1-2 “Wiripunydja mak ŋuli nhumalanha yolŋuyu waŋa bitjan, ‘Way, mäkiri'‐witjurra ŋarraku ŋe'. Ŋarranydja djawarrkmirri dhuwala, dhäwu'‐gänharamirri ŋulaŋuru Godkuŋu. Ŋarra marŋgi mayali'wu bukaway'wunydja, ga djäma ŋarra yurru biyapul wal'ŋu ganydjarr‐ḏumurru bathala rom. Yuwalk ŋarra yukurra dhuwala ḻakaramanydja. Go ŋilimurru buku‐ŋal'yunna dhiyaku wiripuŋuwuna waŋarrwu, ŋunhi ŋanapurru yaka marŋgi ŋäthili.’ Bitjanna ŋayi yurru wiripunydja ŋunhiyi be djawarrkmirrinydja yolŋu waŋa. 3 Yaka yana ŋuriki mäkiri'‐witjurranydja bothinyaramirriwunydja djawarrkmirriwu, ga yaka märr‐nherraṉmiya märr‐yuwalkthiya ŋurikalaynydjayi ŋunhi ŋayi yurru bukaway'wuy mayali' ḻakarama. Liŋgu ŋuliwitjandhinydjayi dhärukkurru ŋayi yurru Garrayyunydja gatjarr'yun ŋunhiyi nhumalanha, yana maḻŋ'marama bitjan nhumalanha, mak nhuma yukurra märryu‐ḏapmarama gal'ŋu nhumalaŋguway waŋarrnha Garraynha bukmakthu yana nhokalay ŋayaŋuyu wal'ŋu, mak bäyŋu. 4 Yo, mukthurra yana walala malthurranydja yukirriya nhanŋuway Garraywu, biyaka rom‐wiyaṉiyiya yulŋunydja nhanŋu, märr yurru nhe yakana djäma ŋula nhä yätjtja. Dhäruk biyaka märraŋa ŋanya, ga buku‐ŋal'yurra nhanŋuway yana waŋganygu.”