ⅬⅠ
Ogosaba gw’okonyora okwaberwa kw’ebibe
(Ogosaba gwa Daudi magega y’ogocherwa na Omobani Natani Magega Daudi gatomanire na Batiseba)
Ⅰ Aye Nyasae, ’ndorere amaabera koreng’ana nobwanchani bwao botari koera;
ase engencho y’obonge bw’amaabera ao otinyie ogosaria kwane.
Ⅱ Onsibie korwa obobe bwane kegima,
na onchene korwa ase ebibe biane.
Ⅲ Inche namanyire ogosaria kwane,
na ebibe biane nigo bire bosio bwane botambe.
Ⅳ Nagokoreire ebibe aye omonyene bweka,
nakorire amabe bosio bwao.
Aye omanyekane ng’a mboronge ore ekero ogokwana,
na mboronge ore na nigo okonacha ekiina buya kegima.
Ⅴ Rora, inche nigo naiboretwe inde ne chingencho chi’ebibe;
nigo narenge omonyabibe korwa ekero natongetwe ase enda yabaaba.
Ⅵ Rora, aye nigo oganetie ekeene ase enkoro ime;
ase ayio inyorokererie obong’aini bwao ase enkoro yane ime.
Ⅶ Onsibie ne chinsagia chia hisopo, na inche nincheneke;
onsibie erio imbe omorabu se goetania amagena ’embura.
Ⅷ Ong’ichorie n’omogooko na omochengo,
amauga aane aya gwasenyentete n’agoke.
Ⅸ Togaacha etobo y’ebibe biane bosio bwao, torora ebibe biane;
ontinyie obobe bwane bwonsi.
Ⅹ Aye Nyasae, ontongere enkoro endabu,
okore omoika ore ime yane obe omoyia na oyokong’ie.
Ⅺ Tonyatanana korwa ase obosio bwao,
nonya n’Omoika Omochenu toyorusia asende.
Ⅻ Ong’iranerie omogooko okorwa ase ogotooreka kwao,
okong’ie omoika one obe omoigweri.
ⅩⅢ Erio inyorokererie abasaria chinchera chiao,
na abanyene ebibe mbairane asore.
ⅩⅣ Aye Nyasae, Nyasae bw’ogotooreka kwane, ontoorie,
ting’itera amanyinga ’abaanto,
na oromeme rwane rotere n’oboronge bwao.
ⅩⅤ Aye Omonene, ong’igore ebikoba biane,
na omonwa one norarie ogotogigwa kwao.
ⅩⅥ Togokiri nekeng’wanso, ninsa gokerua;
aye toganeti ekeng’wanso ki’ogosambwa.
ⅩⅦ Ebing’wanso biancheire na Nyasae omoyo omokanyeku na bw’okweitia;
enkoro yasionokire na gwekeyia,
aye Nyasae, tokoyechaya.
ⅩⅧ Aye Omonene okorere Sayoni amaya ase amaabera ao;
oagache chindwaki chia Yerusalemu.
ⅩⅨ Erio nario oragokigwe n’ogosambwa kw’bing’wanso bi’ekeene;
erio chieri nchiruegwe igoro ase egesasiimero kiao.