110
ዳዊቴ ማዛሙሬ
ጎዳይ ታ ጎዳስ፥
«ታኒ ኔ ሞርኬታ ኔ ቶሆ
ጋርሳን ዬꬊሳና ጋካናስ፥
ታ ኡሻቻን ኡታ» ጊዴስ። +
 
ጎዳይ ኔስ ማታ ጉፌ
ጺዮኔፔ ኪታና፤
ኔኒካ ሞርኬታ ሃራና።
ኔኒ ኔ ሞርኬታራ ኦሌቲዛ ጋላስ
ኔ ኦላንቻቲ ባ ሼኔን
ኔ ሚሌን ኤቃና፤
ዎንታ ማላዶ ኣዋ ማላ
ጌሻቴꬃን ጶላሼ
ኔ ናቴቴꬃ ኣሳይ ኔኮ ያና።
 
ጎዳይ፥ «ማልኬጼዴቄ
ቄሴቴꬃ ማላ
ኔኒካ ሜርናስ ቄሴ ጊዳና»
ጊዲ ጫቂዴስ፤
ኢዚ ባ ቆፋ ላሜና። +
 
ጎዳይ ኔ ኡሻቻን ዴስ፤
ኢዚ ባ ሃንቆ ጋላስ
ካዎታ ቲንቼሬꬃና።
ካዎቴꬃታ ቦላ ኢዚ ፒርዳና፤
ኦላ ዎሳናታካ
ኣሃ ጻላ ሂስታና፤
ሳኣን ኡባን ዲዛ ካዎታ
ኢዚ ሜንꬄሬꬃና።
ካዎዚ ኦጌ ላንቄን ዲዛ
ሃꬃ ፑልቶፌ ኡዪዲ፥
ኢዚ ባ ሁኤ ꬎቁ ꬎቁ ሂስታና።
+ 110:1 ማቶ 22፡44፤ ማር 12፡36፤ ሉቃ 20፡42-43፤ ሃዋ 2፡34-35፤ 1ቆሮ 15፡25፤ ኤፌ 1፡20-22፤ ቆላ 3፡1፤ ኢብ 1፡13፤ 8፡1፤ 10፡12-13 + 110:4 ኢብ 5፡6፤ 6፡20፤ 7፡17፥21