ⅩⅩⅣ
Omorwoti omonene
(Ogoteera gwa Daudi)
Ⅰ Ense na ebinto bire aroro nebia Omonene;
oboiko bwonsi nobwaye, amo nabaanto bamenyeteo.
Ⅱ Nigo abegete oboroso bwaye igoro ase chinyancha,
akabokong’ia igoro ase chindooche.
Ⅲ Ning’o oragwenere gotiira ase egetunwa kia Omonene?
Ning’o oragwenere gotenena aase aye aachenu?
Ⅳ Nomonto oria obwate amaboko atari na komocha, na enkoro echenegete,
noria otari gosasiima chinyasae chi’oborimo,
gose gotiana ase obong’ainereria.
Ⅴ Omonto oyio nonyore ogosesenigwa korwa ase Omonene;
boigo nanyore oboronge korwa ase Nyasae ore ogotooreka kwaye.
Ⅵ Naboigo ekegori ki’abakomorigia kere;
abwo bakorigia barore obosio bwa Nyasae o Yakobo.
Ⅶ Inwe ebiita, imokereria emekorogoto yaino igoro!
Inwe ebiita bia kare, igoka,
erinde Omorwoti bw’obonene asoe ime!
Ⅷ Inee! Omorwoti oyio bw’obonene nere ng’o?
Ere Omonene ore ne chinguru na okobua,
ere Omonene, omobui ase chiseegi.
Ⅸ Inwe ebiita, imokereria emetwe yaino igoro!
Inwe ebiita bia kare, igoka,
erinde Omorwoti bw’obonene asoe ime!
Ⅹ Inee! Omorwoti oyio bw’obonene nere ng’o?
Ere Omonene bw’Emeganda;
ere n’Omorwoti bw’Obonene.