Η Καινή Διαθήκη ΙΑΚΩΒΟΥ ΕΠΙΣΤΟΛΗ 5

Warning to the Rich

1 Ἄγε νῦν οἱ πλούσιοι, κλαύσατε ὀλολύζοντες ἐπὶ ταῖς ταλαιπωρίαις ὑμῶν ταῖς ἐπερχομέναις. 2 ὁ πλοῦτος ὑμῶν σέσηπε, καὶ τὰ ἱμάτια ὑμῶν σητόβρωτα γέγονεν· 3 ὁ χρυσὸς ὑμῶν καὶ ὁ ἄργυρος κατίωται, καὶ ὁ ἰὸς αὐτῶν εἰς μαρτύριον ὑμῖν ἔσται καὶ φάγεται τὰς σάρκας ὑμῶν ὡς πῦρ. ἐθησαυρίσατε ἐν ἐσχάταις ἡμέραις. 4 ἰδού, ὁ μισθὸς τῶν ἐργατῶν τῶν ἀμησάντων τὰς χώρας ὑμῶν ὁ *ἀπεστερημένος ἀφ᾽ ὑμῶν κράζει, καὶ αἱ βοαὶ τῶν θερισάντων εἰς τὰ ὦτα Κυρίου Σαβαὼθ †εἰσεληλύθασιν. 5 ἐτρυφήσατε ἐπὶ τῆς γῆς καὶ ἐσπαταλήσατε· ἐθρέψατε τὰς καρδίας ὑμῶν ‡ὡς ἐν ἡμέρᾳ σφαγῆς. 6 κατεδικάσατε, ἐφονεύσατε τὸν δίκαιον· οὐκ ἀντιτάσσεται ὑμῖν.

Patience in Suffering

7 Μακροθυμήσατε οὖν, ἀδελφοί, ἕως τῆς παρουσίας τοῦ Κυρίου. ἰδού, ὁ γεωργὸς ἐκδέχεται τὸν τίμιον καρπὸν τῆς γῆς μακροθυμῶν ἐπ᾽ §αὐτὸν *ἕως λάβῃ †ὑετὸν πρώϊμον καὶ ὄψιμον. 8 μακροθυμήσατε καὶ ὑμεῖς, στηρίξατε τὰς καρδίας ὑμῶν, ὅτι ἡ παρουσία τοῦ Κυρίου ἤγγικε. 9 μὴ στενάζετε ‡κατ᾽ ἀλλήλων, ἀδελφοί, ἵνα μὴ §κριθῆτε· ἰδού, *ὁ κριτὴς πρὸ τῶν θυρῶν ἕστηκεν. 10 ὑπόδειγμα λάβετε, †ἀδελφοί μου, τῆς κακοπαθείας καὶ τῆς μακροθυμίας τοὺς προφήτας, οἳ ἐλάλησαν ‡τῷ ὀνόματι Κυρίου. 11 ἰδού, μακαρίζομεν τοὺς §ὑπομένοντας· τὴν ὑπομονὴν Ἰὼβ ἠκούσατε, καὶ τὸ τέλος Κυρίου *εἴδετε, ὅτι †πολύσπλαγχνός ‡ἐστι καὶ §οἰκτίρμων.

12 Πρὸ πάντων δέ, ἀδελφοί μου, μὴ ὀμνύετε μήτε τὸν οὐρανὸν μήτε τὴν γῆν μήτε ἄλλον τινὰ ὅρκον· ἤτω δὲ ὑμῶν τὸ Ναὶ ναὶ καὶ τὸ Οὒ οὔ, ἵνα μὴ *εἰς ὑπόκρισιν πέσητε.

