Ⅻ
Ogoteera gw’okoiraneria ng’a mbuya mono
Ⅰ Ase rituko erio noteebe:
“Aye Omonene, ninkoiranerie ng’a mbuya mono,
nonya kwarenge nendamwamu ase ’nde,
bono endamwamu eyio yantigire,
na aye kwandemirie.
Ⅱ Rora, Nyasae nere ogotooreka kwane;
nimosemerie, tinkwoboa.
Omonene nere chinguru chiane, ere nimoterere;
ere obeire ogotooreka kwane.”
Ⅲ Inwe mobuuche amaache korwa ase chinsoko chire nogotooreka,
more nomogooko.
Ⅳ Ase rituko riria moteebe:
Moiranerie Omonene ng’a mbuya mono,
rangeria erieta riaye;
raria ogokora kwaye ase egati y’ebisaku,
raria ng’a erieta riaye nerinene mono.
Ⅴ “Tera amatera ay’okomotogia Omonene,
ekiagera okorire ayare amaya mono.
Amang’ana ayio tiga amanyekane ase ense yonsi.
Ⅵ Inwe abamomenyete Sayoni,
aka eriogi, motere nomogooko,
ekiagera ere oyore Omochenu bw’Abaisraeli
nigo are omonene ase egati yaino.”