ⅭⅩ
Omonene na omorwoti oye omochoore
(Ogoteera gwa Daudi)
Ⅰ Omonene agateebia Nyasae Omonene one,
“Ikaransa ensemo y’okoboko kwane gw’okorio
goika mbeeke ababisa bao babe inse y’amagoro ao.”
Ⅱ Korwa Sayoni Omonene narambore enyimbo yao y’obogaambi ere n’okobua,
ateebe, “Gamba ase egati y’ababisa bao.”
Ⅲ Abanto bao mberue n’ogwancha kwabo,
ekero orasangererie abarwani bao b’esegi.
Abamura bao mbaache asore beboetie oboseera obochenu,
buna riime ria mambia.
Ⅳ Omonene otianire, takoonchora ebirengererio biaye:
“Aye nigo ore Omokuani goika kare na kare,
koreng’ana buna Melkizedeki.”
Ⅴ Omonene nigo ateneine ase ensemo y’okoboko kwao gw’okorio;
ere nasenyente abarwoti ase rituko ri’endamwamu yaye.
Ⅵ Nanachere abanto b’ebisaku ekiina,
ense neichore n’ebitondo;
nasenyente emetwe y’abagaambi b’ense engima.
Ⅶ Nabe okonywa amaache y’ensoko ekero are ase orogeendo rwaye,
ase ayio naimokererie omotwe oye igoro kabuire.