12
Ɩsɔ sɑmtʋ yontu
1 Kʋyɑkʋ ŋkʋɣʋ ɩ́ kɑ́ sɑ Tɑcɑɑ nɑ yontu sɩ:
Hɑɩ, Tɑcɑɑ tǝ sɑmɑ-ŋ.
Nyɑ́ pɑ́ɑ́nɑ́ mʋnɑɑ kɛ́. Amɑ n kʋ-yɛɣɛ tɑ́ tɔɔ.
Hɛɛsɩ tɑ́ lɑŋɑ.
2 Ɩsɔ nyɑɣɑlɛ tɑ́ nyʋɣʋ yɑ́tʋ́.
Tɩɩ tʋ-ŋ nɑɑni kɛ́.
Sɔɣɔntʋ kɑɑ kpɑ-tʋ.
Mpi tɔ, Tɑcɑɑ nyɑɣɑlɛ tɑ́ toŋ, nɑ tǝ́ sɑŋɩ-ŋ.
Nyɑɣɑlɛ tɑ́ wɑɑsʋlʋ.
3 Tɩɩ lu lʋm nɑ lɑŋhʋlʋmlɛ kɛ
nyʋɣʋ yɑpʋ sɛɛlʋ tɑɑ.
4 Kʋyɑkʋ ŋkʋ kʋ wule ɩ́ kɑ́ yɔɣɔtɩ sɩ:
Ɩ́ sɑ Tɑcɑɑ, ɩ yɑɑ ɩ hǝtɛ.
Ɩ́ kpɑɑlɩ yǝlɑɑ tɑɑ kɛ́ ɩ tǝmɑ tɔm.
Ɩ́ tɔɔsɩ pɑ tǝnɑ sɩ Ɩsɔ hǝtɛ ntɛ́ sɔsɔɔlɛ.
5 Ɩ́ sɑ Tɑcɑɑ nɑ mǝ yontu.
Mpi tɔ, Tɑcɑɑ lɑpɑ tǝmɑ sɔsɔɔnɑ kɛ́.
Pǝ wɛɛ sɩ pɑ́ lɑ nɑ ɑntulinyɑ tǝnɑ nyɩ mpʋ.
6 Siyɔŋ nyǝ́mɑ mɛ ɩ́ wilitinɑ lɑŋhʋlʋmlɛ.
Mpi tɔ, Ɩsɛɣɛlɩ Ɩsɔ Nɑŋŋ tʋ wei ɩ́ wɛnɑ tɔ,
ɩ kɛ́ sɔsɔ kɛ́.