Η Καινή Διαθήκη ΠΡΑΞΕΙΣ ΑΠΟΣΤΟΛΩΝ 3

Peter Heals a Lame Man

1 Ἐπὶ τὸ αὐτὸ δὲ Πέτρος καὶ *Ἰωάννης ἀνέβαινον εἰς τὸ ἱερὸν ἐπὶ τὴν ὥραν τῆς προσευχῆς τὴν †ἐνάτην. 2 καί τις ἀνὴρ χωλὸς ἐκ κοιλίας μητρὸς αὐτοῦ ὑπάρχων ἐβαστάζετο, ὃν ἐτίθουν καθ᾽ ἡμέραν πρὸς τὴν θύραν τοῦ ἱεροῦ τὴν λεγομένην Ὡραίαν τοῦ αἰτεῖν ἐλεημοσύνην παρὰ τῶν εἰσπορευομένων εἰς τὸ ἱερόν· 3 ὃς ἰδὼν Πέτρον καὶ ‡Ἰωάννην μέλλοντας εἰσιέναι εἰς τὸ ἱερὸν ἠρώτα §ἐλεημοσύνην. 4 ἀτενίσας δὲ Πέτρος εἰς αὐτὸν σὺν τῷ *Ἰωάννῃ εἶπε, Βλέψον εἰς ἡμᾶς. 5 ὁ δὲ ἐπεῖχεν αὐτοῖς προσδοκῶν τι παρ᾽ αὐτῶν λαβεῖν. 6 εἶπε δὲ Πέτρος, Ἀργύριον καὶ χρυσίον οὐχ ὑπάρχει μοι· ὃ δὲ ἔχω, τοῦτό σοι δίδωμι. ἐν τῷ ὀνόματι Ἰησοῦ Χριστοῦ τοῦ Ναζωραίου †ἔγειρε καὶ περιπάτει. 7 καὶ πιάσας αὐτὸν τῆς δεξιᾶς χειρὸς ‡ἤγειρε· παραχρῆμα δὲ ἐστερεώθησαν §αὐτοῦ αἱ βάσεις καὶ τὰ *σφυρά. 8 καὶ ἐξαλλόμενος ἔστη καὶ περιεπάτει, καὶ εἰσῆλθε σὺν αὐτοῖς εἰς τὸ ἱερὸν περιπατῶν καὶ ἁλλόμενος καὶ αἰνῶν τὸν Θεόν. 9 καὶ εἶδεν †αὐτὸν πᾶς ὁ λαὸς περιπατοῦντα καὶ αἰνοῦντα τὸν Θεόν, 10 ἐπεγίνωσκόν ‡τε αὐτὸν ὅτι §οὗτος ἦν ὁ πρὸς τὴν ἐλεημοσύνην καθήμενος ἐπὶ τῇ Ὡραίᾳ πύλῃ τοῦ ἱεροῦ, καὶ ἐπλήσθησαν θάμβους καὶ ἐκστάσεως ἐπὶ τῷ συμβεβηκότι αὐτῷ.

Peter Speaks in Solomon's Portico

11 Κρατοῦντος δὲ *τοῦ ἰαθέντος χωλοῦ τὸν Πέτρον καὶ Ἰωάννην, συνέδραμε πρὸς αὐτοὺς πᾶς ὁ λαὸς ἐπὶ τῇ στοᾷ τῇ καλουμένῃ Σολομῶντος ἔκθαμβοι. 12 ἰδὼν δὲ †Πέτρος ἀπεκρίνατο πρὸς τὸν λαόν, Ἄνδρες ‡Ἰσραηλῖται, τί θαυμάζετε ἐπὶ τούτῳ, ἢ ἡμῖν τί ἀτενίζετε ὡς ἰδίᾳ δυνάμει ἢ εὐσεβείᾳ πεποιηκόσι τοῦ περιπατεῖν αὐτόν; 13 ὁ Θεὸς Ἁβραὰμ καὶ Ἰσαὰκ καὶ Ἰακώβ, ὁ Θεὸς τῶν πατέρων ἡμῶν, ἐδόξασε τὸν παῖδα αὐτοῦ Ἰησοῦν, ὃν ὑμεῖς §μὲν παρεδώκατε καὶ ἠρνήσασθε *αὐτὸν κατὰ πρόσωπον †Πιλάτου, κρίναντος ἐκείνου ἀπολύειν. 14 ὑμεῖς δὲ τὸν ἅγιον καὶ δίκαιον ἠρνήσασθε καὶ ᾐτήσασθε ἄνδρα φονέα χαρισθῆναι ὑμῖν, 15 τὸν δὲ ἀρχηγὸν τῆς ζωῆς ἀπεκτείνατε, ὃν ὁ Θεὸς ἤγειρεν ἐκ νεκρῶν, οὗ ἡμεῖς μάρτυρές ἐσμεν. 16 καὶ ‡ἐπὶ τῇ πίστει τοῦ ὀνόματος αὐτοῦ, τοῦτον ὃν θεωρεῖτε καὶ οἴδατε ἐστερέωσε τὸ ὄνομα αὐτοῦ, καὶ ἡ πίστις ἡ δι᾽ αὐτοῦ ἔδωκεν αὐτῷ τὴν ὁλοκληρίαν ταύτην ἀπέναντι πάντων ὑμῶν.

