ⅭⅩⅩⅦ
Ogosesenigwa Gwonsi Nigo Gokorwa Ase Omonene
(Ogoteera gwa Sulemani)
Ⅰ Onye Omonene takoagaacha enyomba,
abwo bakoyeagaacha nigo bagokora emeremo ya bosa.
Onye Omonene takorenda omochie
omonto oyio okoyorenda nigo akorenda bosa.
Ⅱ Nigo ere bosa ase more kobooka mambia chuni
na gokora emeremo emekong’u ase okonyora endagera,
naende mwanyorwa gochia korara.
Korende Omonene nigo agwechaandera abanto baye anchete,
nonya nekero baraire chitoro.
Ⅲ Rora, abana nigo bare omwando okorwa ase Omonene, ekiagera oroiboro rokorwa ase enda nigo rore ekeegwa.
Ⅳ Abana omonto akonyora kare ne’chinguru chi’obosae bwaye,
nigo banga buna chinsara chire koboko kw’omorwani etuoni.
Ⅴ Nasesenirie omonto oyo oichoretie esaaro yaye ne chinsara echio.
Oyio takobugwa ekero arabe okogamberana nababisa baye agwo ase ekegambero gia’etureti.