Ⅳ
Rituko ri’Omonene ngocha rire
Ⅰ Omonene bw’Emeganda nigo agoteeba iga: “Rora, rituko ngocha rire rigosamba buna omorero o riko. Erio abanto abaenenu bonsi, na abakori amabe bonsi, ’mbabe buna obonyansi obwomo, n’erituko erio rigocha nigo rirabasambe kegima, tirigotiga omori gose orosagia.
Ⅱ Korende ase more inwe abamoirogete erieta riane, erioba ri’oboronge ’ndioroke rire nokogwenia inse ye chimbaaba chiaye. Inwe inamosoke mobe mogotiratiria buna chimori ekero chigosokigwa korwa ase obweri.
Ⅲ Ase rituko erio ’ndakore ring’ana erio, inwe imotiringe abakori amabe n’amagoro aino, na barabwo ’mbabe buna ribu.” Nabo Omonene bw’Emeganda agoteeba.
Ⅳ “Inwe inyora amachiiko a Musa, omosomba one, na emeroberio yonsi namochiigete agwo ase egetunwa kia Horebu, oborokererie Abaisraeli bonsi.
Ⅴ “Rora, nimbatomere Elija omobani atang’anere rituko riria rinene ri’Omonene ri’okoondokia ritaracha.
Ⅵ Ere nairanie chinkoro chi’abaise gochia ase abana babo, na echi’abana gochia ase abaise, erinde ekero ’ndache timbaisa goaka ense eye nokoragererigwa.”