☰ Acts 7
7
Stephen’s discourse
1 Εἶπεν δὲ ὁ ἀρχιερεύς, «Εἰ ἄρα* ταῦτα οὕτως ἔχει;» 2 Ὁ δὲ ἔφη· «Ἄνδρες ἀδελφοὶ καὶ πατέρες, ἀκούσατε· Ὁ Θεὸς τῆς δόξης ὤφθη τῷ πατρὶ ἡμῶν Ἁβραὰμ† ὄντι ἐν τῇ Μεσοποταμίᾳ, πρὶν ἢ κατοικῆσαι αὐτὸν ἐν Χαρράν,‡ 3 καὶ εἶπεν πρὸς αὐτόν, ‹Ἔξελθε ἐκ τῆς γῆς σου καὶ ἐκ§ τῆς συγγενείας σου, καὶ δεῦρο εἰς* γῆν ἣν ἄν σοι δείξω.› 4 Τότε ἐξελθὼν ἐκ γῆς Χαλδαίων κατῴκησεν ἐν† Χαρράν.‡ Κἀκεῖθεν,§ μετὰ τὸ ἀποθανεῖν τὸν πατέρα αὐτοῦ, μετῴκισεν* αὐτὸν εἰς τὴν γῆν ταύτην εἰς ἣν ὑμεῖς νῦν κατοικεῖτε· 5 καὶ οὐκ ἔδωκεν αὐτῷ κληρονομίαν ἐν αὐτῇ, οὐδὲ βῆμα ποδός. Καὶ ἐπηγγείλατο δοῦναι αὐτὴν εἰς κατάσχεσιν αὐτῷ,† καὶ τῷ σπέρματι αὐτοῦ μετ᾿ αὐτόν, οὐκ ὄντος αὐτῷ τέκνου. 6 Ἐλάλησεν δὲ οὕτως‡ ὁ Θεός· ὅτι ἔσται τὸ σπέρμα αὐτοῦ πάροικον ἐν γῇ ἀλλοτρίᾳ—καὶ δουλώσουσιν αὐτὸ καὶ κακώσουσιν—ἔτη τετρακόσια. 7 ‹Καὶ τὸ ἔθνος ᾧ § ἐὰν δουλεύσωσιν* κρινῶ ἐγώ,› εἶπεν ὁ Θεός,† ‹καὶ μετὰ ταῦτα ἐξελεύσονται καὶ λατρεύσουσίν μοι ἐν τῷ τόπῳ τούτῳ.› 8 Καὶ ἔδωκεν αὐτῷ διαθήκην περιτομῆς· καὶ οὕτως‡ ἐγέννησεν τὸν Ἰσαὰκ καὶ περιέτεμεν αὐτὸν τῇ ἡμέρᾳ τῇ ὀγδόῃ, καὶ ὁ § Ἰσαὰκ τὸν Ἰακώβ, καὶ ὁ * Ἰακὼβ τοὺς δώδεκα πατριάρχας.
Down to Egypt
9 »Καὶ οἱ πατριάρχαι, ζηλώσαντες, τὸν Ἰωσὴφ ἀπέδοντο εἰς Αἴγυπτον· καὶ ἦν ὁ Θεὸς μετ᾿ αὐτοῦ 10 καὶ ἐξείλετο† αὐτὸν ἐκ πασῶν τῶν θλίψεων αὐτοῦ, καὶ ἔδωκεν αὐτῷ χάριν καὶ σοφίαν ἐναντίον Φαραώ, βασιλέως Αἰγύπτου· καὶ κατέστησεν αὐτὸν ἡγούμενον ἐπ᾿ Αἴγυπτον καὶ‡ ὅλον τὸν οἶκον αὐτοῦ. 11 Ἦλθεν δὲ λιμὸς ἐφ᾿ ὅλην τὴν γῆν Αἰγύπτου§ καὶ Χαναάν, καὶ θλῖψις μεγάλη, καὶ οὐχ* εὕρισκον† χορτάσματα οἱ πατέρες ἡμῶν. 12 Ἀκούσας δὲ Ἰακὼβ ὄντα σῖτα‡ ἐν Αἰγύπτῳ,§ ἐξαπέστειλεν τοὺς πατέρας ἡμῶν πρῶτον. 13 Καὶ ἐν τῷ δευτέρῳ ἀνεγνωρίσθη Ἰωσὴφ τοῖς ἀδελφοῖς αὐτοῦ, καὶ φανερὸν ἐγένετο τῷ* Φαραὼ τὸ γένος τοῦ† Ἰωσήφ. 14 Ἀποστείλας δὲ Ἰωσὴφ μετεκαλέσατο Ἰακὼβ τὸν πατέρα αὐτοῦ‡ καὶ πᾶσαν τὴν συγγένειαν αὐτοῦ,§ ἐν ἑβδομήκοντα πέντε ψυχαῖς.* 15 Κατέβη δὲ† Ἰακὼβ εἰς Αἴγυπτον· καὶ ἐτελεύτησεν, αὐτὸς καὶ οἱ πατέρες ἡμῶν· 16 καὶ μετετέθησαν εἰς Συχὲμ καὶ ἐτέθησαν ἐν τῷ μνήματι ὃ ‡ ὠνήσατο Ἁβραὰμ τιμῆς ἀργυρίου παρὰ τῶν υἱῶν Ἐμμὼρ§ τοῦ* Συχέμ.
