5
ಸಬೆತ್ ಚಾ಼ಲ್ಯಾಲ ವ್ಯಬಿಚಾರ್
ತುಮ್ಚಿಪ ವ್ಯಬಿಚಾರ್ ಹಾ ಮನ್ಹುನ್ ಖಬರ್ ಮೀ ಐಕ್ಲೆ. ಯಕಾನಿ ಆಪ್ಲೆ ಸೌತರ್ ಆಯಿಲಾ ಥಿವುನ್ ಗೆತ್ಲೆಕಾನು. ತಸ್ಲಿ ಕಾಮ ದಿಸರ‍್ಯಾ ಲೊಕಾತ್ನಿಬಿ ನಾಹಿತ. ಆಸ ಆಸ್ಥಾನಾ ತುಮಾನಾ ದುಃಖ ವ್ಹಯಾಚೆ ಆಂದಿ, ಹ್ಯ ಕಾಮ್ ಕೆಲ್ಯಾಲ್ಯಾಲಾ ತುಮ್ಚಿಪ್ನಿ ಬಾಹಿರ್ ಗಾಲ್ಹಾಚೆ ಆಂದಿ ಬಡಾಯಿ ಕರ್ತಾಸಾ. ಮಾಜ಼ ಧಡ್ ತುಮ್ಚಿಪ್ನಿ ದುರ್ ಆಸ್ಲತರಿ, ಆತಮ್ಯಾನಿ ಜ಼ವಳ್ ರಾಹುನ್ ಹಿ ಕಾಮ ಕೆಲ್ಯಾಲ್ಯಾಲಾ ತವಾಸ್ ತಿರ್ಮಾನ್ ಕೆಲಾ. ಆಮ್‍ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೆಸುಚಾನಾವಾನಿ ತುಮಿ ಸಗ್ಳಿ ಜ಼ಮುನ್ ಯತಾನಾ ಮೀ ಆತ್‍ಮ್ಯಾನಿ ತಮ್ಚಿಸಂಗ ರಾಥೊ. ತ್ಯಲಾ ಸೈತಾನಾಚಾ ತಾಬ್ಯಾತ್ ದೇವಾ ಕಾಮಂಝೆ ಪ್ರಭು ಜಾ಼ಲ್ಯಾಲಾ ಯೇಸು ದಿಸುನ್ ಯಯಾಚಾ ದಿಸಾತ್ ತಸಲ್ಯಾಂಚ಼ ಆತ್ಮ ರಕ್ಶನ್‍ವ್ಹಯಾ ತ್ಯಚಾ ಶರೀರಾಚಿ ಭಾವ್ನಾ ನಾಸ್ ವ್ಹಯಿಶಾರ್ಕ ಪ್ರಭು ಜಾ಼ಲ್ಯಾಲ್ಯಾ ಯೇಸುಚಾ ಬಳಾನಿ ತಿರ್ಮಾನ್ಕೆಲ್ಯಾ.
ತುಮಿ ಬಡಾಯಿಕರಾಚಿ ಬರ ನವ್ಹ. ಥೊಡ ಆಂಬಾಟ್ ಮಿಸಳ್ಳತ ಪೀಟ್ ಸಗ್ಳ ಆಂಬಾಟ್ ವ್ಹತ ಮನ್ಹುನ್ ತುಮಾನಾ ಠಾವ ನಾಹಿ ಕ್ಯಾ? ಪಾಪಾನಿ ಬರ್‌ಲ್ಯಾಲಾ ಜು಼ನ್ನ ಅಂಬಾಟ್ ಕಾಡುನ್ ಟಾಕುನ್ ತುಮಿ ಸಗ್ಳೆ ತರನಿ ನಿಶ್ಚಳ್ ವ್ಹವಾ. ಕಾಮಂಝೆ ಆತಾಸ್ ಆಮ್ಚಾ ವಲಾಂಡ್ಯಾಲಾ ಬಕ್ರ ತ್ಯೊಡ್‍ಲ್ಯಾ; ತ್ಯ ಬಕ್ರ ಕಚ಼ ಮಂಜೆ ಕ್ರಿಸ್ತುಸ್. ಮನ್ಹುನ್ ಆಮಿ ಜು಼ನ್ನಾ ಆಂಬಾಟ್ ಸೊಡಾ ಮಂಜೆ ಬುರ್ಸಾ ಮಾರ್ಗ ಆನಿ ನಿಚ಼್ ಮಂತ್ಯಾಲ ಆಂಬಾಟ್ ಸೊಡಾ ಥಿವುನ್ ಗಿಯಾಚೆಆಂದಿ ಪ್ರಾಮಾಣಿಕ್ ಪನ್ ಆನಿ ಖರ ಮಂತ್ಯಾಲ ಪುಗ್‌ಲ್ಯಾ ನಸ್‌ಲ್ಯಾಲಿ ಬಾಕ್ರಿ ಗಿಹುನ್ ವಲಾಂಡ್ಯಾಚಾ಼ ಸನ್ ಕರುಯಾ.
