Η Καινή Διαθήκη Acts 11

Peter has to explain

1 Ἤκουσαν δὲ οἱ ἀπόστολοι καὶ οἱ ἀδελφοὶ οἱ ὄντες κατὰ τὴν Ἰουδαίαν ὅτι καὶ τὰ ἔθνη ἐδέξαντο τὸν λόγον τοῦ Θεοῦ. 2 Καὶ ὅτε* ἀνέβη Πέτρος εἰς Ἱεροσόλυμα,† διεκρίνοντο πρὸς αὐτὸν οἱ ἐκ περιτομῆς, 3 λέγοντες ὅτι «Εἰσῆλθες πρὸς ἄνδρας ἀκροβυστίαν ἔχοντας καὶ συνέφαγες‡ αὐτοῖς.»

4 Ἀρξάμενος δὲ ὁ § Πέτρος ἐξετίθετο αὐτοῖς καθεξῆς λέγων· 5 «Ἐγὼ ἤμην ἐν πόλει Ἰόππῃ προσευχόμενος, καὶ εἶδον ἐν ἐκστάσει ὅραμα· καταβαῖνον σκεῦός τι ὡς ὀθόνην μεγάλην, τέσσαρσιν ἀρχαῖς καθιεμένην, ἐκ τοῦ οὐρανοῦ, καὶ ἦλθεν ἄχρις* ἐμοῦ· 6 εἰς ἣν ἀτενίσας κατενόουν καὶ εἶδον τὰ τετράποδα τῆς γῆς†—καὶ τὰ θηρία καὶ τὰ ἑρπετά—καὶ τὰ πετεινὰ‡ τοῦ οὐρανοῦ. 7 Ἤκουσα δὲ§ φωνῆς λεγούσης μοι, ‹Ἀναστάς, Πέτρε, θῦσον καὶ φάγε.› 8 Εἶπον δέ· ‹Μηδαμῶς, Κύριε· ὅτι πᾶν* κοινὸν ἢ ἀκάθαρτον οὐδέποτε εἰσῆλθεν εἰς τὸ στόμα μου.› 9 Ἀπεκρίθη δέ μοι† ἐκ δευτέρου φωνὴ‡ ἐκ τοῦ οὐρανοῦ, ‹Ἃ ὁ Θεὸς ἐκαθάρισεν σὺ μὴ κοίνου.› 10 Τοῦτο δὲ ἐγένετο ἐπὶ τρίς, καὶ πάλιν ἀνεσπάσθη§ ἅπαντα εἰς τὸν οὐρανόν. 11 Καὶ ἰδού, ἐξαυτῆς τρεῖς ἄνδρες ἐπέστησαν ἐπὶ τὴν οἰκίαν ἐν ᾗ ἤμην,* ἀπεσταλμένοι ἀπὸ Καισαρείας πρός με. 12 Εἶπεν δέ μοι τὸ Πνεῦμα† συνελθεῖν αὐτοῖς, μηδὲν διακρινόμενον.‡ Ἦλθον δὲ σὺν ἐμοὶ καὶ οἱ ἓξ ἀδελφοὶ οὗτοι, καὶ εἰσήλθομεν εἰς τὸν οἶκον τοῦ ἀνδρός. 13 Ἀπήγγειλέν δὲ§ ἡμῖν πῶς εἶδεν τὸν* ἄγγελον ἐν τῷ οἴκῳ αὐτοῦ σταθέντα καὶ εἰπόντα αὐτῷ,† ‹Ἀπόστειλον εἰς Ἰόππην‡ καὶ μετάπεμψαι Σίμωνα, τὸν ἐπικαλούμενον Πέτρον, 14 ὃς λαλήσει ῥήματα πρός σε ἐν οἷς σωθήσῃ σὺ καὶ πᾶς ὁ οἶκός σου.› 15 Ἐν δὲ τῷ ἄρξασθαί με λαλεῖν, ἐπέπεσεν τὸ Πνεῦμα τὸ Ἅγιον ἐπ᾿ αὐτούς, ὥσπερ καὶ ἐφ᾿ ἡμᾶς ἐν ἀρχῇ. 16 Ἐμνήσθην§ δὲ τοῦ ῥήματος τοῦ* Κυρίου, ὡς ἔλεγεν ὅτι† ‹Ἰωάννης μὲν ἐβάπτισεν ὕδατι, ὑμεῖς δὲ βαπτισθήσεσθε‡ ἐν Πνεύματι Ἁγίῳ.› 17 Εἰ οὖν τὴν ἴσην δωρεὰν ἔδωκεν αὐτοῖς ὁ Θεὸς ὡς καὶ ἡμῖν πιστεύσασιν ἐπὶ τὸν Κύριον Ἰησοῦν,§ ἐγὼ* τίς ἤμην δυνατὸς κωλῦσαι τὸν Θεόν;» 18 Ἀκούσαντες δὲ ταῦτα ἡσύχασαν καὶ ἐδόξαζον† τὸν Θεόν, λέγοντες, «Ἄραγε‡ καὶ τοῖς ἔθνεσιν ὁ Θεὸς τὴν μετάνοιαν ἔδωκεν εἰς ζωήν.»§

