Ⅺ
Abanto abwo bamenyete Yerusalemu
Ⅰ Abatang’ani b’abaanto bakamenya Yerusalemu, na abanto bande bagaaka obomera gochora omonto oyomo korwa ase kera ekeombe ki’abaanto ikomi, agende komenya Yerusalemu, omochie omochenu, na abanto aba kianda abatigari bagende komenya ase emechie ende.
Ⅱ Abanto bagasesenia abwo bonsi beruete kogenda komenya Yerusalemu.
Ⅲ Ase emechie emeke ase ense y’Abayuda, kera omonto bw’Abaisraeli bande bonsi, na abakuani, na Abalawi, na abakori emeremo be Hekalu, na abana b’abasomba ba Sulemani, akamenya ase omwando oye.
Aba nabwo abanene be chingongo chi’ense y’Abayuda abamenyete Yerusalemu,
Ⅳ abande barenge ab’ororeria rwa Yuda, na abande ab’orwa Benjamini.
Ab’ororeria rwa Yuda nabwo aba:
Ataya, mosinto o Usia, o Zakaria, bw’Amaria, o Sefatia, o Mahalaleli, bw’ororeria rwa Peresi;
Ⅴ Maaseya, mosinto o Baruku, o Koli-Hose, o Hasaya, bw’Adaya, o Yoyaribu, o Zakaria, bw’ororeria rwa Siloni.
Ⅵ Abanto bonsi b’ororeria rwa Peresi abamenyete Yerusalemu, nigo barenge amagana ane, na emerongo etano nomo, na batano na batato (468). Bonsi nigo barenge chituoni chi’okorwana esegi.
Ⅶ Ab’ororeria rwa Benjamini nabwo aba: Salu, mosinto o Mesulamu, o Yoedi, o Pedaya, o Kolaya, o Maaseya, o Itieli, o Yesaia.
Ⅷ Na magega yaye Gabai na Salai. Bonsi nabaanto amagana kianda, na emerongo ebere, na batano na batato (928).
Ⅸ Yoel, mosinto o Sikiri, nere orenge omoteneneri obo; na Yuda, mosinto o Hasenua, akaba omoteneneri o kabere ase omochie oria.
Ⅹ Abakuani nabwo aba:
Yedaya, mosinto o Yoyaribu, na Yakini.
Ⅺ Seraya, mosinto o Hilikia, o Mesulamu, o Zadoki, o Merayoti, o Ahitubu, omoteneneri bw’enyomba ya Nyasae,
Ⅻ na abamwabo abarenge gokora emeremo ase enyomba ya Nyasae, bonsi nabaanto amagana atano na atato, na emerongo ebere, na babere (822); Adaya, mosinto o Yerohamu, o Pelalia, bw’Amusi, o Zakaria; o Pasuri, o Malikia,
ⅩⅢ na abamwabo, abarenge abateneneri be chiamate, bonsi nabaanto amagana abere na emerongo ene, na babere (242); Amasai, mosinto bw’Asareli, bw’Asai, o Mesilemoti, o Imeri,
ⅩⅣ na abamwabo, abanto abamanyete gokora emeremo buya, rigana erimo, na emerongo ebere, na batano na batato (128). Omoteneneri obo nere Sabidieli, mosinto o Hagedolimu.
ⅩⅤ Abalawi nabwo aba:
Semaya, mosinto o Hasubu, bw’Asirikamu, o Hasabia, o Buni.
ⅩⅥ Sabetai na Yosabadi, abwo babere nabwo barenge abateneneri b’Abalawi abwo barenge gokora emeremo isiko ase enyomba ya Nyasae.
ⅩⅦ Matania, mosinto o Mika o Sabudi bw’ororeria rw’Asafu, oyorenge omoraai bw’amatera ase okoiraneria ng’a mbuya mono amo nogosaba;
Bakibukia, nere orenge oyo o kabere ase Matania;
Abuda, mosinto o Samua o Galali bw’ororeria rwa Yedutuni.
ⅩⅧ Abalawi bonsi abamenyete ase omochie oyio omochenu nigo barenge amagana abere, na emerongo etano na etato, na baane (284).
ⅩⅨ Abarendi b’ebiita nabwo aba:
Akubu na Talimoni amo nabamwabo, abarenge korenda ase ebiita, bonsi nabaanto rigana erimo, na emerongo etano na ebere, na babere (172).
ⅩⅩ Abande b’Abaisraeli, na ab’abakuani, na ab’Abalawi, bakaba bamenyete ase emechie yonsi y’Abayuda, kera oyomo ase omwando oye.
ⅩⅪ Korende abakori emeremo be Hekalu bakamenya agwo Ofeli. Siha na Gisipa nabwo barenge abateneneri b’abwo.
ⅩⅫ Oyorenge omoteneneri bw’Abalawi abamenyete Yerusalemu, nere Usi, mosinto o Bani, o Hasabia, o Matania, o Mika. Usi nigo arenge oyomo bw’ororeria rw’Asafu, abanto abarenge abateneneri b’amatera ase enyomba ya Nyasae.
ⅩⅩⅢ Omorwoti nigo aruete ogochika igoro ase abanto b’eamate eyio, buna barenge gokora emeremo y’amatera agwo ase Hekalu, buna yaganeirie rituko ase rituko.
ⅩⅩⅣ Omorwoti nigo abegete Petahia, mosinto o Mesesabeli bw’ororeria rwa Sera, mosinto o Yuda, gotenenera abanto ase amang’ana onsi.
Abanto abamenyete ase emechie ende
ⅩⅩⅤ Abayuda bande bakaba bamenyete ase ebichie ang’e namaremo abo. Abande bakamenya Kiriati-Ariba na ase ebichie biaye; abande bakamenya Diboni na ase ebichie biaye, na abande Yekabuseli na ase ebichie biaye;
ⅩⅩⅥ abande bakamenya Yesua, na Molada, na Beti-Peleti,
ⅩⅩⅦ na Hasani-Suali, na Beeri-Seba, na ase ebichie biaye;
ⅩⅩⅧ abande bakamenya Sikilagi, na Mekona na ase ebichie biaye;
ⅩⅩⅨ abande bakamenya Eni-Rimoni, na Sora, na Yarimuti;
ⅩⅩⅩ Sanoa, na Adulamu na ase ebichie biabo, na Lakisi na amaremo narengeo, na Aseka na ase ebichie biaye. Ase ayio bakaba bakomenya gochakera Beeri-Seba goikera ase Rikura ria Hinomu.
ⅩⅩⅪ Abanto b’egesaku kia Benjamini bakaba bakomenya gochakera Geba na kogenderera goikera Mikimasi, na Aiya, na Beteli na ase ebichie biaye;
ⅩⅩⅫ Anatoti, na Nobu, na Anania;
ⅩⅩⅩⅢ Hasori, na Rama, na Gitaimu;
ⅩⅩⅩⅣ Hadidi, na Seboimo na Nebalati;
ⅩⅩⅩⅤ Lodi, na Ono, na ase Rikura ri’Abaroisia Ebinto.
ⅩⅩⅩⅥ Ebiombe binde bi’Abalawi ebiamenyete ase ense y’Abayuda bikaba bikobarwa amo nabaanto ba Benjamini.