ⅭⅩⅣ
Ogoteera kw’erituko rinene ri’Epasaka
Ⅰ Ekero Abaisraeli barwete Misiri,
ee, ekero abanto ba Yakobo barwete ase abanto barenge konoga omonwa omoao,
Ⅱ Abayuda bakaba aase aachenu a Omonene,
na Abaisraeli bakaba ab’obogaambi bwaye.
Ⅲ Enyancha ekarora ayio egatama,
na orooche rwa Yorodani rokanacheka, rokairana magega.
Ⅳ Ebitunwa bigatuma-tuma buna chimingichi,
na ebigoro buna chimanwa chi’eching’ondi.
Ⅴ Aye enyancha, ninki kwarooche, erinde ogatama?
Aye Yorodani, ninki kiabeete asore, erinde okanacheka okairana magega?
Ⅵ Inwe ebitunwa, ninki kiagerete mogatuma‐tuma buna chimingichi,
nainwe ebigoro boigo buna chimanwa chi’eching’ondi?
Ⅶ Aye ense, tengecha ase obosio Omonene,
ee, ase obosio bwa Nyasae o Yakobo.
Ⅷ Oyio oonchorete egetare gekaba ritibo ri’amaache,
ne rigena riikong’u rikaba ensoko y’amaache.