ⅩⅩⅫ
Okoorokia ebibe na konyora okwaberwa
(Ogoteera gwa Daudi)
Ⅰ Nasesenirie omonto oyo bwabeirwe ogosaria kwaye,
na ebibe biaye biatubirwe.
Ⅱ Nasesenirie omonto oyi’Omonene atabarereti okomocha kwaye,
oyo otari nobong’ainereria ase omoyo oye ime.
Ⅲ Ekero konya ntaraorokia ebibe biane,
omobere one okoma pa ase okwerera omobaso boira.
Ⅳ Omobaso na obotuko okoboko kwao gokanditoera negesusuro;
chinguru chiane chikaera buna amaache akoera ekero ki’egurugura.
Ⅴ Erio ngakoorokeria ebibe biane,
gose tinakobisete okomocha kwane,
ngateeba: “Nimoorokerie Omonene ogosaria kwane,”
erio okanyabera ebibe biane bionsi.
Ⅵ Ase ayio, kera omonto oyokoirogete tiga agosabe ase engaki y’emechando.
Ekero amaache amange agotirimboka gocha bwango, tabaisa komoikera.
Ⅶ Aye naye obwebiso bwane, nondendete korwa ase emechando,
nimbe nomogooko na omochengo, ekiagera gwantooririe.
Ⅷ Ninkworokererie na gokoraa ase enchera ogwenerete kogenda;
ningosemie, na amaiso aane nakorigererie.
Ⅸ Timoba buna chibarasi ne chibarasi chitari nobong’aini,
echigwenerete chibekerwe chinkini na ebigobanio bi’ogochigambera.
Ⅹ Omokori amabe nare namaakwa amange,
korende oyomosemeretie Omonene,
Omonene nigo amoetananeretie nobwanchani botari koera.
Ⅺ Inwe abanyene oboronge, mogokere Omonene na komochengera;
inwe mwensi abamore ne chinkoro chindonge, aka eriogi nomogooko.