11
Yerusalaamen De7iya Asaa
1 Asaa kaaletheysati Yerusalaamen de7idosona. Hanko asay tammaafe issoy geeshsha kataman Yerusalaamen de7ana mela saama yeggidi dooridosona. Shin hara uddufun kushe asay banta kataman kataman de7idosona.
2 Ba shenen Yerusalaamen de7anaw dosida asa ubbaa asay anjidosona.
3 Hara katamatan de7iya Isra7eele asay, kahineti, Leeweti, Xoossa keetha oosanchoti, Solomone aylleta sheeshati ubbay banta kataman kataman de7iya gadiya oykidi de7idosona. Haysafe kaallidi xaafetidaysati, Yerusalaamen de7anaw yida biitta shuumata;
4 Yihuda kochaafe yida asay Paaresa yara gidida Atayanne Seela yara gidida Ma7iseya. Atayi Ooziyana na7a; Ooziyani Zakaryaasa na7a; Zakaryaasi Amaare na7a; Amaarey Safaaxa na7a; Safaaxi Malal7eela na7a.
5 Ma7iseyi Baaroka na7a; Baaroki Kolihooza na7a; Kolihoozi Ooza na7a; Oozi Adaya na7a; Adayi Yoyaariba na7a; Yoyaaribi Zakaryaasa na7a. Haysati Seela kochata.
6 Paaresa yarape wolqaama gidida 468 asati Yerusalaamen de7idosona.
7-8 Biniyaame kochaafe yida asay Saala, Gabayanne Salaya. Saalu Masulaama na7a; Masulaami Yo7eeda na7a; Yo7eedi Padaya na7a; Padayey Qolaya na7a; Qolayi Ma7iseya na7a; Ma7iseyi Iti7eela na7a; Iti7eeli Yeshaya na7a. Biniyaame zariyape 928 asay Yerusalaamen de7idosona.
9 Zikira na7ay Iyyu7eeli enta halaqa; qassi Hasanu7a na7ay Yihudi kataman nam7antho halaqa.
10 Kahinetape yida asay Yoyaariba na7aa Yadaya, Yakina na7aa;
11 Saraya; Sarayi Kilqiya na7a; Kilqey Masulaama na7a; Masulaami Saadoqa na7a; Saadoqi Marayoota na7a; Marayooti Xoossa keetha halaqa gidida Ahixuuba na7a.
12 Entara issife Xoossa keethan oothiya oosanchoti kumethi 822. Adayi Yirohaama na7a; Yirohaami Palala na7a, Palali Amoxe na7a; Amoxey Zakaryaasa na7a; Zakaryaasi Paskora na7a; Paskora Malkiya na7a.
13 Adayara issife de7iya asaynne enta soo asaa halaqati kumethi 242. Amasasayi Azari7eela na7a; Azari7eeli Ahizaya na7a; Ahizayi Mashilmoota na7a; Mashilmooti Imera na7a.
14 Amasayara issife de7iya olanchoti kumthi 128. Hagidolima na7ay Zabdi7eeli kahineta ayseysa.
15 Leewetape yida asay Shamaya; Shamayey Hashuba na7a; Hashubi Aziriqaama na7a; Aziriqaami Hasabaya na7a; Hashabey Buna na7a.
16 Leeweti Sabatinne Yozabaata Xoossa keethafe karera oosetiya oosuwas halaqa.
17 Mataani Mika na7a; Miki Zabida na7a; Zabidi galata woosa kaalethiya Asaafa na7a; Asaafi iya nam7antho halaqa gidida Baqibuuqa na7a; Baqibuuqi Samusa na7a; Samusi Galaala na7a; Galaali Yedutuuna na7a.
18 Leewetape 284 asay geeshsha kataman Yerusalaamen de7idosona.
19 Pengiya naageysatape, Aquba, Talmoonanne entara issife oothiya oosanchota tayboy 172.
20 Attida kahineti, Leewetinne Isra7eele asa ubbay banta laata biittan Yihuda katamatan de7idosona.
21 Shin Xoossa keetha oosanchoti Yerusalaame kataman de7iya Ofeela deriya bolla de7idosona. Sihanne Gishipa geetetiya nam7u asati enta halaqata.
22 Yerusalaamen de7iya Leeweta halaqay Oza. Ozi Baana na7a; Baani Hasabaya na7a; Hashabey Mataana na7a; Mataani Mika na7a. Ozi Xoossa keetha zammaareta halaqa gidida Asaafa na7a.
23 Zammaareti gallas gallas yexana mazmuriya kawoy enta kiittees.
24 Yihuda na7aa Zaraha yaraape yeletida Masezabeela na7aa Pataha Isra7eele asaas doona gididi, kawa matan de7ees.
25 Yihuda asaape guuthati goshsha gadetaninne gutatan, Qiriyaat-Arbaninne iya gutatan, Diboonaninne iya gutatan, Yaqabxi7eelaninne iya gutatan de7idosona.
26 Qassi Iyyasun, Molaadan, Beet-Phalexan,
27 Haxar-Shu7aalaninne iya gutatan, Barsaabeninne iya gutatan,
28 Xiqilaagan, Makonaaninne enta gutatan,
29 Enirmoonan, Xor7aninne Yarmutan,
30 Zanohan, Adulaamaninne enta gutatan, Laakisoninne iya heeran de7iya goshsha gadiyan, Azeeqaninne iya gutatan de7idosona. Hessada hanidi Yihuda asay Barsaabepe bidi Hinooma Zangaara gakanaw de7iya bessan de7idosona.
31 Biniyaame kochati Gib7an, Mikmaasan, Ayan, Beeteleninne enta gutatan,
32 Anatootan, Nooban, Ananiyan,
33 Haxooran, Raman, Gitaman,
34 Hadidan, Xabo7iman, Nabalaaxan
35 Loodan, Ononinne Kushe Hiillata Zangaara geetetiya bessan de7idosona.
36 Yihudan de7ida Leewetape baggati Biniyaame asaara daanada oosetidosona.