ⅬⅩⅩⅩⅧ
Ekerero gi’okonyora ogokonywa
(Ogoteera kwa basinto ba Kora; okworokereria kwa Hamani Omoezara)
Ⅰ Aye Omonene, Nyasae bw’ogotooreka kwane,
omobaso na obotuko nigo nkorera asore ng’a onkonye.
Ⅱ Ogosaba kwane tiga goike ase obosio bwao,
tegerera oigwe okorera kwane.
Ⅲ Omoyo one nigo oichire nemechando,
na obogima bwane bwaikire ang’e kogenda aase abakuure.
Ⅳ Inche nabareranigwe amo nabwo bakogenda ase embeera,
chinguru chiang’ereire.
Ⅴ Natigirwe inde buna oyomo bw’abakuure
buna abwo baitetwe, bono bare ase chimbeera ime.
Nabeire buna abwo aye otainyoreti nonya ng’ake,
kwabaatananire korwa ase okoboko kwao.
Ⅵ Kwambekire inse kegima ase embeera ime;
agwo aase are omosunte na aatambe gochia inse.
Ⅶ Egesusuro kiao nigo kere ekerito igoro yane,
kwambagoreire emerindo yao yonsi yantubire kegima.
Ⅷ Kwabekire aare abagisangio baane twamanyaine,
gwankorire nabeire okogechia ase bare;
nasiekereirwe, tinkonyara gosoka.
Ⅸ Amaiso aane amwamire ase okweumia;
Aye Omonene, kera rituko nigo ngokorangeria,
ndamborete amaboko aane gocha asore.
Ⅹ Inee! Abakuure nkobakorera ore amakumia?
Inee! Abwo nkoimoka bare na kogotogia?
Ⅺ Inee! Obwanchani bwao ngokwanwa bore ime ase chimbeera,
gose obwegenwa bwao agwo aase aasareku?
Ⅻ Inee! Amang’ana ao ay’ogokumia namanyire agwo ase omosunte ime?
Gose oboronge bwao mbomanyire agwo ase ense y’okwebwa?
ⅩⅢ Aye Omonene, nigo nkorera asore, onkonye,
nonya nemambia ogosaba kwane nigo kogoika asore.
ⅩⅣ Omonene, nase ki gwatugutire omoyo one?
Nase ki kwabisire obosio bwao korwa ase ’nde?
ⅩⅤ Korwa obwana bwane nabeire inde nemechando, nabeire ang’e nogokwa,
ndemereretie okogosa kwao,
tindi nogokonywa konde nonya nogoke.
ⅩⅥ Endamwamu yao entindi yantubire kegima,
amaakwa ao ansiririe.
ⅩⅦ Nigo ang’etanaine buna amaache omobaso boira;
abwatanire amo, na amigire inche.
ⅩⅧ Aye gwatananire omwanchwa one na omosani one bambeereire
aare, na omosunte obeire omogisangio one.