Ⅹ
Ⅰ Ababegete ebimanyererio biabo ase okobwatana koria nabwo aba:
Nehemia omogabana, mosinto o Hakalia, na Zedekia.
Ⅱ Seraya, na Asaria, na Yeremia;
Ⅲ Pasuri, na Amaria, na Malikia;
Ⅳ Hatusi, na Sebania, na Maluki;
Ⅴ Harimu, na Meremoti, na Obadia;
Ⅵ Danieli, na Ginetoni, na Baruku;
Ⅶ Mesulamu, na Abiya, na Miyamini;
Ⅷ Maasia, na Biligai, na Semaya. Aba nabwo barenge abakuani.
Ⅸ Abalawi nabwo aba:
Yesua, mosinto bw’Asania,
na Binui bw’eamate ya Henadadi, na Kadimieli;
Ⅹ abamwabo: Sebania na Hodia;
Kelita, na Pelaya, na Hanani;
Ⅺ Mika, na Rehobu, na Hasabia;
Ⅻ Sakuri, na Serebia, na Sebania;
ⅩⅢ Hodia, na Bani, na Beninu.
ⅩⅣ Abatang’ani b’abaanto nabwo aba:
Parosi, na Pahati-Moabu, na Elamu, na Satu, na Bani;
ⅩⅤ Buni, na Asigadi, na Bebai;
ⅩⅥ Adonia, na Bigiwai, na Adini;
ⅩⅦ Ateri, na Hezekia, na Asuri;
ⅩⅧ Hodia, na Hasumu, na Besai;
ⅩⅨ Harifu, na Anatoti, na Nebai;
ⅩⅩ Magipiasi, na Mesulamu, na Hesiri;
ⅩⅪ Meshesabeli, na Zadoki na Yadua;
ⅩⅫ Pelatia, na Hanani, na Anaya;
ⅩⅩⅢ Hosea, na Hanania, na Hasubu;
ⅩⅩⅣ Halohesi, na Pila, na Sobeki;
ⅩⅩⅤ Rehumu, na Hasabuna, na Maaseya;
ⅩⅩⅥ Ahiya, na Hanani, na Anani;
ⅩⅩⅦ Maluku, na Harimu, na Baana.
Okobwatana
ⅩⅩⅧ Abanto abatigarete, na abakuani, na Abalawi, na abarendi b’ebiita, na abateri, na abakori emeremo be Hekalu, na abanto bonsi konya berusananirie korwa ase abanto b’ebisaku ase engencho y’amachiiko a Nyasae, barabwo amo nabakungu babo, na abana babo, abamura na abaiseke, nabwo bonsi babwate obong’aini bw’okomanya,
ⅩⅩⅨ bakabwatana nabaanto bamwabo basikire, bakaria eira bagatiana ng’a mbabwatie amachiiko a Nyasae ayaruetwe goetera ase Musa, omosomba oye, naende ng’a mbarende na gokora amachiiko onsi ay’Omonene, oyore Omonene oito, amo nemeroberio yaye yonsi echiikire.
ⅩⅩⅩ Bagateeba, Titokorua abaiseke baito banyuomwe nabaanto b’ense eye, gose titokonyuomeria abamura baito abaiseke babo.
ⅩⅩⅪ Onye abanto b’ense eye bakorenta ebinto gose chindagera gotooneria rituko ri’Esabato, titokobigora ase Esabato gose ase rituko rinde richenu. Ase omwaka o gatano na kabere ntotige emegondo yaito etimoke teremwa, ne chisira titochiboria chiakanwe.
ⅩⅩⅫ “Twanchire ng’a kera omwaka, torue ensemo ya isato y’esekeli ekorerwe emeremo ase enyomba ya Nyasae oito.
ⅩⅩⅩⅢ “Chibesa echio chiraruegwe ase engencho y’emegati ekoruegwa ase Nyasae, na okoruegwa kw’endagera kwa botambe, na ekeng’wanso ki’ogosambwa kia botambe, na ebie Chisabato, na Emetienyi Emeyia, na Amatuko Amanene achiikire, na ebing’wanso ebichenu, na ebing’wanso bi’ebibe bigokora okobwatanigwa ase Abaisraeli, na ase engencho y’emeremo yonsi y’enyomba ya Nyasae oito.
ⅩⅩⅩⅣ “Boigo intwe abakuani, na Abalawi, na abanto bande, twaakire obomera ng’a tomanye buna abanto be chiamate chiaito barabe bakorenta chinko, omwaka ase omwaka, echio chirabe chigosamba ebing’wanso ase egesasiimero ki’Omonene, Nyasae oito, ase chingaki chichikiire, na buna ariikire ase Egetabu ki’Amachiko.
ⅩⅩⅩⅤ “Naende ntobe tokorenta okwama kw’eritang’ani kwe riroba riaito, na amatunda amatang’ani ay’emete yonsi, ase enyomba y’Omonene, omwaka ase omwaka.
ⅩⅩⅩⅥ “Ntorete abana baito abaisia abatangi, ne chitugo chiaito chintangi ase abakuani abagokora emeremo ase enyomba ya Nyasae oito, buna eriikire ase amachiiko, torente ne chintangi chi’echiombe, na echie chimbori, na echie ching’ondi.
ⅩⅩⅩⅦ “Naende ntorente ase abakuani agwo ase ebinyomba ime, ase enyomba ya Nyasae oito, obosie bwaito bw’obotongora, na ebiegwa biaito, na amatunda ’emete yonsi, na edivai, na amaguta. Boigo ntorente ensemo ya ikomi y’okwama kwe riroba riaito ase Abalawi, ekiagera Abalawi nabwo bagosangereria chinsemo chia ikomi korwa ase emechie yonsi.
ⅩⅩⅩⅧ Ekero Abalawi bakorenterwa chinsemo echio chia ikomi, Omokuani, omonto bw’ororeria rwa Aroni, goika abe amo nabarabwo. Abalawi abwo mbarusie ensemo ya ikomi ye chinsemo echio chia ikomi, bayeire ase ebinyomba bi’enyomba ya Nyasae.
ⅩⅩⅩⅨ Abaisraeli na Abalawi mbarente okoruegwa kwabo gwe chindagera, na okw’edivai, na amaguta, ase ebinyomba ebio. Agwo nao ebikorero bi’Aase Aachenu bire; boigo nao abakuani bagokora emeremo, na abarendi b’ebiita, na abateri bare.
“Titogotiga enyomba ya Nyasae oito eborwe ebinto.”