Ⅱ
Eng’eria Y’obong’aini
Ⅰ Omwana one, ancha amang’ana ane, ogache amachiiko ane ase enkoro yao,
Ⅱ erinde oigwe obong’aini, naende orue enkoro yao ebe nokomanya.
Ⅲ Obe gokorangeria korigia chiseemi, naende osorore onyore okomanya.
Ⅳ Origie obong’aini buna okorigia chifeta, oboriga‐rigie buna okoriga‐rigia chinibo chibisire.
Ⅴ Oise gokora bo, rirorio nomanye komoiroka Omonene, naende nigo oranyaare komomanya Nyasae.
Ⅵ Omonene nere okoa abanto obong’aini; chiseemi na okomanya nigo bikorwa ase omonwa oye.
Ⅶ Abare ne chinkoro chindonge Omonene nigo abagacherete obong’aini oboikeranu. Ere nigo are enguba ase abanto abwo bagotaara ase oboronge.
Ⅷ Nigo arendete chiinchera chi’abagokora ekeene, naende orenda chiinchera chi’abamoirogete.
Ⅸ Koranyigwere, rirorio nomanye ayaare boronge na ekeene, na ayagwenerete: ee, nomanye chiinchera chionsi chire chingiya,
Ⅹ na obong’aini ’mbosoe ase enkoro yao, ne chiseemi nigo chiragokie omoyo oo.
Ⅺ Emeroberio y’ebirengererio ebiya nekorende, na okomanya okuya ’ngokorende boigo.
Ⅻ Obong’aini ’mbokorusie korwa ase chiinchera chi’obobe na korwa ase abanto bagokwana amang’ana y’obosiru.
ⅩⅢ Abanto abwo nigo bagotiga chiinchera chi’oboronge, babwatia chiinchera chi’omosunte.
ⅩⅣ Nigo bakogookera ase ogokora amabe, naende bagookera chingencho chi’oborubanu.
ⅩⅤ Chinchera chiabo nigo chire chinkorekanu, nigo bagotaara ase chiinchera chire borogochi.
ⅩⅥ Obong’aini obwo ’mbogokonye kwebachera omokungu onde bwensi omotayayi, oyio ogokwana amang’ana ogweansia korwa ase omonwa oye,
ⅩⅦ oyio otigire omwanchi bw’oboke bwaye, naende bwebire okobwatana kw’ogotianania kwa Nyasae oye.
ⅩⅧ Ere amo nab’enyomba yaye nigo bagotirimboka gochia ase amakweri, ne chiinchera chiaye nigo chikobaraa gochia aase abakuure.
ⅩⅨ Monto onde bwensi ogochiera omokungu oyio tari koirana naende, takoiranera chiinchera chi’obogima.
ⅩⅩ Ase ayio, obwatie enchera y’abanto abaya, na otaare ase oboeto bw’abanyaboronge.
ⅩⅪ Ekiagera abare ne chinkoro chindonge ’mbamenye ase ense, na abaikeranu ’mbageenderere komenya aroro.
ⅩⅫ Korende abakori amabe ’mbaitwe barue ase ense, na abasaria ’mbasirigwe kegima.