10
1 Maatame wothida asaa sunthay, biitta aysiya Nahimey, Hakaliya na7ay,
Kahinetape, Sedeqiyaasa,
2 Saraya, Azaara, Ermiyaasa,
3 Paskora, Amaare, Malka,
4 Haxusa, Sabana, Maluka,
5 Harima, Maremoota, Obaada,
6 Daanela, Ginetoona, Baaroka,
7 Masulaama, Abiya, Miyamina,
8 Ma7aaza, Belgayanne Shamaya.
9 Leewetape, Aznaata na7aa Iyyasu, Henadaada kochi gidida Binuya, Qadimi7eelanne
10 entara oothiya Sabana, Hodiya, Qalixa, Palaya, Hanaana,
11 Mika, Rahooba, Hasabaya,
12 Zakura, Saraba, Sabana,
13 Hodiya, Bananne Banina.
14 Halaqatape, Paroosa, Pahati-Moo7aba, Elama, Zata, Baana,
15 Buna, Azgada, Bebaya,
16 Adoona, Bigiwaya, Adina,
17 Axeera, Hizqiyaasa, Azuura,
18 Hodiya, Hasuma, Besaya,
19 Harifa, Anatoota, Nebaya,
20 Magiphaasa, Masulaama, Ezira,
21 Masezabeela, Saadoqa, Yadu7a,
22 Palaxa, Hanana, Anaya,
23 Hose, Hanaana, Hasuba,
24 Haloheesa, Piliha, Sobeqa,
25 Rehuuma, Hasabina, Maseya,
26 Akiya, Hanana, Anaana,
27 Maluka, Harimanne Ba7ana.
28 Attida asay, kahineti, Leeweti, pengiya naageysati, zammaareti, Xoossa keetha oosanchoti, Xoossa higgiyas kiitetanaw bantana Ayhude gidonna deretape shaakida ubbay, enta macheti, akeekanaw danda7iya enta adde naytinne macca nayti,
29 bantana kaaletheysatara issife caaqidosona. Enti Xoossa aylliya Muse baggara Xoossay immida nu Godaa, Xoossaa kiitta, higgiyanne wogaa naaganaw qangethaninne caaqon qaala gelidosona.
30 Enti haysada yaagidi caaqidosona; “Nu macca nayta Ayhude gidonna adde naytas immoko; enta macca nayta nu adde naytas macho oothidi ekooko.
31 “Ayhude gidonna asati kathi gidin woyko haraba Sambaata gallas woyko hara ba7aale gallas bayzanaw ehiko entafe shammoko. Laapuntha laythi gakiya wode wode nu biitta goyoko; nuuni tal7ida acuwa achoko.
32 “Xoossa keetha oosuwas oyddu giraame bira laythan laythan qanxonna immana.
33 Hessika, Godaa sinthan wothiya uythaas, gallas gallas yarshetiya katha yarshuwas, xuussa yarshuwas, Sambaata gallasan, ageena xeeron, laythan de7iya hara ba7aaletan, geeshsha yarshotas, Isra7eele asa nagaraa atotethas yarshetiya yarshuwasinne nu Xoossa keetha oosuwas koshshiya ubbaa kunthanaasa.
34 “Nu, kahineti, Leewetinne hara asa ubbay, laythan laythan oosetiya gallasan, higgiyan xaafetidaysada Godaa, nu Xoossaa yarsho bessan eexiya mithaa issi issi kochay awude ehanaw bessiyako eranaw saama yeggida.
35 “Katha nu shiishiya wodenne dumma dumma mitha ayfiya nu maxiya wode bayraa Xoossa keethi ehana.
36 “Higgiyan xaafetidaysada nuuni koyro yeletiya nu adde nayta, qassi nu miizati, nu dorsatinne nu deeshati yeliya koyro marata Xoossa keethan oothiya kahinetako ehidi Xoossas dummayana.
37 “Nuuni nu biittan kaxida kathaafe koyruwa, nu mitha ubbaa ayfiya, woyniyanne zaytiya imota oothidi, Xoossa keethan oothiya kahinetako ehana. Leeweti nu de7iya katamata goshshan ayfiyabape asraata ekiya gisho, nu biittay ayfiyabape asraata ehana.
38 Leeweti asraata shiishiya wode, Aarona yara gidida kahineti entara issife gidanaw bessees. Leeweti asraata shiishidaape guye, asraatape asraata kessidi nu Xoossa keethi ehidi, miishe wothiya kifiliyan wotho.
39 Isra7eele asaynne Leeweti kathaa, woyniyanne shamaho zayte imota geeshsha miisheti uttiya bessaanne kahineti, pengiya naageysatinne zammaareti shempiya kifiliya eho.
“Nuuni Xoossa keethaa ubbaka aggoko” yaagidi caaqidosona.