទេសរាហេតឞ្រាសក្រីស
2 គ៝ប់ទាន់ខាន់អៃមៃហោងាន់ គៃមានោកគ៝ប់ហាន់អាខាន់អៃមៃតៃលើយអោសអ៝ន់គ៝ប់គែសនូយ្សនហ៝ម់ជាញដាសឞូនុយ្សអីមឹនលាសហេនគុងាវជាននទើតឹមឞានមាឞូនុយ្សអីមោញឆីងមាឞ្រាសក្រីស ។
3 ឞ៝លលាសហេនឞូនុយ្សគុតានែសនតូអ្យាកាដោយ ក៝ៈហេនមោអោសតឹមលើសកើតឞូនុយ្សតានែសនតូអ្យា។
4 នទើតឹមលើសអីហេនទ៝ង់នៃ មោអោសទីនទើតឹមលើសអីឞូទ៝ង់តានែសនតូអ្យា យើនមាជេងនទើអីគែសនាវទើយតាៈឞើសកោរាញឞ្រាសអីទើយលើសរាល៝ម់លើយនាវមឹនឞូនុយ្សអីតឹមរាទ៝ង់ដាសកោរាញឞ្រាស តឹមឞានមាលើសរាល៝ម់លើយពោយ្ស។
5 ហេនលើសរាល៝ម់លើយទឹងលែៈនាវរាលាច់ឞូនុយ្សអីកើបអេងគែសនាវខ្លៃ អីតឹមរាលាច់ដាសនាវនតីនាវកោរាញឞ្រាស។ ហេនរាគូមទឹងលែៈនាវមឹនអីតឹមរាទ៝ង់ដាសនាវឞ្រាសក្រីស ជេសរីជានអ៝ន់អ្យាត់ឞ្រាសក្រីស ។
6 ជេសរីត៝ត់ខាន់អៃមៃលែៈជេសអ្យាត់ទឹងលែៈនាវឞ្រាសក្រីស ដាៈ គ៝ប់លែៈនទ្រាប់នូយ្សនហ៝ម់ជេស មាតេៈទោយ្សឞូនុយ្សអីហោមទាង់ក៝មោអុចអ្យាត់។
7 អ៝ន់ខាន់អៃមៃមឹនមានទើអីខាន់អៃមៃលែៈឆៃនហេល ជេសរីឞូម៝សអីកើបអេងឆាក់ពាង់នើមជេងប៝នលានឞ្រាសក្រីស ពាង់អីនៃមរាឆៃហេនជេងប៝នលានឞ្រាសក្រីស កើតពាង់នើមដ៝ង់។
8 កោរាញឞ្រាសលែៈអ៝ន់ជេសនាវទើយមាហេន ពាង់អ៝ន់នាវទើយអីនៃគៃមាកើលខាន់អៃមៃ មោអោសទីគៃមាលើសលើយខាន់អៃមៃ។ ឞ៝លលាសគ៝ប់រានេអេងឆាក់មានាវទើយអីនៃហោអីរកាដោយលែៈ ក៝ៈមោគែសនាវដីតព្រេងដ៝ង់។
9 គ៝ប់មោអោសទីលាសអុចអ៝ន់ខាន់អៃមៃក្លាច យ៝រមាឆ៝ម់បុតគ៝ប់។
10 គែសឞូនុយ្សអាបាៈតាផូងខាន់អៃមៃលាស៖ “តាឆ៝ម់បុតពោល គែសនាវងើយទាង់ៗងាន់ យើនមានោកពាង់នើមហាន់តាអ្យាពាង់មោអោសឞាញ់ងើយទាង់ ជេសរីនាវងើយមោដ៝ង់គែសខ្លៃ”។
11 ឞូនុយ្សអីងើយកើតនៃអ៝ន់ពាង់គឹតវ៝ត់ មើមនាវគ៝ប់ញចីសតាឆ៝ម់បុតនោកគ៝ប់មោអោសគុនទ្រែល គ៝ប់មរាជានកើតនៃដ៝ង់នោកគ៝ប់គុនទ្រែល។
12 មពោលឞូនុយ្សតាផូងខាន់អៃមៃ នាវអីខាន់ពាង់រានេអេងឆាក់ខាន់ពាង់នើម នាវអីនៃមោអោសអ្វែស។ ខាន់ពាង់កើបខ្លៃតាឆាក់ខាន់ពាង់នើមតាៈឞើសខាន់ពាង់តឹមរាដឹលនទ្រាង់ខាន់ពាង់នើមមាឆាក់ខាន់ពាង់នើម មពោលអីនៃរាលូកម៝ល់ទើម។ ហេនមោអុចអោសតឹមរាដឹលហេននើមដាសខាន់ពាង់។
13 យើនមាហេន ហេនមោអោសរានេអេងឆាក់ហេននើមរាលាវអីរមានទើអ្វែសអីហេនលែៈជាន ហេនងើយមានទើកោរាញឞ្រាសលែៈអ៝ន់ហេនជានទូរីទើម ជេសរីពាង់អ៝ន់ហេនហាន់នតីត៝ត់តានតុកខាន់អៃមៃដ៝ង់។
14 ហេនលែៈហាន់ត៝ត់តាខាន់អៃមៃជេស នអ៝ប់មាលែវនាវមហែមហានអ្វែសឞ្រាសក្រីសតានតុកខាន់អៃមៃល៝រហេនដ៝ង់ លាសនទ្រីហេនមោអោសរានេអេងឆាក់ហេននើមរាលាវអីរមានាវអីហេនលែៈនតីខាន់អៃមៃ។
15 ហេនមោអោសនតូបមានទើឞូអេងលែៈជាន។ ជេសរីហេនរានើម នាវញឆីងខាន់អៃមៃលើមាន៝ប់ងាន់ នទ្រែលមានាវហេនជានការតាខាន់អៃមៃលើមាហោជឹត។
16 ជេសរីហេនទើយហាន់មឞើសងក៝ចនាវមហែមហានអ្វែសតានតុកអេងៗជឹតងាយឞើសឞ្រីខាន់អៃមៃនៃ តានតុកអេហ៝ៈគែសឞូអេងហាន់មឞើសងក៝ច។ លាសនទ្រីឞូមោអោសទើយលាស ហេននតូបជានតានតុកឞូអេងលែៈជាន។
17 លែៈគែសញចីសជេសតានាវកោរាញឞ្រាសងើយ៖ «ឞូម៝សអីងើយនទើអ្វែសតាឆាក់ពាង់នើម អ៝ន់ពាង់ងើយមានទើអ្វែសកោរាញឞ្រាសលែៈជានហ៝ៈ»។
18 នាវរានេអេងឆាក់នើមមោអោសគែសខ្លៃ យើនមានាវកោរាញឞ្រាសរានេអីគែសនាវខ្លៃ។