ⅭⅪ
Obuya Bw’Omonene ase abanto baye
Ⅰ Togia Omonene!
Ning’ake ng’a mbuya mono
ase Omonene n’enkoro yane yonsi,
agwo ase omosangererekano bw’ abanto bare ne chinkoro chindonge.
Ⅱ Ogokora kw’Omonene nigo kore okonene,
Abwo bagokogookera nigo bagokweorokereria erinde bakomanye.
Ⅲ Ogokora kw’Omonene nigo kore okw’ogosikwa okonene na obonene,
na oboronge bwaye nigo bogendererete kobao goika kare na kare.
Ⅳ Omonene okorire ogokora kwaye kw’ogokumia kobe gokoinyorwa,
ere nigo are n’obuya na amaabera.
Ⅴ Nigo akoa abanto abwo bamoirogete endagera;
nabe ogendererete koinyora okobwatana kwaye kw’ogotianania goika kare na kare.
Ⅵ Oorokeirie abanto baye okobua kw’ogokora kwaye
ase okobaa emiando y’ abanto b’ebisaku.
Ⅶ Ogokora kw’amaboko aye nigo kore okw’obwegenwa na okw’oboronge,
n’amachiiko aye onsi nay’obwegenwa.
Ⅷ Amachiiko ayio nigo ateneine bokong’u kare na kare,
aikeranigwe ase ekeene na oboronge.
Ⅸ Ere otomeire abanto baye okoboorigwa,
na ochiikire okobwatana kwaye kw’ogotianania kobeo goika kare na kare.
Erieta riaye nigo rire richenu na eri’okoirokwa.
Ⅹ Okomoiroka Omonene, oyio noro omochakano bw’obong’aini,
bonsi abagokora ayio nigo bare nokomanya okuya.
Ogotogigwa kwaye nogwa kare na kare.