93
Yawe Yɛnŋɛlɛ li yɛn wunluwɔ
1 Yawe Yɛnŋɛlɛ li yɛn wunluwɔ,
gbɔgɔwɔ pi yɛn mali fere paa yaripɔrɔ yɛn,
Yawe Yɛnŋɛlɛ lìli yɛɛ fere jate, fanŋga yɛn li ni mali maga paa kurusijara yɛn.
Ki kala na, dunruya wi yɛn ma gbegele ma cɛn, wi se ya wɔ wa wi yɔnlɔ.
2 We Fɔ, ma wunluwɔ pi yɛn ma gbegele ma tɛgɛ maga lɛ wa fafafa,
ma yɛn Yɛnŋɛlɛ, maga lɛ wa fafafa fɔ tetete.
3 Yawe Yɛnŋɛlɛ, gbaanla tɔnmɔ pi yɛn na tinmɛ yinrigi,
gbaanla tɔnmɔ pi yɛn na tinni,
gbaanla tɔnmɔ pi yɛn na kunlu ŋgbanga.
4 Ɛɛn fɔ Yawe Yɛnŋɛlɛ li yɛn yaara ti ni fuun ti go na wa naayeri lara ti ni.
Li fanŋga kì gbɔgɔ ma wɛ tɔnŋgbɔɔ tinmɛ na,
kì gbɔgɔ ma wɛ kɔgɔje tɔnmɔ mba pi maa yinrigi na tuun pi fanŋga ki na.
5 Yawe Yɛnŋɛlɛ, ma kondɛgɛŋgɛlɛ ke yɛn kaselege piiri,
mbe dunruya wi ta wa sanga ŋa fuun ni, ma shɛrigo gbɔgɔ ki daga mbe pye kpoyi.