ⅭⅩⅫ
Ogotogia Yerusalemu
(Ogoteera gwa Daudi)
Ⅰ Nigo nagogete na baria banteebetie,
“Inchuo, togende ase enyomba y’Omonene!”
Ⅱ Aye Yerusalemu, bono amagoro aito nigo ateneine aa ase ebiita biao.
Ⅲ Aye Yerusalemu kwaagachirwe naende
aye n’omochie obwateranirie amo.
Ⅳ Agwo nao ebisaku bigotiira gochia,
ebio bire ebisaku bi’Omonene.
Abaisraeli abwo nigo bachigetwe ng’a
babe bakoiraneria ng’a mbuya mono ase erieta ri’Omonene.
Ⅴ Agwo nao ebirogo bi’abanachi ebiina bire,
ebirogo bi’obonene bi’enyomba ya Daudi.
Ⅵ Sabera Yerusalemu, erinde obe n’omorembe!
Abanto abwo bagwanchete tiga basesenigwe.
Ⅶ Omorembe obe ase chindwaki chiao ime,
na ogosesenigwa kobe ase chinyomba chiao chi’oborwoti.
Ⅷ Ase engencho y’abaminto na abagisangio baane,
nigo ’ngokoganeria omorembe.
Ⅸ Ase engencho y’enyomba y’Omonene Nyasae oito
ningosabere ebisio.