ⅭⅩⅩⅣ
Nyasae Nomorendi Bwa abanto Baye
(Ogoteera kwa Daudi)
Ⅰ Inee! Naki yare goocha koba onye Omonene atabeete ase ensemo yaito?
Tiga Abaisraeli bairanerie.
Ⅱ Onye Omonene atabeete ase ensemo yaito,
ekero abanto batoumokerete gotorwania,
Ⅲ nanga nigo batomerete gatore moyo,
ekiagera babete n’endamwamu enene ase tore;
Ⅳ naende emerindo nigo yarenge goocha gotokorobanania,
eooro nigo yarenge goocha goeta igoro yaito;
Ⅴ ee, amaache aichoreranete
nigo arenge goocha gotomera kegima.
Ⅵ Omonene atogigwe,
ekiagera tatoruete totaboranwe namaino y’ abanto abwo.
Ⅶ Emioyo yaito yatoorekire
buna enyoni egotooreka korwa ase egesuguni ki’omotegi.
Egesuguni kiabutokire, naintwe
twaminchoirie na gotama.
Ⅷ Ogokonywa gwaito nigo gokorwa ase erieta ri’Omonene,
oyio otongete igoro na ense.