Enter Moses
17 »Καθὼς δὲ ἤγγιζεν ὁ χρόνος τῆς ἐπαγγελίας ἧς ὤμοσεν† ὁ Θεὸς τῷ Ἁβραάμ, ηὔξησεν ὁ λαὸς καὶ ἐπληθύνθη ἐν Αἰγύπτῳ, 18 ἄχρις‡ οὗ ἀνέστη βασιλεὺς ἕτερος§ ὃς οὐκ ᾔδει* τὸν Ἰωσήφ. 19 Οὗτος κατασοφισάμενος τὸ γένος ἡμῶν ἐκάκωσεν τοὺς πατέρας ἡμῶν,† τοῦ ποιεῖν ἔκθετα τὰ βρέφη‡ αὐτῶν εἰς τὸ μὴ ζωογονεῖσθαι. 20 Ἐν ᾧ καιρῷ ἐγεννήθη Μωϋσῆς,§ καὶ ἦν ἀστεῖος τῷ Θεῷ· ὃς ἀνετράφη μῆνας τρεῖς ἐν τῷ οἴκῳ τοῦ πατρός.* 21 Ἐκτεθέντα δὲ αὐτὸν† ἀνείλετο‡ ἡ θυγάτηρ Φαραὼ καὶ ἀνεθρέψατο αὐτὸν ἑαυτῇ εἰς υἱόν. 22 Καὶ ἐπαιδεύθη Μωϋσῆς§ πάσῃ* σοφίᾳ Αἰγυπτίων· ἦν δὲ δυνατὸς ἐν λόγοις† καὶ‡ ἔργοις.§ 23 Ὡς δὲ ἐπληροῦτο αὐτῷ τεσσαρακονταετὴς* χρόνος, ἀνέβη ἐπὶ† τὴν καρδίαν αὐτοῦ ἐπισκέψασθαι τοὺς ἀδελφοὺς αὐτοῦ, τοὺς υἱοὺς Ἰσραήλ. 24 Καὶ ἰδών τινα ἀδικούμενον, ἠμύνατο καὶ ἐποίησεν‡ ἐκδίκησιν τῷ καταπονουμένῳ, πατάξας τὸν Αἰγύπτιον. 25 Ἐνόμιζεν δὲ συνιέναι τοὺς ἀδελφοὺς αὐτοῦ§ ὅτι ὁ Θεὸς διὰ χειρὸς αὐτοῦ δίδωσιν αὐτοῖς σωτηρίαν,* οἱ δὲ οὐ συνῆκαν. 26 Τῇ τε ἐπιούσῃ ἡμέρᾳ ὤφθη αὐτοῖς μαχομένοις καὶ συνήλασεν† αὐτοὺς εἰς εἰρήνην, εἰπών, ‹Ἄνδρες, ἀδελφοί ἐστε ὑμεῖς·‡ ἵνα τί ἀδικεῖτε§ ἀλλήλους;› 27 Ὁ δὲ ἀδικῶν τὸν πλησίον ἀπώσατο τοῦτον* εἰπών· ‹Τίς σε κατέστησεν ἄρχοντα καὶ δικαστὴν ἐφ᾿ ἡμᾶς;† 28 Μὴ ἀνελεῖν με σὺ θέλεις ὃν τρόπον ἀνεῖλες χθὲς τὸν Αἰγύπτιον;›‡ 29 Ἔφυγεν δὲ Μωσῆς§ ἐν τῷ λόγῳ τούτῳ, καὶ ἐγένετο πάροικος ἐν γῇ Μαδιάμ, οὗ ἐγέννησεν υἱοὺς δύο.