17 Καὶ νῦν, ἀδελφοί, οἶδα ὅτι κατὰ ἄγνοιαν ἐπράξατε, ὥσπερ καὶ οἱ ἄρχοντες ὑμῶν. 18 ὁ δὲ Θεὸς ἃ προκατήγγειλε διὰ στόματος πάντων τῶν προφητῶν §αὐτοῦ παθεῖν τὸν Χριστόν, ἐπλήρωσεν οὕτω. 19 μετανοήσατε οὖν καὶ ἐπιστρέψατε *εἰς τὸ †ἐξαλειφθῆναι ὑμῶν τὰς ἁμαρτίας, ὅπως ἂν ἔλθωσι καιροὶ ἀναψύξεως ἀπὸ προσώπου τοῦ Κυρίου 20 καὶ ἀποστείλῃ τὸν ‡προκεχειρισμένον ὑμῖν §Χριστὸν Ἰησοῦν, 21 ὃν δεῖ οὐρανὸν μὲν δέξασθαι ἄχρι χρόνων ἀποκαταστάσεως πάντων ὧν ἐλάλησεν ὁ Θεὸς διὰ στόματος *πάντων †τῶν ἁγίων ‡αὐτοῦ προφητῶν ἀπ᾽ αἰῶνος. 22 §Μωσῆς μὲν *γὰρ πρὸς τοὺς πατέρας εἶπεν ὅτι Προφήτην ὑμῖν ἀναστήσει Κύριος ὁ Θεὸς †ὑμῶν ἐκ τῶν ἀδελφῶν ὑμῶν ὡς ἐμέ· αὐτοῦ ἀκούσεσθε κατὰ πάντα ὅσα ἂν λαλήσῃ πρὸς ὑμᾶς. 23 ἔσται δὲ πᾶσα ψυχὴ ἥτις ‡ἐὰν μὴ ἀκούσῃ τοῦ προφήτου ἐκείνου §ἐξολοθρευθήσεται ἐκ τοῦ λαοῦ. 24 καὶ πάντες δὲ οἱ προφῆται ἀπὸ Σαμουὴλ καὶ τῶν καθεξῆς, ὅσοι ἐλάλησαν, καὶ *κατήγγειλαν τὰς ἡμέρας ταύτας. 25 ὑμεῖς ἐστε †υἱοὶ τῶν προφητῶν καὶ τῆς διαθήκης ἧς ‡διέθετο ὁ Θεὸς πρὸς τοὺς πατέρας §ἡμῶν λέγων πρὸς Ἁβραάμ, Καὶ *ἐν τῷ σπέρματί σου †ἐνευλογηθήσονται πᾶσαι αἱ πατριαὶ τῆς γῆς. 26 ὑμῖν πρῶτον ‡ὁ Θεὸς ἀναστήσας τὸν παῖδα αὐτοῦ §Ἰησοῦν ἀπέστειλεν αὐτὸν εὐλογοῦντα ὑμᾶς ἐν τῷ ἀποστρέφειν ἕκαστον ἀπὸ τῶν πονηριῶν ὑμῶν.

