Ⅱ
Omobaro bw’abaanto bairanete korwa ase obosomba
(Neh 7:4-73)
Ⅰ Aba nabwo abanto b’orogongo rwa Yuda, baria Nebukadinesaro, omorwoti o Babiloni, airete Babiloni ase obosomba, bairanete gocha Yerusalemu na ase ense y’Abayuda.
Ⅱ Abarai babo nabwo aba, Serubabeli na Yesua, Nehemia na Seraya, Reelaya na Moredekai, Bilisani na Misipari, Bigiwai na Rehumu, na Baana.
Oyo noro omobaro bw’chinderia chia abanto bonsi ba Israeli abwo bairanete korwa obosomba
Ⅲ Abanto b’ororeria rwa Parosi: chilifu ibere, ne rigana erimo, na emerongo etano na ebere, na babere (2,172);
Ⅳ aba orwa Sefatia: amagana atato, na emerongo etano na ebere, na babere (372);
Ⅴ aba orwa Ara: amagana atano na abere, na emerongo etano na ebere, na batano (775);
Ⅵ aba orwa Pahati‐Moabu be chiamate chia Yesua na Yoabu: chilifu ibere, na amagana atano na atato, na ikomi na babere (2,812);
Ⅶ aba orwa Elamu: elifu eyemo, na amagana abere, na emerongo etano, na baane (1,254);
Ⅷ aba orwa Satu: amagana kianda, na emerongo ene, na batano (945);
Ⅸ aba orwa Sakai: amagana atano na abere, na emerongo etano nomo (760);
Ⅹ aba orwa Bani: amagana atano na rimo, na emerongo ene, na babere (642);
Ⅺ aba orwa Bebai: amagana atano na rimo, na emerongo ebere, na batato (623);
Ⅻ aba orwa Asigadi: elifu eyemo, na amagana abere, na emerongo ebere, na babere (1,222);
ⅩⅢ aba orw’Adonikamu: amagana atano na rimo, na emerongo etano nomo, na batano nomo (666);
ⅩⅣ aba orwa Bigiwai: chilifu ibere, na emerongo etano, na batano nomo (2,056);
ⅩⅤ aba orw’Adini: amagana ane, na emerongo etano, na baane (454);
ⅩⅥ aba orw’Ateri oyio okorokwa Hezekia: emerongo kianda, na batano na batato (98);
ⅩⅦ aba orwa Besai: amagana atato, na emerongo ebere, na batato (323);
ⅩⅧ aba orwa Yora: rigana erimo, na ikomi na babere (112);
ⅩⅨ aba orwa Hasumu: amagana abere, na emerongo ebere, na batato (223);
ⅩⅩ aba orwa Gibari: emerongo kianda, na batano (95).
ⅩⅪ Abanto ba Bethlehemu: rigana erimo, na emerongo ebere, na batato (123);
ⅩⅫ abanto ba Netofa: emerongo etano, na batano nomo (56);
ⅩⅩⅢ abanto b’Anatoti: rigana erimo, na emerongo ebere, na batano na batato (128);
ⅩⅩⅣ abanto b’Asimaweti: emerongo ene, na babere (42);
ⅩⅩⅤ abanto ba Kiriati‐Arimu, na Kefira, na Beroti: amagana atano na abere, na emerongo ene, na batato (743);
ⅩⅩⅥ abanto ba Rama na Geba: amagana atano na rimo, na emerongo ebere, na oyomo (621);
ⅩⅩⅦ abanto ba Mikimasi: rigana erimo, na emerongo ebere, na babere (122);
ⅩⅩⅧ abanto ba Beteli na Ai: amagana abere, na emerongo ebere, na batato (223);
ⅩⅩⅨ abanto ba Nebo: emerongo etano, na babere (52);
ⅩⅩⅩ abanto ba Magibisi: rigana erimo, na emerongo etano, na batano nomo (156);
ⅩⅩⅪ abanto ba Elamu o kabere: elifu eyemo, na amagana abere, na emerongo etano, na baane (1,254);
ⅩⅩⅫ abanto ba Harimu: amagana atato, na emerongo ebere (320);
ⅩⅩⅩⅢ abanto ba Lodi, na Hadidi, na Ono: amagana atano na abere, na emerongo ebere, na batano (725);
ⅩⅩⅩⅣ abanto ba Yeriko: amagana atato, na emerongo ene, na batano (345);
ⅩⅩⅩⅤ abanto ba Senaa: chilifu isato, na amagana atano na rimo, na emerongo etato (3,630).
ⅩⅩⅩⅥ Oyo noro omobaro bw’abakuani bairanete korwa obosomba:
Abwo b’ororeria rwa Yedaya be chiamate chia Yesua: amagana kianda, na emerongo etano na ebere, na batato (973);
ⅩⅩⅩⅦ aba orwa Imeri: elifu eyemo, na emerongo etano, na babere (1,052);
ⅩⅩⅩⅧ aba orwa Pasuri: elifu eyemo, na amagana abere, na emerongo ene, na batano na babere (1,247);
ⅩⅩⅩⅨ aba orwa Harimu: elifu eyemo, na ikomi na batano na babere (1,017).
