ⅩⅩⅥ
Ayubu
Ⅰ Erio Ayubu akairaneria, akabora:
Ⅱ “Naki ere buya aye gwakonyire omonto otari nokobua!
Ee, aye gwatooririe omonto omoreu otari ne chinguru.
Ⅲ Naki ere buya gwasemirie omonto otari nobong’aini,
na gwakwanire amang’ana aichire ne chisemi chingiya!
Ⅳ Nase chinguru chia ng’o gwakwanire amang’ana buna aya?
Na ngoetera ase omoika o ng’o kwayakwanire?
Ⅴ “Emeika y’abanto bakwete nigo ekoiguswa;
boigo namaache na ebimenyete imeo.
Ⅵ Aase abakuure nigo aasie ase obosio bwa Nyasae;
ee, aase agwo ogosiria tabwati kemumeko.
Ⅶ Nyasae nigo aramborete ensemo ya sugusu aase arenge bosa,
nigo asungete ense aase bosa etabwateti aande.
Ⅷ Ere nigo aochoganetie amaache amo, akayaboerania amare amanetu ime;
na amare ayio tari gotandoka.
Ⅸ Nigo atubete ekerogo kiaye ki’obonene,
akagetuba namare aye.
Ⅹ Ong’ororirie ekeringerera kere orobebe rw’amaache
ase ogwatanana oborabu korwa ase omosunte.
Ⅺ Chisiiro chia igoro nigo chigotengecha,
chiakumia ase ogotogonyera kwaye.
Ⅻ Ere ase okobua kwaye nigo agoturubania enyancha,
na ase chisemi chiaye akanachana Rahabu, eng’iti enene y’enyancha.
ⅩⅢ Nyasae nigo akoeyana, na omoika oye omechiera igoro,
ere nigo aitete nokoboko kwaye engiti eria yare gotama.
ⅩⅣ Naama! Echi nechinsinyo chie chinchera chiaye,
aya tokoigugwa nokomonyerera ogosinini.
Korende ning’o oranyare komanya okobua kwaye konga buna enkoba egoaka.”