ⅭⅩⅬⅨ
Ogotogia Omonene ase engencho y’obobui
Ⅰ Motogie Omonene!
Terera Omonene ogoteera okoyia,
motogie ase omosangererekano bw’ abanto abegenwa.
Ⅱ Tiga Abaisraeli bagokere Omotongi obo;
abanto ba Sayoni tiga bachengere Omorwoti obo!
Ⅲ Batogie erieta riaye ase ogotenga,
babe bakobugia chinchigiri na amakano.
Ⅳ Omonene nigo agokirie n’abanto baye;
abwo bare abaitongo nigo akobachabera ogotooreka.
Ⅴ Tiga abegenwa bachenge ase obonene,
babe bagotera n’omogooko kobare ase amarere abo.
Ⅵ Tiga ogotogigwa okonene kwa Nyasae kobe ase emenwa yaabo,
na ase amaboko abo babogorie emeyio ya birende ere nobwoge chinsemo ibere,
Ⅶ erinde barusie egesiomba ase egesaku,
na bae abanto egesusuro.
Ⅷ Boigo banyaare gosiba abarwoti baabo nebinyuri,
na abanene baabo ne chingataare chi’ekioma,
Ⅸ erinde baabanachere ekiina keriikire.
Obo nabwo obonene bw’abegenwa bonsi bw’Omonene.
Motogie Omonene!