ⅩⅬ Abalawi bo’ororeria rwa Yeshua na orwa Kadimieli, oroiboro rwa Hodavia abairanete korwa obosomba nigo barenge emerongo etano na ebere, na baane (74).
ⅩⅬⅠ Abateri nabwo abanto b’ororeria rw’Asafu: rigana erimo, na emerongo ebere, na batano na batato (128).
ⅩⅬⅡ Abarendi b’ebiita nabwo abe chiamate chia Salumu, na Ateri, na Talimoni, na Akubu, na Hatita, na Sobai; bonsi nigo barenge rigana erimo, na emerongo etato, na kianda (139).
ⅩⅬⅢ Abakori emeremo be Hekalu nabwo aba: Abanto be chiamate chia Siha, na Hasufa, na Tabaoti;
ⅩⅬⅣ Kerosi, na Sia, na Padoni;
ⅩⅬⅤ Lebana, na Hagaba, na Akubu;
ⅩⅬⅥ Hagabu, na Shamlai na Hanani;
ⅩⅬⅦ Gideli, na Gahari, na Reaya:
ⅩⅬⅧ Resini, na Nekoda, na Gasamu;
ⅩⅬⅨ Usa, na Pasea, na Besai;
Ⅼ Asina, na Meunimu, na Nefusimu;
ⅬⅠ Bakubuki, na Hakufa, na Harihuri;
ⅬⅡ Basiluti, na Mehida, na Harisa;
ⅬⅢ Barikosi, na Sisera, na Tema;
ⅬⅣ Nesia na Hatifa.
ⅬⅤ Abanto b’ororeria rw’abasomba ba Sulemani: Chiamate chia Sotai, na Hasofereti, na Peruda;
ⅬⅥ Yaala, na Darikoni, na Gideli;
ⅬⅦ Sefatia na Hatili, Pokereti‐Hasebaimu na Ami.
ⅬⅧ Abakori emeremo bonsi be Hekalu, amo nabaanto b’ororeria rw’abasomba ba Sulemani nigo barenge amagana atato, na emerongo kianda; na babere (392).
ⅬⅨ Aba nabwo abanto bachete korwa Teli‐Mela, na Teli‐Harisa, na Kerubu, na Adani, na Imeri, korende tibanyarete koorokia ase okomanyereria chiamate chiabo, nonya ne chinderia chiabo, gose ekeene ng’a n’Abaisraeli bare:
ⅬⅩ Abanto be chiamate chia Delaya, na Tobia, na Nekoda, bonsi namagana atano na rimo, na emerongo etano na babere (652).
ⅬⅪ Boigo nase abakuani: Abanto be chiamate chia Habaya, na Hakosi, na Barisilai, oyio onyuomete oyomo bw’abaiseke ba Barisilai Omogileadi, na ere akarokwa Barisilai.
ⅬⅫ Abwo bakariga‐rigia korwa ase emeroberio ye chinderia gose mbanyore chisokoro chiabo, korende tichianyoretwe chiriikire aroro. Ase ayio bakaangwa tibaaba abakuani, ekiagera nigo baabaretwe koba abatachenegeti.
ⅬⅩⅢ Omogabana akabakania ng’a tibaabaisa koria endagera yarenge enchenu mono, goika engaki Omokuani arenge gochia koboria Nyasae goetera ase Urimu na Tumimu.
ⅬⅩⅣ Omoganda bwonsi bw’abaanto bairanete korwa obosomba nigo barenge chilifu emerongo ene na ibere, na amagana atato, na emerongo etano nomo (42,360),
ⅬⅩⅤ amo nabarabwo mbarengeo abasomba babo, abasacha na abakungu, chilifu isano na ibere, na amagana atato, na emerongo etato, na batano na babere (7,337). Boigo mbabwate abateri, abasacha na abakungu, amagana abere (200).
ⅬⅩⅥ Naende mbabwate chibarasi amagana atano na abere, na emerongo etato, na isano nemo (736), ne chibarasi amagana abere, na emerongo ene na isano (245),
ⅬⅩⅦ ne chingamia amagana ane, na emerongo etato, na isano (435), ne chitigere chilifu isano nemo, na amagana atano na abere, na emerongo ebere (6,720).
ⅬⅩⅧ Ekero abanto be chiamate chiria chianganyete korwa obosomba bachete ase enyomba y’Omonene agwo Yerusalemu, abande ase abateneneri babo bakarua ebiegwa bi’ogwancha ase okoagachera enyomba ya Nyasae aase aye.
ⅬⅩⅨ Bakarua buna barenge konyara, bakabeeka ase ekungo y’ogokorerwa emeremo chikiro 5,000 chi’echitaabu, chikiro 2,800 chifeta, ne chianga chi’abakuani, rigana erimo (100).
ⅬⅩⅩ Abakuani, na Abalawi, na abanto bande, bakaba bakomenya ime ya Yerusalemu na emechie eyoetanaine. Abateri, na abarendi b’ebiita, na abakori emeremo be Hekalu, nabarabwo bakaba bakomenya ase emechie yabo yaetanaine omochie o Yerusalemu, na Abaisraeli bonsi bakamenya ase emechie ase chisokoro chiabo chiamenyete.