Ⅱ
Ogosaba kwa Yona
Ⅰ Ekero Yona arenge ime ase enda y’enswe eria, akaba ogosa Omonene, Nyasae oye,
Ⅱ agateeba, “Ekero narenge ase emechando, aye Omonene, ngakorangeria naye okangiraneria inche.
Korwa ase endiba y’ense y’abakuure ’nkarera onkoye naye okanyigwa inche.
Ⅲ Aye nigo kwandutete gochia ase chindiba,
inse kegima y’enyancha,
ne chiooro chi’enyancha chiang’etananete inche.
Na emerindo yao yonsi emetindi ekaimokerera igoro egantuba.
Ⅳ Ase ayio inche nkarengereria ng’a natugutirwe korwa ase obosio bwao,
naende ng’a tikonyara koyerora Hekalu yao Enchenu.
Ⅴ Amache agacha agantuba naende agantokeria inche; enyancha egantuba inche kegima enderema ya nyancha ekarandererwa omotwe one.
Ⅵ Nigo nagendete inse kegima goika ase emeri y’ebitunwa agwo ase ense eyio ebisiekero bi’ebiita biaye bigosieka kare na kare.
Nonya naboigo, aye Omonene, Nyasae one,
nigo kwangiranetie korwa ase chindiba inde moyo.
Ⅶ Ekero obomoyo bwane bwachagete gosoka gochia aria are erio aye Omonene ngasaba gocha ase ore na korwa ime y’Hekalu yao enchenu okanyigwa inche.
Ⅷ Abanto abwo bagosasiima emegwekano eyio ere bosa barabwo batigire oboigweri gocha ase ore.
Ⅸ Korende inche ningoterere ’ngokobaka aye; nikoruere aye ekengwanso na goikerania aria nakoriereire chiira.
Ogotooreka nigo gokorwa ase Omonene!”
Ⅹ Eri’Omonene akayechiika enswe eria emoroke Yona, igoro ase engegu, nero egakora boigo.