ⅭⅩⅪ
Omonene nere Egekengero Giaito
Ⅰ Ninyimokererie amaiso aane gochia ase ebitunwa.
Ogokonywa kwane, ng’ai korarwe?
Ⅱ Ogokonywa kwane nigo korarwe ase Omonene,
oyotongete igoro na ense.
Ⅲ Ere tagotiga okogoro kwao gotererigwe;
oyokorendete tagosundoka.
Ⅳ Ee, ere omorendi bw’Abaisraeli tagosundoka, gose takorara.
Ⅴ Omonene nere omorendi oo,
nere ekiriri kiao ase ensemo y’okoboko kwao kwa borio.
Ⅵ Erioba tirikogoaka omobaso,
gose omotienyi obotuko.
Ⅶ Omonene nakorende korwa ase amabe onsi,
narende omoyo oo.
Ⅷ Omonene nakorende kogosoa na kogosoka,
korwa bono na goika kare na kare.