Enter Barnabas

19 Οἱ μὲν οὖν διασπαρέντες ἀπὸ τῆς θλίψεως τῆς γενομένης ἐπὶ Στεφάνῳ διῆλθον ἕως Φοινίκης καὶ Κύπρου καὶ Ἀντιοχείας, μηδενὶ λαλοῦντες τὸν λόγον εἰ μὴ μόνον Ἰουδαίοις. 20 Ἦσαν δέ τινες ἐξ αὐτῶν, ἄνδρες Κύπριοι καὶ Κυρηναῖοι, οἵτινες εἰσελθόντες* εἰς Ἀντιόχειαν ἐλάλουν† πρὸς τοὺς Ἑλληνιστάς, εὐαγγελιζόμενοι τὸν Κύριον Ἰησοῦν. 21 Καὶ ἦν χεὶρ Κυρίου μετ᾿ αὐτῶν,‡ πολύς τε ἀριθμὸς§ πιστεύσας ἐπέστρεψεν ἐπὶ τὸν Κύριον. 22 Ἠκούσθη δὲ ὁ λόγος εἰς τὰ ὦτα τῆς ἐκκλησίας τῆς* ἐν Ἱεροσολύμοις† περὶ αὐτῶν, καὶ ἐξαπέστειλαν Βαρνάβαν διελθεῖν‡ ἕως Ἀντιοχείας·§ 23 ὃς παραγενόμενος καὶ ἰδὼν τὴν χάριν* τοῦ Θεοῦ ἐχάρη, καὶ παρεκάλει πάντας τῇ προθέσει τῆς καρδίας προσμένειν τῷ Κυρίῳ 24 (ὅτι ἦν ἀνὴρ ἀγαθὸς καὶ πλήρης Πνεύματος Ἁγίου καὶ πίστεως). Καὶ προσετέθη ὄχλος ἱκανὸς τῷ Κυρίῳ.

25 Ἐξῆλθεν δὲ εἰς Ταρσὸν ὁ Βαρνάβας† ἀναζητῆσαι Σαῦλον, 26 καὶ εὑρὼν‡ ἤγαγεν§ εἰς Ἀντιόχειαν. Ἐγένετο δὲ αὐτοὺς* ἐνιαυτὸν ὅλον συναχθῆναι† τῇ ἐκκλησίᾳ καὶ διδάξαι ὄχλον ἱκανόν. Χρηματίσαι τε πρῶτον‡ ἐν Ἀντιοχείᾳ τοὺς μαθητὰς Χριστιανούς.