* 3:1 ιωαννης ¦ ιωανης ᴡʜ † 3:1 ενατην ¦ εννατην ᴛʀ ‡ 3:3 ιωαννην ¦ ιωανην ᴡʜ § 3:3 ελεημοσυνην ¦ ελεημοσυνην λαβειν ᴄᴛ ꜱᴛ * 3:4 ιωαννη ¦ ιωανη ᴡʜ † 3:6 εγειρε και ʙ23 ¦ εγειραι και ʙ21 ᴘᴄᴋ ʀᴘ ᴛʀ ¦ — ᴇᴄᴍ† ꜱʙʟ ᴡʜ ‡ 3:7 ηγειρε ᴇᴄᴍ† ¦ ηγειρεν αυτον ᴄᴛ § 3:7 αυτου αι βασεις ᴇᴄᴍ† ¦ αι βασεις αυτου ᴄᴛ * 3:7 σφυρα ¦ σφυδρα ᴄᴛ † 3:9 αυτον πας ο λαος ᴇᴄᴍ† ¦ πας ο λαος αυτον ᴄᴛ ‡ 3:10 τε ᴇᴄᴍ† ¦ δε ᴄᴛ § 3:10 ουτος ᴇᴄᴍ† ¦ αυτος ɴᴀ ᴛʜ * 3:11 του ιαθεντος χωλου τον πετρον και ιωαννην συνεδραμε προς αυτους πας ο λαος 78.6% ¦ αυτου τον πετρον και τον ιωαννην (ιωανην ᴡʜ) συνεδραμε πας ο λαος προς αυτους ɴᴀ ꜱʙʟ ᴛʜ 2.9% ¦ αυτου τον πετρον και ιωαννην συνεδραμε προς αυτους πας ο λαος ᴇᴄᴍ† 1.8% † 3:12 πετρος ᴇᴄᴍ† ¦ ο πετρος ᴄᴛ ‡ 3:12 ισραηλιται ¦ ισραηλειται ᴛʜ ᴡʜ § 3:13 μεν ¦ — ᴛʀ * 3:13 αυτον ¦ — ᴄᴛ † 3:13 πιλατου ¦ πειλατου ᴡʜ ‡ 3:16 επι ¦ — ᴡʜ § 3:18 αυτου παθειν τον χριστον ¦ παθειν τον χριστον αυτου ᴄᴛ * 3:19 εις ¦ προς ᴇᴄᴍ† ꜱʙʟ ᴡʜ † 3:19 εξαλειφθηναι ¦ εξαλιφθηναι ᴡʜ ‡ 3:20 προκεχειρισμενον ¦ προκεκηρυγμενον ᴛʀ § 3:20 χριστον ιησουν ʙ26 ¦ ιησουν χριστον ʙ18 ᴛʀ * 3:21 παντων ¦ — ᴄᴛ † 3:21 των ¦ — ᴀɴᴛ ᴛʀ ‡ 3:21 αυτου προφητων απ αιωνος 79.3% ¦ απ αιωνος αυτου προφητων ᴄᴛ 5.3% § 3:22 μωσης ʙ18 ¦ μωυσης ʙ7 ᴀɴᴛ ᴄᴛ ᴘᴄᴋ * 3:22 γαρ προς τους πατερας ειπεν 80.3% ¦ ειπε προς τους πατερας ᴍꜱꜱ 5.6% ¦ ειπεν ᴄᴛ 4% † 3:22 υμων ʙ33 ¦ ημων ʙ9 ʜꜰ ᴘᴄᴋ ʀᴘ ¦ — ꜱʙʟ ᴡʜ ‡ 3:23 εαν ¦ αν ᴘᴄᴋ ꜱʙʟ ᴛʀ ᴡʜ § 3:23 εξολοθρευθησεται ¦ εξολεθρευθησεται ᴄᴛ * 3:24 κατηγγειλαν ¦ προκατηγγειλαν ᴘᴄᴋ ᴛʀ † 3:25 υιοι ¦ οι υιοι ᴄᴛ ‡ 3:25 διεθετο ο θεος ¦ ο θεος διεθετο ᴡʜ § 3:25 ημων ᴇᴄᴍ† ¦ υμων ᴄᴛ * 3:25 εν ¦ — ᴛʀ † 3:25 ενευλογηθησονται ¦ ευλογηθησονται ᴡʜ ‡ 3:26 ο θεος αναστησας ᴇᴄᴍ† ¦ αναστησας ο θεος ᴄᴛ § 3:26 ιησουν ¦ — ᴄᴛ