ವ್ಯಬಿಚಾರ್ ಕರುನಾಹಿ ಮನ್ಹುನ್ ಮಾಜಾ ಪತ್‍ರ‍್ಯಾತ್ ಲಿವ್‍ಲ್ಯಾ. 10 ತ್ಯ ಹೆ ದುನೆತ್ಲಿ ವ್ಯಬಿಚಾರ್ ಕರ್ತ್ಯಾಲಿ, ಆಶಾ ಕರ್ತ್ಯಾಲಿ, ಸುಲುನ್ ಖಾತ್ಯಾಲಿ, ಪಾಶಾನ ಪುಜ಼್‌ತ್ಯಾಲಿ, ಆಸ್‍ಲ್ಯಾಂಚಾ಼ ಸವಾಸ್ ಸುಡುನ್ದಿಯಾವ್ಹಯಿ ಮಂಥ್ಯಾಲಾ ಅರ್ಥ ನವ್ಹ; ತಸ ಸೊಡಾಚ಼ ಜಾ಼ಲ್ಯಾ ತುಮಿ ಹಿ ದುನ್ಯಾ ಸುಡುನ್ ಜಾ಼ಯಾ ವ್ಹಯಿ. 11 ಫನ್ ಕ್ರಿಸ್ತಾಚಾ಼ ಬಾಹು ಮನ್ಹುನ್ ಗೆತಲ್ಯಾಲಾ, ವ್ಯಬಿಚಾರ್ ಕರ್ತ್ಯಾಲಾ, ಆಶಾ ಕರ್ತ್ಯಾಲಾ, ಪಾಶಾನ ಪುಜ಼್‌ತ್ಯಾಲಾ, ಕಳ್‍ಪೆಟ್ವ, ಪಿದೊಡಾ, ಸುಲುನ್ ಖಾತ್ಯಾಲಾ ಜಾ಼ಲಾ ಆಸ್ಲಾತ ತ್ಯಚಿ ಸಂಗತ್ ಕರುನಾಹಿ. ತಸ್‍ಲ್ಯಾಂಚಿ ಸಂಗ ಜೆವಾನ್ ಸಾಹಿತ್ ಖಾವುನಾಹಿ ಮನ್ಹುನ್ ಲಿವ್‍ಲ್ಯಾ.
12 ಸಬೆಚೆ ಬಾಹಿರ್ ಆಸ್‍ಲ್ಯಾಲ್ಯಾನಾ ನ್ಯಾಯಿ ನಿವ್ಡಾಯಾ ಕ್ಯಾ ಹುಕುಮ್‍ ಹಾ? ಆತ್‌ಲ್ಯಾಂಚಾ಼ ನ್ಯಾಯಿ ನಿವಡ್‌ತ್ಯಾಲ ತುಮಿಸ್ ನವ್ಹ ಕ್ಯಾ?
13 ಬಾಹಿರ್ ಆಸ್‌ಲ್ಯಾಲ್ಯಾಂಚಾ಼ ನ್ಯಾಯಿ ನಿವಡ್‌ತ್ಯಾಲಾ ದೇವುಸ್. “ತುಮ್ಚೆಮದಿ ಆಸ್‌ಲ್ಯಾಲ್ಯಾ ತ್ಯಾ ಬುರ್ಶಾ ಮಾನ್ಸಾಲಾ ಕಾಡುನ್‍ ಟಾಕಾ. ”