The Prayer of Faith

13 Κακοπαθεῖ τις ἐν ὑμῖν; προσευχέσθω. εὐθυμεῖ τις; ψαλλέτω. 14 ἀσθενεῖ τις ἐν ὑμῖν; προσκαλεσάσθω τοὺς πρεσβυτέρους τῆς ἐκκλησίας, καὶ προσευξάσθωσαν ἐπ᾽ αὐτὸν ἀλείψαντες †αὐτὸν ἐλαίῳ ἐν τῷ ὀνόματι τοῦ Κυρίου. 15 καὶ ἡ εὐχὴ τῆς πίστεως σώσει τὸν κάμνοντα, καὶ ἐγερεῖ αὐτὸν ὁ Κύριος· κἂν ἁμαρτίας ᾖ πεποιηκώς, ἀφεθήσεται αὐτῷ. 16 ‡ἐξομολογεῖσθε ἀλλήλοις §τὰ παραπτώματα καὶ *εὔχεσθε ὑπὲρ ἀλλήλων, ὅπως ἰαθῆτε. πολὺ ἰσχύει δέησις δικαίου ἐνεργουμένη. 17 †Ἠλίας ἄνθρωπος ἦν ὁμοιοπαθὴς ἡμῖν, καὶ προσευχῇ προσηύξατο τοῦ μὴ βρέξαι, καὶ οὐκ ἔβρεξεν ἐπὶ τῆς γῆς ἐνιαυτοὺς τρεῖς καὶ μῆνας ἕξ· 18 καὶ πάλιν προσηύξατο, καὶ ὁ οὐρανὸς ‡ὑετὸν ἔδωκε, καὶ ἡ γῆ ἐβλάστησε τὸν καρπὸν αὐτῆς.

19 §Ἀδελφοί, ἐάν τις ἐν ὑμῖν πλανηθῇ ἀπὸ τῆς ἀληθείας καὶ ἐπιστρέψῃ τις αὐτόν, 20 *γινωσκέτω ὅτι ὁ ἐπιστρέψας ἁμαρτωλὸν ἐκ πλάνης ὁδοῦ αὐτοῦ σώσει †ψυχὴν ἐκ θανάτου καὶ καλύψει πλῆθος ἁμαρτιῶν.

* 5:4 απεστερημενος ¦ αφυστερημενος ᴇᴄᴍ† ꜱʙʟ ᴡʜ † 5:4 εισεληλυθασιν ¦ εισεληλυθαν ᴛʜ ᴡʜ ‡ 5:5 ως ¦ — ᴄᴛ § 5:7 αυτον ¦ αυτω ᴀɴᴛ ᴄᴛ ᴛʀ * 5:7 εως ¦ εως αν ᴘᴄᴋ ᴛʀ † 5:7 υετον πρωιμον 85.9% ¦ υετον προιμον ᴍꜱꜱ 6.3% ¦ προιμον ᴄᴛ 0.2% ‡ 5:9 κατ αλληλων αδελφοι 78.5% ¦ αδελφοι κατ αλληλων ᴄᴛ 7.3% ¦ κατ αλληλων ᴍꜱꜱ 7.3% § 5:9 κριθητε ¦ κατακριθητε ᴛʀ * 5:9 ο ¦ — ꜱᴛ † 5:10 αδελφοι μου της κακοπαθειας ¦ αδελφοι της κακοπαθειας ɴᴀ ᴘᴄᴋ ᴛʜ ¦ της κακοπαθειας αδελφοι μου ᴛʀ ¦ αδελφοι της κακοπαθιας ꜱʙʟ ᴡʜ ‡ 5:10 τω ¦ εν τω ᴄᴛ ᴘᴄᴋ § 5:11 υπομενοντας ¦ υπομειναντας ᴄᴛ * 5:11 ειδετε ʙ21 ¦ ιδετε ʙ23 ʀᴘ † 5:11 πολυσπλαγχνος ʙ32 ¦ πολυευσπλαγχνος ʙ12 ‡ 5:11 εστι 87.7% ¦ εστιν ο κυριος ᴀɴᴛ ᴄᴛ ᴛʀ 11.3% § 5:11 οικτιρμων ¦ οικτειρμων ᴛʜ * 5:12 εις υποκρισιν ¦ υπο κρισιν ᴄᴛ ꜱᴄʀ † 5:14 αυτον ¦ — ᴡʜ ‡ 5:16 εξομολογεισθε ¦ εξομολογεισθε ουν ᴄᴛ § 5:16 τα παραπτωματα 90.1% ¦ τας αμαρτιας ᴄᴛ 9.7% * 5:16 ευχεσθε ¦ προσευχεσθε ᴡʜ † 5:17 ηλιας ¦ ηλειας ᴡʜ ‡ 5:18 υετον εδωκε ¦ εδωκεν υετον ᴇᴄᴍ† § 5:19 αδελφοι ¦ αδελφοι μου ᴄᴛ * 5:20 γινωσκετω ¦ γινωσκετε ᴡʜ † 5:20 ψυχην 90.9% ¦ ψυχην αυτου ᴄᴛ 5.7%