ⅭⅩⅩⅤ
Nyasae Nigo Arendete Abanto Baye
Ⅰ Abwo bamosemeretie Omonene
nigo banga buna egetunwa gia Sayoni getari konyegerigwa,
korende nigo kegendererete kobao botambe.
Ⅱ Buna ebitunwa bietanaine Yerusalemu,
naboigo Omonene abaetanaine abanto baye
korwa bono na goika kare na kare.
Ⅲ Enyimbo y’obogaambi y’abakori amabe
tekogenderera kogambera omwando bw’ abanto abaronge;
abwo baabaise korambora amaboko abo ase ogokora amabe.
Ⅳ Omonene, bakorere amaya abanto abwo bare abaya,
abwo bare ne chinkoro chinyegenwa!
Ⅴ Korende abwo bakogobera gochia ase chinchera chiabo chi’obosiru,
Omonene nabarusieo amo nabagokora amabe.
Omorembe obe ase Abaisraeli!