123
Makari tigi Ala
1 Ala ta batoso yɛlɛnsira ta dɔnkiri.
Ne bɛ ne ɲa kɔrɔta ka ele le flɛ,
ele min siginin bɛ sankolo ta masaya ra.
2 Jɔncɛ ɲa lɔnin bɛ a matigicɛ boro ra cogo min na,
jɔnmuso ɲa lɔnin bɛ a matigimuso boro ra cogo min na,
anw fana ɲa lɔnin bɛ Matigi Ala, an ta Ala ra ten,
fɔ a ye na makari an na.
3 Makari an na, Matigi Ala, makari an na;
sabu dɔgɔyari ka an labɔ fɔ k’a dama tɛmɛ.
4 Wasobagaw ta lɔgɔbɔri ka an labɔ,
yɛrɛbonyabagaw ta dɔgɔyari ka an labɔ.