Moses commissioned
30 »Καὶ πληρωθέντων ἐτῶν τεσσαράκοντα,* ὤφθη αὐτῷ ἐν τῇ ἐρήμῳ τοῦ Ὄρους Σινᾶ ἄγγελος Κυρίου,† ἐν φλογὶ πυρὸς βάτου. 31 Ὁ δὲ Μωσῆς‡ ἰδὼν ἐθαύμασεν§ τὸ ὅραμα, προσερχομένου δὲ αὐτοῦ κατανοῆσαι, ἐγένετο φωνὴ Κυρίου πρὸς αὐτόν·* 32 ‹Ἐγὼ ὁ Θεὸς τῶν πατέρων σου—ὁ Θεὸς Ἁβραὰμ καὶ ὁ Θεὸς† Ἰσαὰκ καὶ ὁ Θεὸς‡ Ἰακώβ.› Ἔντρομος δὲ γενόμενος Μωϋσῆς,§ οὐκ ἐτόλμα κατανοῆσαι. 33 Εἶπεν δὲ αὐτῷ ὁ Κύριος· ‹Λῦσον τὸ ὑπόδημα τῶν ποδῶν σου, ὁ γὰρ τόπος ἐν* ᾧ ἕστηκας γῆ ἁγία ἐστίν. 34 Ἰδὼν εἶδον τὴν κάκωσιν τοῦ λαοῦ μου τοῦ ἐν Αἰγύπτῳ, καὶ τοῦ στεναγμοῦ αὐτῶν ἤκουσα· καὶ κατέβην ἐξελέσθαι αὐτούς. Καὶ νῦν δεῦρο, ἀποστελῶ† σε εἰς Αἴγυπτον.›
35 »Τοῦτον τὸν Μωϋσῆν‡ ὃν ἠρνήσαντο εἰπόντες, ‹Τίς σε κατέστησεν ἄρχοντα καὶ δικαστήν;›§—τοῦτον ὁ Θεὸς* ἀρχηγὸν† καὶ λυτρωτὴν ἀπέστειλεν‡ ἐν§ χειρὶ ἀγγέλου τοῦ ὀφθέντος αὐτῷ ἐν τῇ βάτῳ. 36 Οὗτος ἐξήγαγεν αὐτούς, ποιήσας τέρατα καὶ σημεῖα ἐν γῇ Αἰγύπτῳ* καὶ ἐν Ἐρυθρᾷ Θαλάσσῃ, καὶ ἐν τῇ ἐρήμῳ ἔτη τεσσαράκοντα.†
Israel’s rebellion
37 »Οὗτός ἐστιν‡ Μωϋσῆς§ ὁ εἰπὼν* τοῖς υἱοῖς Ἰσραήλ, ‹Προφήτην ὑμῖν ἀναστήσει Κύριος† ὁ Θεὸς ἡμῶν‡ ἐκ τῶν ἀδελφῶν ὑμῶν, ὡς ἐμέ.›§ 38 Οὗτός ἐστιν ὁ γενόμενος ἐν τῇ ἐκκλησίᾳ ἐν τῇ ἐρήμῳ, μετὰ τοῦ ἀγγέλου τοῦ λαλοῦντος αὐτῷ ἐν τῷ Ὄρει Σινᾶ καὶ τῶν πατέρων ἡμῶν, ὃς ἐδέξατο λόγια* ζῶντα δοῦναι ἡμῖν· 39 ᾧ οὐκ ἠθέλησαν ὑπήκοοι γενέσθαι οἱ πατέρες ἡμῶν·† ἀλλ᾿‡ ἀπώσαντο καὶ ἐστράφησαν τῇ καρδίᾳ§ αὐτῶν εἰς Αἴγυπτον, 40 εἰπόντες τῷ Ἀαρών, ‹Ποίησον ἡμῖν θεοὺς οἳ προπορεύσονται ἡμῶν· ὁ γὰρ Μωϋσῆς* οὗτος, ὃς ἐξήγαγεν ἡμᾶς ἐκ γῆς Αἰγύπτου—οὐκ οἴδαμεν τί γέγονεν† αὐτῷ.