ⅩⅩⅣ
19.
Ⅰ Aye tobaisa gosanera amang’ana yabakori amabe, gose togania koba amo nabarabwo,
Ⅱ ekiagera ebirengererio biabo nigo bikoroberia ay’ogosiria, na ebikoba biabo nigo bigokwama ayakorenta emechando.
20.
Ⅲ Enyomba nigo ekoagachwa nobong’aini na yakong’igwa goetera ase okomanya.
Ⅳ Ase chiseemi chire, chiero chi’enyomba eyio nigo chigoichorigwa n’ebinto ao ao bi’engeencho enene, na ebi’okogokia.
21.
Ⅴ Omonto omong’aini nigo are ne chinguru, na oyore n’okomanya nigo akoorokia okobua okonene.
Ⅵ Ase ogoseemia kw’obong’aini kore, nonyaare korwana esegi, na ase abasemia abange abaya bare, obobui nigo bokonyorekanao.
22.
Ⅶ Obong’aini nigo bore egento kere aare korwa ase omonto omoriri; ere tari komaanora omonwa oye agwo ase egeita.
23.
Ⅷ Ere oyokoroberia gokora amabe narokwe omonto okorenta emechando.
Ⅸ Ebirengererio bi’oboriri n’ebibe, na omonyacheche nigo are okogechia ase abanto.
24.
Ⅹ Korarose na gotang’ang’a ase engaki y’obokong’u rirorio aye nigo ore omoreu otari na nguru.
25.
Ⅺ Tooria abwo bakoirwa gochia gokwa; irania abwo bakoirwa gochia goitwa.
Ⅻ Oise goteeba, “Intwe titwamanyete amang’ana aya”, Inee, oyio okorenga chinkoro tamanyeti ayio? Oyio origereretie omoyo oo nigo amanyete ayio, na nigo araakane kera omonto buna ogokora kwaye kore.
26.
ⅩⅢ Aye omwana one, karie obooke, ekiagera nobuya; obooke bogotonya korwa ase eriana nigo bore obwansu ase ore.
ⅩⅣ Manya ng’a obong’aini buna obwo ’mboganeirie ase omoyo oo, korabonyore, rirorio ’nonyore amaya ase amatuko agochi‐goocha, na ogosemeria kwao tikogosira bosa.
27.
ⅩⅤ Aye omokori amabe, tobaisa koboera omonyene oboronge ase amenyete, tosaria aase aye agotimokera.
ⅩⅥ Omonyene oboronge nigo akogwa ara gatano na kabere, naende oboka, korende abakori amabe nigo bagosira ekero banyorire emechando.
28.
ⅩⅦ Tobaisa kogooka ekero omobisa oo agure, na enkoro yao tebaisa gosasoka ekero agochirwe.
ⅩⅧ Omonene nigo ararore okogooka okwo agechigwe, erio aonchore endamwamu yaye erue ase omobisa oo.
29.
ⅩⅨ Aye togechigwa ase engencho y’abagokora amabe, gose tobaisa gosanera amang’ana y’abakori amabe.
ⅩⅩ Abagokora amabe tibakonyora amaya ase amatuko agochi‐gocha; etaya y’abakori amabe nerimigwe.
30.
ⅩⅪ Aye omwana one, omoiroke Omonene, oiroke na omorwoti, tobaisa gosang’anana nabasaria.
ⅩⅫ Abwo nigo baranyore emechando ya mobosokano, na ning’o oranyaare komanya ogosirigwa kwabo?
Amang’ana ande y’obong’aini
ⅩⅩⅢ Amang’ana aya boigo nay’abang’aini.
Tari buya gwanchereria abanto ekero ebiina bikonachwa.
ⅩⅩⅣ Oyo ogoteebia omonto omomochi ng’a: “Aye tori omonyaboronge”, oyio abanto ’mbamoragererie, na abanto b’ebisaku nigo baramogeche.
ⅩⅩⅤ Korende abwo bakoa omomochi egesusuro ’mbanyore amaya amo nogosesenigwa okuya.
ⅩⅩⅥ Omonto okoiraneria amairanerio amaronge nigo anga okonyunyuntwa kw’ebikoba.
ⅩⅩⅦ Roisia emeremo yao isiko onsi, naende kora emeremo y’ao ya mogondo eere, na magega y’ayio oagache enyomba y’ao.
ⅩⅩⅧ Tobaisa koba kirori bosa igo mamincha y’omonto onde, na tobaisa kong’ainereria nebikoba biao.
ⅩⅩⅨ Tobaisa goteeba, “Goika nainche imokorere buna ankorera; goika imoakane buna ogokora kwaye kore.”
ⅩⅩⅩ Ngaeta ase omogondo bw’omonto omworo, na ase omogondo bw’emesabibu bw’omonto otari nobong’aini.
ⅩⅩⅪ Nkarora omogondo oyio omerire amagwa, na amasa ayotubire, na amagena aagacheire chindwaki chiaye konya atagokire.
ⅩⅩⅫ Nkayorigereria na korengereria mono igoro y’omogondo oyio, nkanyora amorokererio aya:
ⅩⅩⅩⅢ Okorara ake, na ogosundoka ake, na okoringania amaboko ake,
ⅩⅩⅩⅣ goika obotaka bogochere buna omouri, na oboremerwa kogochere buna omorwani esegi.