ⅩⅭⅢ
Nyasae nere omorwoti
Ⅰ Omonene nere okogamba, nigo eboetie obonene.
Omonene nigo asiberanetie chinguru.
Ase ayio ense nigo eteneine bokong’u tekonyegerigwa.
Ⅱ Ekerogo kiao ki’obonene nigo kiabekire aroro korwa kare,
ekiagera aye nao kwarenge korwa kare.
Ⅲ Aye Omonene, amaache aimokereire igoro,
amaache nkoeera are neriogi,
ee, aimokereirie emerindo yaye igoro.
Ⅳ Omonene nere obwate okobua okonene aria igoro;
okobua kwaye nigo kobuete okoruma kw’amaache,
ee, okw’amaache amange na okw’emerindo y’enyancha.
Ⅴ Aye Omonene, oborori bwao nigo boteneine bokong’u.
Obochenu nabwo bore ogochaberwa kw’enyomba yao goika kare na kare.