› 41 Καὶ ἐμοσχοποίησαν ἐν ταῖς ἡμέραις ἐκείναις καὶ ἀνήγαγον θυσίαν τῷ εἰδώλῳ, καὶ εὐφραίνοντο‡ ἐν τοῖς ἔργοις τῶν χειρῶν αὐτῶν. 42 Ἔστρεψεν δὲ ὁ Θεὸς καὶ παρέδωκεν αὐτοὺς λατρεύειν τῇ στρατιᾷ τοῦ οὐρανοῦ, καθὼς γέγραπται ἐν Βίβλῳ τῶν Προφητῶν· ‹Μὴ σφάγια καὶ θυσίας προσηνέγκατέ§ μοι ἐν τῇ ἐρήμῳ ἔτη τεσσαράκοντα,* οἶκος Ἰσραήλ; 43 Καὶ ἀνελάβετε τὴν σκηνὴν τοῦ Μολόχ, καὶ τὸ ἄστρον τοῦ θεοῦ ὑμῶν,† Ῥεφφάν,‡ τοὺς τύπους οὓς ἐποιήσατε προσκυνεῖν αὐτοῖς· καὶ μετοικιῶ ὑμᾶς ἐπέκεινα Βαβυλῶνος.›
A dwelling for God
44 »Ἡ σκηνὴ τοῦ μαρτυρίου ἦν§ τοῖς πατράσιν ἡμῶν ἐν τῇ ἐρήμῳ, καθὼς διετάξατο ὁ λαλῶν τῷ Μωϋσῇ* ποιῆσαι αὐτὴν κατὰ τὸν τύπον ὃν ἑωράκει·† 45 ἣν καὶ εἰσήγαγον, διαδεξάμενοι οἱ πατέρες ἡμῶν, μετὰ Ἰησοῦ ἐν τῇ κατασχέσει τῶν ἐθνῶν, ὧν ἔξωσεν ὁ Θεὸς ἀπὸ προσώπου τῶν πατέρων ἡμῶν, ἕως τῶν ἡμερῶν Δαυίδ·‡ 46 ὃς εὗρεν χάριν ἐνώπιον§ τοῦ Θεοῦ καὶ ᾐτήσατο εὑρεῖν σκήνωμα τῷ Θεῷ* Ἰακώβ· 47 Σολομὼν δὲ ᾠκοδόμησεν† αὐτῷ‡ οἶκον. 48 Ἀλλ᾿ οὐχ ὁ Ὕψιστος ἐν χειροποιήτοις ναοῖς§ κατοικεῖ, καθὼς ὁ προφήτης λέγει· 49 ‹Ὁ οὐρανός μοι θρόνος, ἡ δὲ γῆ ὑποπόδιον τῶν ποδῶν μου. Ποῖον οἶκον οἰκοδομήσετέ μοι,› λέγει Κύριος, ‹ἢ τίς τόπος τῆς καταπαύσεώς μου; 50 Οὐχὶ ἡ χείρ μου ἐποίησεν ταῦτα πάντα;›*
Stephen attacks
51 »Σκληροτράχηλοι καὶ ἀπερίτμητοι τῇ καρδίᾳ† καὶ τοῖς ὠσίν, ὑμεῖς ἀεὶ τῷ Πνεύματι τῷ Ἁγίῳ ἀντιπίπτετε· ὡς οἱ πατέρες ὑμῶν, καὶ ὑμεῖς. 52 Τίνα τῶν προφητῶν οὐκ ἐδίωξαν οἱ πατέρες ὑμῶν; Καὶ ἀπέκτειναν τοὺς προκαταγγείλαντας περὶ τῆς ἐλεύσεως τοῦ Δικαίου, οὗ νῦν ὑμεῖς προδόται καὶ φονεῖς γεγένησθε·‡ 53 οἵτινες ἐλάβετε τὸν νόμον εἰς διαταγὰς ἀγγέλων καὶ οὐκ ἐφυλάξατε.»
