100
Tavástaraꞌ pu táataahuacaꞌ jitzán tu tyij ajtyámaꞌcan
Chuíicarij maj jɨn tyaatatyójtziꞌreꞌen.
1 ¡Setyuꞌtáchuiicaj xuutyámuaꞌveꞌej ɨ Tavástaraꞌ jimi,
mu siaj aꞌyan huacháatɨmee néijmiꞌqueꞌ ɨ cháanacaj japua!
2 Xuutyámuaꞌveꞌej xu jaatyáanajche ɨ Tavástaraꞌ;
¡xaꞌantyijíihuaj xu siajta jutyamuaꞌveꞌej musioꞌváꞌjuꞌ aꞌɨ́jcɨ jimi!
3 Siataꞌaj jáamuaꞌtyij tɨ ɨ Tavástaraꞌ Dios puéꞌeen;
aꞌɨ́ɨ pu táataahuacaꞌ ityáj tu tyij jitzán ajtyámaꞌcan;
¡chájtaꞌnaj tu puéꞌeen aꞌɨ́j tyaj jitze ajtyámaꞌcan tyajta cányaꞌxɨɨ aꞌáa tyaj jaꞌtávee joꞌtɨj aꞌɨ́ɨn tyajaꞌtachuéj!
4 Musioꞌváꞌjuꞌ joꞌtɨj jaꞌpueertaj aꞌájna joꞌtɨj jaꞌrájtaꞌcuaj ɨ tyeyúujraꞌ tzajtaꞌ
aꞌɨ́j setyiꞌchuíicaj ɨ siaj jɨn tyaatatyójtziꞌreꞌen.
¡Setyuꞌtatyójtziꞌreꞌ, siajta tyámuaꞌ tyeetyátoonyij ɨ tɨ jɨn ántyapuaj!
5 Jiꞌnye ɨ Tavástaraꞌ pu tyámuaꞌ tojoꞌmuaꞌraj;
ajta jusén jɨmeꞌ séejreꞌ ɨ tɨ jɨn taxɨeꞌveꞌ
ajta ɨ tɨ quee tyiꞌtɨ́j jɨn áꞌɨtzeereꞌ capu aꞌnáj antyipuaꞌrij.