ⅬⅩⅩⅩⅦ
Ogotogigwa kwa Yerusalemu
(Ogoteera kwa basinto ba Kora)
Ⅰ Omochie oria obegetwe oboroso n’Omonene
nigo oteneine igoro ase ebitunwa ebichenu.
Ⅱ Omonene nigo anchete ebiita bia Sayoni
kobua aande onsi ase abanto ba Yakobo bamenyete.
Ⅲ Aye omochie o Nyasae, amang’ana ’obonene nigo agokwanwa igoro yao.
Ⅳ Ase abanto abwo bamanyete inche ninyatore Rahabu,
na Abaababeli, na Abafirisiti, na Abaturo,
amo nabaanto b’Ethiopia, na goteeba,
“Oyo na oyo nao baiboreretwe ime aaria.”
Ⅴ Igoro ya Sayoni amang’ana aya nakwanwe.
“Omonto oyo na oria nao baiboreretwe ime yaye,”
n’Omonene ore Igoro Mono nere orabe okoyokong’ia.
Ⅵ Ekero Omonene arakore omobaro bw’abaanto,
nigo ararike, “Oyo na oyo nao baiboreretwe ime aaria.”
Ⅶ Ekero bagotera na bagotenga nigo bagoteeba,
“Chinsoko chiaito chionsi nigo chire ime yao.”