ⅬⅩⅦ
Ogoteera gw’okoiraneria ng’a mbuya mono
(Ase omoteria)
Ⅰ Nyasae atororere amaabera, atosesenie,
atoraberie obosio bwaye.
Ⅱ Tiga enchera yao emanyekane ase ense,
na okobua kwao kw’ogotooria komanyekane ase abanto b’ebisaku bionsi.
Ⅲ Aye Nyasae, tiga abanto bagotogie;
ee, abanto bonsi tiga bagotogie!
Ⅳ Tiga abanto b’ebisaku bagoke na oteera nomochengo;
ekiagera aye nigo okonachera abanto ebiina ase oboronge.
Aye naye okoraa ebisaku bire ase ense.
Ⅴ Aye Nyasae, tiga abanto bagotogie,
ee, abanto bonsi tiga bagotogie!
Ⅵ Ense yamire okwama kwaye okonge,
Nyasae, aye ore Nyasae oito, otosesenie!
Ⅶ Nyasae otosesenirie;
ase igo, tiga abanto bare ase ense engima bamoiroke!