ⅬⅩⅩⅩⅤ
Ogosabera egesaku ogosesenigwa
(Ogoteera kwa basinto ba Kora)
Ⅰ Omonene, kare nigo kwarenge namaabera ase ense yao,
nigo kwairaneretie abanto ba Yakobo amaya abo.
Ⅱ Aye nigo kwaberete abanto bao obobe bwabo,
nigo gwatubete ebibe biabo bionsi.
Ⅲ Boigo ngwatigete koba nekeririanda, ngwatigete kegima kogechigwa nabarabwo.
Ⅳ Aye Nyasae, Omotooria oito, otoiranere,
rusia ekeririanda kiao korwa ase tore.
Ⅴ Inee! Nigo ogochia koba nendamwamu ase tore kogenderera botambe?
Inee! Endamwamu yao nigo egendererete koba ase ebiaare bionsi?
Ⅵ Inee! Togotokora abayia naende,
erinde intwe abanto bao tobe nomogooko asore?
Ⅶ Aye Omonene, otoorokerie obwanchani bwao bogendererete botambe,
na otoe ogotooreka kwao.
Ⅷ Nimbe nkoigwa amang’an’Omonene Nyasae agokwana;
ere nigo agokwana amang’ana ’omorembe ase abanto baye abachenu,
tobatiga baonchokere oboriri naende.
Ⅸ Ekeene, ogotooreka kwaye nigo kore ang’e ase abanto bairogete Omonene;
obonene mbobe bomenyete ase ense yaito.
Ⅹ Aase agwo obwanchani bogendererete botambe na ekeene mbiumerane,
boigo oboronge na omorembe mbinyunyuntane.
Ⅺ Aase agwo obwegenwa mbooroke ase ense,
na oboronge mborigererie korwa igoro.
Ⅻ Ekeene, Omonene narue ayare amaya,
na orogongo rwaito rorue okwama kwaye.
ⅩⅢ Oboronge mbotang’ane bosio bwaye,
naende bobwatie ase aetete.