Enter Agabus

27 Ἐν ταύταις δὲ ταῖς ἡμέραις, κατῆλθον ἀπὸ Ἱεροσολύμων προφῆται εἰς Ἀντιόχειαν. 28 Ἀναστὰς δὲ εἷς ἐξ αὐτῶν ὀνόματι Ἄγαβος, ἐσήμανεν διὰ τοῦ Πνεύματος λιμὸν μέγαν§ μέλλειν ἔσεσθαι ἐφ᾿ ὅλην τὴν οἰκουμένην (ὅστις* καὶ† ἐγένετο ἐπὶ Κλαυδίου Καίσαρος).‡ 29 Τῶν δὲ μαθητῶν, καθὼς εὐπορεῖτό§ τις, ὥρισαν ἕκαστος αὐτῶν εἰς διακονίαν πέμψαι τοῖς κατοικοῦσιν ἐν τῇ Ἰουδαίᾳ ἀδελφοῖς· 30 ὃ καὶ ἐποίησαν ἀποστείλαντες πρὸς τοὺς πρεσβυτέρους διὰ χειρὸς Βαρνάβα καὶ Σαύλου.

* 11:2 και οτε f35 (90.7%) HF,RP,OC,TR,CP ¦ 1 οτι (1.1%) ¦ ~ 2 δε ℵA,B (7.6%) NU ¦ conflation (0.4%) ¦ a long addition D † 11:2 ιεροσολυμα f35 D [98%] HF,RP,OC,TR,CP ¦ ιερουσαλημ 𝕻45ℵA,B [2%] NU ‡ 11:3 εισηλθες προς ανδρας ακροβυστιαν εχοντες και συνεφαγες f35 ℵA,D [20%] NU ¦ ~ 2345167 [71%] HF,RP,OC, TR,CP ¦ ~ 234516 συνεφαγεν [8%] ¦ εισηλθεν 23456 συνεφαγεν 𝕻45vB [1%] § 11:4 ο f35 [95%] HF,RP,OC,TR,CP ¦ — 𝕻45ℵA,B,D [5%] NU * 11:5 αχρις f35 𝕻45D [97%] HF,OC,TR,CP ¦ αχρι ℵA,B [3%] RP,NU † 11:6 της γης rell ¦ — [20%] ‡ 11:6 πετεινα rell ¦ πετηνα [20%] ¦ πετινα ℵ [1%] § 11:7 δε f35 D [95%] HF,RP,OC,TR,CP ¦ 1 και ℵA,B [5%] NU * 11:8 παν f35 [94%] HF,RP,OC,TR,CP ¦ — 𝕻45ℵA,B,D [5%] NU ¦ τι [1%] † 11:9 μοι f35 [97%] HF,RP,OC,TR,CP ¦ — 𝕻45ℵA,B,D [3%] NU ‡ 11:9 εκ δευτερου φωνη f35 B [20%] ¦ ~ 312 𝕻45ℵA [80%] HF,RP,OC,TR,CP,NU ¦ 3 D § 11:10 παλιν ανεσπασθη f35 [97%] HF,RP,OC,TR,CP ¦ ~ 21 ℵA,B,D [3%] NU * 11:11 ημην f35 𝕻45 [90%] HF,RP,OC,TR,CP ¦ ημεν ℵA,B,D [5%] NU ¦ ημιν [5%] † 11:12 μοι το πνευμα f35 [97%] HF,RP,OC,TR,CP ¦ ~ 231 𝕻45ℵA,B,D [3%] NU ‡ 11:12 διακρινομενον f35 [90%] HF,RP,OC,TR,CP ¦ διακριναντα A(B) [3%] NU ¦ διακρινοντα ℵ [2%] ¦ διακρινομενος [5%] ¦ — D § 11:13 δε f35 ℵA,B,D [30%] NU ¦ τε [70%] HF,RP,OC,TR,CP * 11:13 τον f35 ℵA,B [99%] HF,RP,OC,TR,CP[NU] ¦ — 𝕻45D [1%] † 11:13 αυτω f35 D [98%] HF,RP,OC,TR,CP ¦ — ℵA,B [2%] NU ‡ 11:13 ιοππην f35 ℵA,B,D [20%] NU ¦ 1 ανδρας [80%] HF,RP,OC,TR,CP § 11:16 εμνησθην rell ¦ εμνησθη [13%] ¦ εμνησθημεν A * 11:16 του f35 ℵA,B,D [40%] NU ¦ — [60%] HF,RP,OC,TR,CP † 11:16 οτι f35 [25%] ¦ — ℵA,B,D [75%] HF,RP,OC,TR,CP,NU ‡ 11:16 βαπτισθησεσθε rell ¦ βαπτισθησεσθαι ℵA,D [10%] § 11:17 ιησουν f35 [25%] ¦ 1 χριστον ℵA,B,D [75%] HF,RP,OC,TR,CP,NU * 11:17 εγω f35 ℵA,B [20%] NU ¦ 1 δε [80%] HF,RP,OC,TR,CP † 11:18 εδοξαζον f35 A [70%] HF,RP,OC,TR,CP ¦ εδοξασαν ℵB [30%] NU ¦ εδοξαν D ‡ 11:18 αραγε f35 [96%] HF,RP,OC,TR,CP ¦ αρα ℵA,B,D [4%] NU § 11:18 εδωκεν εις ζωην f35 [96%] HF,RP,OC,TR,CP ¦ ~ 231 ℵA,B,D [4%] NU * 11:20 εισελθοντες f35 [90%] HF,RP,OC,TR,CP ¦ ελθοντες ℵA,B,D [10%] NU † 11:20 ελαλουν f35 D [97%] HF,RP,OC,TR,CP ¦ 1 και ℵA,B [3%] NU ‡ 11:21 αυτων rell ¦ 1 του ιασθαι αυτους [5%] CP § 11:21 αριθμος f35 D [98%] HF,RP,OC,TR,CP ¦ 1 ο ℵA,B [2%] NU * 11:22 της f35 A,D [85%] HF,RP,OC,TR,CP ¦ 1 ουσης ℵB [15%] NU † 11:22 ιεροσολυμοις f35 [95%] HF,RP,OC,TR,CP ¦ ιερουσαλημ 𝕻45ℵA,B,D [5%] NU ‡ 11:22 διελθειν f35 D [97%] HF,RP,OC,TR,CP[NU] ¦ — ℵA,B [3%] § 11:22 εως αντιοχειας rell ¦ εις αντιοχειαν CP * 11:23 χαριν f35 D [99%] HF,RP,OC,TR,CP ¦ 1 την ℵA,B [1%] [NU] † 11:25 ο βαρναβας f35 [96%] HF,RP,OC,TR,CP ¦ — 𝕻45ℵA,B(D) [4%] NU ‡ 11:26 ευρων f35 ℵA,B,D [25%] HF,RP,NU ¦ 1 αυτον [75%] OC,TR,CP § 11:26 ηγαγεν f35 𝕻45ℵA,B,D [40%] NU ¦ 1 αυτον [60%] HF,RP,OC,TR,CP (OC is in small print) * 11:26 αυτους f35 [92%] HF,RP,OC,TR,CP ¦ αυτοις 𝕻45 [4%] ¦ αυτοις και ℵA,B [4%] NU ¦ οιτινες D † 11:26 συναχθηναι f35 (D) [80%] HF,RP ¦ 1 εν f35pt 𝕻45ℵA,B [20%] OC,TR,CP,NU (OC is in small print) ‡ 11:26 πρωτον f35 A(D) [98%] HF,RP,OC,TR,CP ¦ πρωτος 𝕻45ℵB [2%] NU § 11:28 μεγαν f35 D [96%] HF,RP,OC,TR,CP ¦ μεγαλην 𝕻45ℵA,B [4%] NU * 11:28 οστις f35 [95%] HF,RP,OC,TR,CP ¦ ητις ℵA,B,D [5%] NU † 11:28 και f35 [95%] HF,RP,OC,TR,CP ¦ — ℵA,B,D [5%] NU ‡ 11:28 καισαρος f35 [97%] HF,RP,OC,TR,CP ¦ — 𝕻45ℵA,B,D [3%] NU § 11:29 ευπορειτο f35 A,B [71%] HF,RP,CP,NU ¦ ηυπορειτο [25%] OC,TR ¦ ευπορουντο D ¦ ευποριτο ℵ ¦ four other variants [3%]