Stephen is martyred
54 Ἀκούοντες δὲ ταῦτα διεπρίοντο ταῖς καρδίαις αὐτῶν, καὶ ἔβρυχον τοὺς ὀδόντας ἐπ᾿ αὐτόν. 55 Ὑπάρχων δὲ πλήρης Πνεύματος Ἁγίου, ἀτενίσας εἰς τὸν οὐρανόν, εἶδεν δόξαν Θεοῦ καὶ Ἰησοῦν ἑστῶτα ἐκ δεξιῶν τοῦ Θεοῦ, 56 καὶ εἶπεν, «Ἰδού, θεωρῶ τοὺς οὐρανοὺς ἀνεῳγμένους§ καὶ τὸν Υἱὸν τοῦ Ἀνθρώπου ἐκ δεξιῶν ἑστῶτα τοῦ Θεοῦ.»* 57 Κράξαντες δὲ φωνῇ μεγάλῃ, συνέσχον τὰ ὦτα αὐτῶν καὶ ὥρμησαν ὁμοθυμαδὸν ἐπ᾿ αὐτόν, 58 καὶ ἐκβαλόντες ἔξω τῆς πόλεως, ἐλιθοβόλουν. (Καὶ οἱ μάρτυρες ἀπέθεντο τὰ ἱμάτια† παρὰ τοὺς πόδας νεανίου‡ καλουμένου Σαύλου.) 59 Καὶ ἐλιθοβόλουν τὸν Στέφανον ἐπικαλούμενον καὶ λέγοντα, «Κύριε Ἰησοῦ, δέξαι τὸ πνεῦμά μου.» 60 Θεὶς δὲ τὰ γόνατα, ἔκραξεν φωνῇ μεγάλῃ, «Κύριε, μὴ στήσῃς αὐτοῖς τὴν ἁμαρτίαν ταύτην.»§ Καὶ τοῦτο εἰπὼν ἐκοιμήθη. (Σαῦλος δὲ ἦν συνευδοκῶν τῇ ἀναιρέσει αὐτοῦ.)
* 7:1 αρα f35 D [97%] HF,RP,OC,TR,CP ¦ — ℵA,B,C [3%] NU † 7:2 ἁβρααμ f35 [50%] ¦ ἀβρααμ ℵA,B,C [50%] HF,RP,OC,TR,CP,NU ‡ 7:2 χαρραν rell ¦ χαραν D [20%] ¦ two other variants [1%] § 7:3 εκ f35 ℵA,C [99.5%] HF,RP,OC,TR,CP[NU] ¦ — B,D * 7:3 εις f35 [97%] HF,RP,OC,TR,CP ¦ 1 την ℵA,B,C,D [3%] NU † 7:4 εν rell ¦ εις [35%] ¦ επι [1%] ‡ 7:4 χαρραν rell ¦ χαραν [18%] ¦ two other variants [1%] § 7:4 κακειθεν f35 ℵA,B,C [60%] HF,RP,OC,TR,CP,NU ¦ και εκειθεν [40%] CP ¦ κακει ην D * 7:4 μετωκισεν rell ¦ μετωκησεν D [45%] CP ¦ five other variants [5%] † 7:5 δουναι αυτην εις κατασχεσιν αυτω f35 ℵA [25%] ¦ ~ 15342 B,C,D [65%] HF,RP,OC,CP,NU ¦ ~ 512345 [5%] ¦ ~ 51342 [5%] TR ‡ 7:6 ουτως rell ¦ αυτω ℵ [10%] ¦ ουτος [1%] § 7:7 ω rell ¦ ο [10%] * 7:7 δουλευσωσιν f35 ℵB [95%] HF,OC,RP,TR,CP ¦ δουλευσουσιν A,C,D [5%] NU † 7:7 ειπεν ο θεος f35 D [98%] HF,RP,OC,TR,CP ¦ ~ 231 ℵA,B,C [2%] NU ‡ 7:8 ουτως rell ¦ ουτος [18%] § 7:8 ο f35 D [96%] HF,RP,OC,TR,CP ¦ — ℵA,B,C [4%] NU * 7:8 ο f35 [96%] HF,RP,OC,TR,CP ¦ — ℵA,B,C,D [4%] NU † 7:10 εξειλετο f35 [60%] HF,RP,OC,TR,CP ¦ εξειλατο (ℵ)A,B(C,D) [40%] NU ‡ 7:10 και f35 B,D [96%] HF,RP,OC,TR,CP ¦ 1 εφ ℵA,C [4%] [NU] § 7:11 την γην αιγυπτου f35 (91%) HF,RP,OC,TR,CP ¦ 23 (4.6%) ¦ 1 αιγυπτον 𝕻45vℵA,B,C (3.9%) NU ¦ two other readings D (0.4%) * 7:11 ουχ rell ¦ ουκ CP † 7:11 ευρισκον f35 ℵA,C,D [87%] HF,RP,OC,TR,CP ¦ ηυρισκον B [13%] NU ‡ 