ⅭⅩⅩⅧ
Ogosesenigwa Ase Eamate Emoirogete Omonene
Ⅰ Naki agasesenirie omonto omoirogete Omonene,
naende obwatete chinchera chiaye!
Ⅱ Aye nobe gokonyora okwama kw’emeremo y’amaboko ao;
nosesenigwe, na amang’ana onsi nigo arabe buya asore.
Ⅲ Mokao nabe ase enyomba yao buna omosabibu okwama amasabibu;
abana bao nigo barabe buna ebisabo bi’omozeituni,
baikaranse baetanane emesa yao.
Ⅳ Ama! Naboigo omonto oria omoirogete Omonene arasesenigwe.
Ⅴ Omonene agosesenie korwa Sayoni!
Erio orore obuya bwa Yerusalemu ase amatuko onsi ore moyo,
Ⅵ naende orore abaachokoro bao.
Omorembe obe ase Abaisraeli!