9
នាវរាគូមព្រាក់មាកើលផូងញឆីងតាប៝នយេរូឆាលឹម
1 គ៝ប់មោហោមអោសខាច់ញចីសឆ៝ម់បុតញជ្វាល់អ៝ន់មាខាន់អៃមៃជឹត គៃមាមឞើសងក៝ចនាវញហើរព្រាក់មាកើលផូងប៝នលានកោរាញឞ្រាសតាប៝នយេរូឆាលឹម
2 យ៝រលាសគ៝ប់លែៈគឹតជេសខាន់អៃមៃអុចងាន់កើលខាន់ពាង់ គ៝ប់លែៈរានេខាន់អៃមៃមឞើសងក៝ចអ៝ន់មាផូងញឆីងតាឞ្រីមាឆេដោន លាស៖ “ផូងញឆីងតាឞ្រីអាខៃ លែៈនទ្រាប់ញហើរឞើសនាម់អែនើស”។ ជេសរីនាវគើយ្សនអើរខាន់អៃមៃលែៈនត្រោលនូយ្សនហ៝ម់ឞូនុយ្សអ៝ក់តាឞ្រីមាឆេដោន មាញហើរព្រាក់។
3 យើនមាគ៝ប់ហោមអ៝ន់មពោលអ៝សនោអីនៃហាន់អាខាន់អៃមៃ គៃមាខាន់ពាង់ឆៃនទើអីគ៝ប់លែៈរានេខាន់អៃមៃនើសជេងងាន់ ជេសរីនោកហេនត៝ត់តាខាន់អៃមៃតៃ ខាន់អៃមៃលែៈនទ្រាប់ជេសព្រាក់ញហើរកើតគ៝ប់លែៈងើយនៃ។
4 លាសគែសអ៝សនោតាៈឞើសឞ្រីមាឆេដោន ហាន់នទ្រែលហេនអាខាន់អៃមៃ លាសឆៃខាន់អៃមៃអេហ៝ៈជេសនទ្រាប់អោស លាសនទ្រីមោអោសគែសទើនហេនទើមគែសនាវដីតព្រេង នអ៝ប់មាខាន់អៃមៃក៝ៈគែសនាវដីតព្រេងដ៝ង់ យ៝រលាសហេនលែៈញឆីងខាន់អៃមៃហោងាន់។
5 កើតនទ្រីទឹងគ៝ប់មឹនទីទាន់មពោលអ៝សនោអីនៃហាន់ល៝រអាខាន់អៃមៃ គៃមានទ្រាប់ព្រាក់អ៝ក់អីខាន់អៃមៃលែៈត៝ននៃនើសអ៝ន់ជេសផ្យៅ។ លាសនទ្រីឞូមរាឆៃខាន់អៃមៃអ៝ន់មាលែៈនូយ្សនហ៝ម់ មោអោសតាៈឞើសនាវញច៝ប់។
ឞូម៝សអីតូចអ៝ក់គែសអ៝ក់ដ៝ង់
6 អ៝ន់ខាន់អៃមៃគឹតមានាវអ្យា៖ ឞូម៝សអីតូចដេៈមរារែកគែសដេៈដ៝ង់ យើនមាឞូម៝សអីតូចអ៝ក់មរារែកគែសអ៝ក់ដ៝ង់។
7 លាសនទ្រីអ៝ន់អាប់នើមខាន់អៃមៃតេៈញហើរតឹងអីនូយ្សនហ៝ម់ខាន់អៃមៃនើមលែៈអុច មោអោសអ៝ន់មានាវញហ្វាច មោអោសអ៝ន់មានាវញច៝ប់ យ៝រលាសកោរាញឞ្រាសអុចមាឞូម៝សអីអ៝ន់មាឞូមានូយ្សនហ៝ម់មអាក។
8 ពាង់ទើយអ៝ន់នាវគែសជេងអ៝ក់រាមែសមាខាន់អៃមៃ គៃមាគែសអាប់នតីលនទើទ៝ង់មាខាន់អៃមៃបាបើ ជេសរីហោមអ៝ក់រាមែសដ៝ង់ គៃមាជានអាប់នតីលនទើអ្វែសមាឞូ។
9 កើតនាវកោរាញឞ្រាសងើយលែៈគែសញចីសលាស៖
«ឞូនុយ្សអីពាៈនទើមាឞូ អីអ៝ន់នទើមាឞូនុយ្សអ៝អាច
នាវឆ៝ង់ពាង់ហោមគុក្រេបនហ៝រ៝»។
10 កោរាញឞ្រាសអីអ៝ន់គារ់នតីលមាតូច នទ្រែលមាអ៝ន់នទើឆោងឆា ពាង់មរាម៝ត់គារ់នតីលខាន់អៃមៃ នទ្រែលមាអ៝ន់គារ់នតីលអីនៃគែសអ៝ក់ដ៝ង់ គៃមានទើអ្វែសអីខាន់អៃមៃជានមាឞូគែសអ៝ក់ងាន់ នាវអីនៃតឹមឞានមាគែសព្លៃអ៝ក់ងាន់។
11 ពាង់មរាជានអ៝ន់ខាន់អៃមៃជេងនទ្រ៝ង់តាទឹងលែៈនតីលនទើ គៃមាខាន់អៃមៃគែសនទើនឹងមាកើលឞូមាលែៈនូយ្សនហ៝ម់ ជេសរីមរាគែសអ៝ក់ឞូនុយ្សលាសអ្វែសមាកោរាញឞ្រាសព្រាក់អីខាន់អៃមៃញហើរហេនទែញអោត។
12 នាវរាគូមព្រាក់ញហើរអីនៃមោអោសទើនមាកើលមាផូងប៝នលានកោរាញឞ្រាសទើម រាលាវឞើសនៃជឹតលើមាអ៝ក់ដ៝ង់ឞូនុយ្សលាសអ្វែសកោរាញឞ្រាសមានាវញហើរអីនៃ។
13 តាៈឞើសនាវរាគូមព្រាក់ខាន់អៃមៃអីនៃ ឞូមរារានេកោរាញឞ្រាស យ៝រមាខាន់អៃមៃអ៝ន់អ៝ក់ព្រាក់មាខាន់ពាង់ នអ៝ប់មាទឹងលែៈផូងញឆីង ឞូមរារានេកោរាញឞ្រាសដ៝ង់ យ៝រលាសនាវខាន់អៃមៃជាននៃ ញហើខាន់អៃមៃនើមជានតឹងនាវនតីតានាវមហែមហានអ្វែសឞ្រាសក្រីសងាន់។
14 ខាន់ពាង់មរាមឞើសឆើមទាន់កោរាញឞ្រាសអ៝ន់មាខាន់អៃមៃ នអ៝ប់មាគែសនូយ្សនហ៝ម់រ៝ង់មាខាន់អៃមៃ យ៝រមាខាន់ពាង់ឆៃនាវអ្វែសកោរាញឞ្រាសទុតក្វ៝ង់គែសតាខាន់អៃមៃ។
15 ទាន់លាសអ្វែសកោរាញឞ្រាសមានាវអីពាង់អ៝ន់មាឞ៝ន់នៃអីមោហោមអោសឞ្លាវនតឹត។