7:12 σιτα f35 [90%] HF,RP,OC,TR,CP ¦ σιτια ℵA(B)C(D) [4%] NU ¦ σιτον [6%] § 7:12 εν αιγυπτω f35 D [98%] HF,RP,OC,TR,CP ¦ εις αιγυπτον ℵA,B,C [2%] NU * 7:13 τω rell ¦ — ℵ [2%] CP ¦ το [1%] † 7:13 του f35 𝕻45D [98%] HF,RP,OC,TR,CP[NU] ¦ — (ℵA),B,C [2%] ‡ 7:14 ιακωβ τον πατερα αυτου f35 ℵA,B,C,D [20%] NU ¦ ~ 2341 [80%] HF,RP,OC,TR,CP § 7:14 αυτου f35 D [30%] OC,TR,CP ¦ — ℵA,B,C [70%] HF,RP,NU * 7:14 εβδομηκοντα πεντε ψυχαις f35 [30%] CP ¦ ~ 312 ℵA,B,C [63%] HF,RP,OC,TR,NU ¦ ~ 31 και 2 [5%] ¦ 1 και 23 D [2%] † 7:15 κατεβη δε f35 B [94%] HF,RP,OC,TR,CP ¦ ~ και 1 ℵA,C [5%] NU ¦ 1 D [1%] ‡ 7:16 ο f35 [87%] HF,RP,TR ¦ ω ℵA,B,C,D [13%] OC,CP,NU § 7:16 εμμωρ f35 ℵA,B,C,D [33%] NU ¦ εμμορ [60%] HF,RP,OC,TR,CP ¦ εμορ [7%] * 7:16 του f35 D [95%] HF,RP,OC,TR,CP ¦ εν ℵB,C [4%] NU ¦ 1 εν A [1%] † 7:17 ωμοσεν f35 (96.5%) HF,RP,OC,TR,CP ¦ ωμολογησεν (ℵ)A,B,C (2.6%) NU ¦ επηγγειλατο 𝕻45D (0.9%) (A small number of MSS misspell the main variant as ωμωσεν or ομωσεν.) ‡ 7:18 αχρις f35 ℵA [98%] HF,OC,TR,CP ¦ αχρι B,C,D [2%] RP,NU § 7:18 ετερος f35 D [95%] HF,RP,OC,TR,CP ¦ 1 επ αιγυπτον (ℵ)A,B,C [5%] [NU] * 7:18 ηδει rell ¦ ηδη [1%] CP ¦ ειδη [12%] † 7:19 ημων f35 A,C [98%] HF,RP,OC,TR,CP[NU] ¦ — ℵB,D [2%] ‡ 7:19 εκθετα τα βρεφη f35 𝕻45D [97%] HF,RP,OC,TR,CP ¦ ~ 231 ℵA,B,C [3%] NU § 7:20 μωυσης f35 𝕻45ℵB,C,D [75%] OC,NU ¦ μωσης A [25%] HF,RP,TR,CP * 7:20 πατρος f35 A,B,C [92%] HF,RP,NU ¦ 1 αυτου D [8%] OC,TR,CP ¦ 1 μου ℵ † 7:21 εκτεθεντα δε αυτον f35 [96%] HF,RP,OC,TR,CP ¦ εκτεθεντος 2 αυτου ℵA,B,C(D) [4%] NU ‡ 7:21 ανειλετο f35 [25%] HF,RP ¦ 1 αυτον [60%] OC,TR,CP ¦ ανειλατο αυτον ℵA,B,C,D [15%] NU § 7:22 μωυσης f35 ℵB,C,D [90%] OC,CP,NU ¦ μωσης A [10%] HF,RP,TR * 7:22 παση f35 B,D [98%] HF,RP,OC,TR,CP ¦ εν 1 ℵA,C [2%] [NU] † 7:22 λογοις rell ¦ λογω [10%] ‡ 7:22 και f35 ℵA,B,C,D [65%] HF,RP,CP,NU ¦ 1 εν [35%] OC,TR (OC is in small print) § 7:22 εργοις f35 [95%] HF,RP,OC,TR ¦ 1 αυτου ℵA,B,Cv [5%] CP,NU * 7:23 τεσσαρακονταετης f35 [97%] HF,RP,OC,TR,CP ¦ τεσσερακονταετης ℵA,B,C [3%] NU † 7:23 επι rell ¦ εις [2%] OC ‡ 7:24 εποιησεν rell ¦ εποιησατο OC § 7:25 αυτου f35 A,D [98%] HF,RP,OC,TR,CP[NU] ¦ — ℵB,C [2%] * 7:25 αυτοις σωτηριαν f35 [97%] HF,RP,OC,TR,CP ¦ ~ 21 ℵA,B,C,D [3%] NU † 7:26 συνηλασεν f35 A [92%] HF,RP,OC,TR,CP ¦ συνηλλασσεν ℵB,C,D [3%] NU ¦ συνηλλασεν [5%] ‡ 7:26 υμεις f35 [92%] HF,RP,OC,TR,CP ¦ — ℵA,B,C,D [8%] NU § 7:26 αδικειτε (ℵ) rell ¦ αδικητε [20%] ¦ αδικειται C(D) [2%] * 7:27 τουτον f35 [20%] ¦ αυτον ℵA,B,C,D [80%] HF,RP,OC,TR,CP,NU (The demonstrative is more emphatic, this being the crucial point of comparison Stephen will make later. It is repeated four times in verses 35-37.) † 7:27 ημας f35 D [60%] HF,RP,TR,CP ¦ ημων ℵA,B,C [40%] OC,NU ‡ 7:28 χθες τον αιγυπτιον f35 [96%] HF,RP,OC,TR,CP ¦ ~ 231 A [2%] ¦ εχθες 23 ℵB,C [2%] NU ¦ αιχθες 23 D § 7:29 μωσης f35 A [45%] HF,RP,TR,CP ¦ μωυσης ℵB,C(D) [55%] OC,NU * 7:30 τεσσαρακοντα f35 [98%] HF,RP,OC,TR,CP ¦ τεσσερακοντα ℵA,B,C [2%] NU † 7:30 κυριου f35 D [98%] HF,RP,OC,TR,CP ¦ — ℵA,B,C [2%] NU ‡ 7:31 μωσης f35 A [38%] HF,RP,TR ¦ μωυσης ℵB,C,D [62%] OC,CP,NU § 7:31 εθαυμασεν f35 A,B,C [25%] TR ¦ εθαυμαζεν ℵD [75%] HF,RP,OC,CP,NU * 7:31 προς αυτον f35 C [96%] HF,RP,OC,TR,CP ¦ — ℵA,B,D [4%] NU † 7:32 ο θεος f35 [95%] HF,RP,OC,TR,CP ¦ — ℵA,B,C [5%] NU ¦ 2 D ‡ 7:32 ο θεος f35 [95%] HF,RP,OC,TR,CP ¦ — ℵA,B,C [5%] NU ¦ 2 D § 7:32 μωυσης f35 ℵB,C,D [80%] OC,CP,NU ¦ μωσης A [20%] HF,RP,TR * 7:33 εν f35 [97%] HF,RP,OC,TR,CP ¦ εφ 𝕻45ℵA,B,C [3%] NU ¦ ου D [for εν ω] † 7:34 αποστελω f35 [90%] HF,RP,OC,TR,CP ¦ αποστειλω A,B,C,D [9%] NU ¦ αποστιλω ℵ [1%] ‡ 7:35 μωυσην f35 ℵB,C,D [85%] OC,TR,CP,NU ¦ μωσην A [15%] HF,RP § 7:35 δικαστην f35 𝕻45A,B [87%] HF,RP,OC,TR,CP,NU ¦ 1 εφ ημας [10%] ¦ 1 εφ ημων ℵC,D [3%] * 7:35 θεος f35 𝕻45ℵA,C [96%] HF,RP,OC,TR,CP ¦ 1 και B,D [4%] [NU] † 7:35 αρχηγον f35 A [23%] ¦ αρχοντα 𝕻45ℵB,C,D [77%] HF,RP,OC,TR,CP,NU ‡ 7:35 απεστειλεν f35 (C) [90%] HF,RP,OC,TR,CP ¦ απεσταλκεν ℵA,B,D [10%] NU § 7:35 εν f35 ℵ [96%] HF,RP,OC,TR,CP ¦ συν A,B,C,D [4%] NU * 7:36 αιγυπτω rell ¦ αιγυπτου D [10%] TR † 7:36 τεσσαρακοντα f35 [96%] HF,RP,OC,TR,CP ¦ τεσσερακοντα ℵA,B,C [3%] NU ¦ μ 𝕻45D [1%] ‡ 7:37 εστιν f35 D [65%] ¦ 1 ο ℵA,B,C [35%] HF,RP,OC,TR,CP,NU § 7:37 μωυσης f35 ℵB,C,D [80%] OC,TR,CP,NU ¦ μωσης A [20%] HF,RP * 7:37 ειπων f35 [98%] HF,RP,OC,TR,CP ¦ ειπας ℵA,B,C,D [2%] NU † 7:37 κυριος f35 C [98%] HF,RP,OC,TR,CP ¦ — ℵA,B,D [2%] NU ‡ 7:37 ημων f35 [40%] HF,RP,CP ¦ υμων [55%] OC,TR ¦ — ℵA,B,C,D [5%] NU § 7:37 εμε f35 ℵA,B [85%] HF,RP,CP,NU ¦ 1 αυτου ακουσεσθε C(D) [15%] OC,TR (OC is in small print) * 7:38 λογια f35 𝕻45ℵA,B,C [80%] HF,OC,TR,CP,NU ¦ λογον [20%] RP † 7:39 ημων rell ¦ υμων [12%] ‡ 7:39 αλλ f35 [70%] HF,RP,OC,TR,CP ¦ αλλα ℵA,B,C,D [30%] NU § 7:39 τη καρδια f35 [95%] HF,RP,OC ¦ ταις καρδιαις D [3%] CP,TR ¦ εν ταις καρδιαις 𝕻45(ℵ)A,B,C [2%] NU * 7:40 μωυσης f35 ℵB,C,D [80%] OC,CP,NU ¦ μωσης A [20%] HF,RP,TR † 7:40 γεγονεν f35 D [97%] HF,RP,OC,TR,CP ¦ εγενετο ℵA,B,C [3%] NU ‡ 7:41 ευφραινοντο rell ¦ ηυφραινοντο D [20%] § 7:42 προσηνεγκατε rell ¦ προσενεγκατε [2%] CP * 7:42 εν τη ερημω ετη τεσσαρακοντα f35 (A) [20%] ¦ ~ 45 (τεσσερακοντα ℵC,NU) 123 (ℵC)D [80%] HF,RP,OC,TR,CP (NU) ¦ 4 τεσσερακοντα B † 7:43 υμων f35 ℵA,C [90%] HF,RP,OC,TR,CP[NU] ¦ — B,D ¦ ημων [9%] ‡ 7:43 ρεφφαν f35 [50%] ¦ ρεφαν C [8%] CP ¦ ρεμφαν (D) [25%] HF,RP,OC,TR ¦ ραιφαν A [7%] NU ¦ ρομφα B [3%] ¦ ρομφαν ℵ ¦ ρεφραν [5%] ¦ several further spellings § 7:44 ην f35 ℵA,B,C [95%] HF,RP,OC,NU ¦ 1 εν D [5%] CP,TR * 7:44 μωυση f35 ℵB,C(D) [85%] OC,CP,NU ¦ μωση A [15%] HF,RP,TR † 7:44 εωρακει f35 ℵA,B,C [80%] HF,RP,OC,TR,CP,NU ¦ εωρακεν D [20%] ‡ 7:45 Since most minuscules use a shortened form for ‘David’ (δαδ), the choice δαυιδ rell ¦ δαβιδ TR must be made on a different basis. § 7:46 ενωπιον rell ¦ ενωπιων CP * 7:46 θεω f35 A,C [95%] HF,RP,OC,TR,CP ¦ οικω ℵB,D [5%] NU † 7:47 ωκοδομησεν f35 ℵA,C [99%] HF,RP,OC,TR,CP ¦ οικοδομησεν B,D [1%] NU ‡ 7:47 αυτω rell ¦ εαυτω C [15%] § 7:48 ναοις f35 [95%] HF,RP,OC,TR,CP ¦ — ℵA,B,C(D) [5%] NU * 7:50 ταυτα παντα f35 ℵB [87%] HF,RP,OC,TR,CP,NU ¦ ~ 21 A,C,D [13%] † 7:51 τη καρδια f35 [95%] HF,RP,OC,TR,CP ¦ καρδιαις A,C,D [1%] NU ¦ καρδιας B ¦ ταις καρδιαις ℵ [3%] ‡ 7:52 γεγενησθε f35 [88%] HF,RP,OC,TR,CP ¦ εγενεσθε 𝕻45A,B [5%] NU ¦ εγενεσθαι ℵC,D [2%] ¦ γεγενεσθαι [5%] § 7:56 ανεωγμενους f35 (D) [97%] HF,RP,OC,TR,CP ¦ διηνοιγμενους ℵA(B)C [3%] NU * 7:56 εστωτα του θεου rell ¦ ~ 231 OC † 7:58 ιματια f35 [75%] HF,RP ¦ 1 αυτων ℵA,C,D [24%] OC,TR,CP,NU ¦ 1 εαυτων B ‡ 7:58 νεανιου rell ¦ 1 του [10%] CP ¦ τινος D § 7:60 την αμαρτιαν ταυτην f35 ℵ [98%] HF,RP,OC,TR,CP ¦ ~ 312 A,B,C,D [2%] NU
☰