EGETABU KIE RITANG’ANI KIA
AMANG’ANA ’EBIRO
Ogochaakera
Ebitabu ebi bibere bikobwatia amang’ana ebiro nigo bikorengererigwa buna egetabu ekemo. Bionsi ase obwamo nigo bigokwanera igoro yokoiranerera kwo ’mogano oyio ogotoorokia ase enchera yabeene igoro ya banto ba Israeli, abanto ba Nyasae korwa omochakano obo goika chinganki bairetwe ase obosomba ase ense ya Babiloni.
Amang’ana aya tari koererwa bosa igo korende nigo akoererwa ase enchera y’egekanisa. Omoriki nigo akorika kobwatekana namang’ana akoregete magega yechingaki chiaye, boigo kobwatekana negetabu gia Samweli, na keria kia’barwoti. Korende ogochora kwaye gokwanera amang’ana ayio nokobeeka chinguru amorokererio korwa ase emegano eyio. Nyasae omonyene nere omorwoti bw’Abaisraeli, na abarwoti abwo barenge gati yabaisraeli nigo barenge abatomwa barenge kworokereria abanto baye igoro ya Nyasae obo.
Ase abarwoti bonsi ba Israeli, Daudi nere okorete buya ase obosio bwa Nyasae, nere oirete omochie o Yerusalemu oyio magega obete obomenyo obochenu bwa Nyasae ase hekalu yaagachetwe, boigo akaraa abaisraeli buya ase chinchera chionsi nakobaorokia gosasiima Nyasae ase ekeene.
Egetabu eke nigo kebagire chinsemo ibere.
Ensemo yeritangani (Egesieri 1-9) Omoriki nigo agotoorokia omogano gochakera Adamu goika chingaki Abaisraeli bairanete korwa ense ya Babuloni ase barenge abasomba.
Ensemo ya kabere (Egesieri 10-29) Ensemo eye nigo egokwanera igoro yobogambi bwa Daudi. Aa omoriki nigo agokwanera igoro yamang’ana ayio agerete Daudi akaba nobobui ase okogamba kwaye. Omoriki agatiga isiko amang’ana ayio arenge amabe ase Daudi buna ekero Daudi arenge kwomana na Saulo, okogamba gwa Daudi emiaka etano nebere aria Eburoni, Daudi na Bathiseba, na boigo buna Daudi amochetigwe na Natani omobani o Nyasae. Omoriki nigo abegete chinguru amang’ana aria amaya Daudi akorete buna koraa abaisraeli ase okomosasiima Nyasae bw’ekeene, okoiranigwa gwesanduki yamachiko, omobaro bw’abaanto, naboigo ogochora abakoreri ase hekalu ya Nyasae.
Okobagwa kw’egetabu eke:
Emeroberio ye chinderia 1:1—9:44
Ogokwa gwa Saulo 10:1-4
Ekogamba gwa Daudi 11:1—29:30
a. Emechando na amagenderero 11:1—22:1
b. Okwebeka ang’e ase okoagacha Hekalu 22:2—29:30
Ⅰ
Ebiaare korwa Adamu goika Aburaamu
(Omoch 5:1-32; 10:1-2; 11:10-26)
Ⅰ Adamu akaibora Seti, na Seti akaibora Enosu;
Ⅱ Enosu akaibora Kenani, na Kenani akaibora Mahalaleli, na Mahalaleli akaibora Yaredi;
Ⅲ Yaredi akaibora Enoku, na Enoku akaibora Metusela, na Metusela akaibora Lameki;
Ⅳ Lameki akaibora Nuhu, na Nuhu akaibora Shemu, na Hamu, na Yafeti.
Ⅴ Abana abamura ba Yafeti nabwo aba: Gomeri na Magogu, Madai na Yavani, Tubali na Meseki, na Tirasi.
Ⅵ Abana abamura ba Gomeri nabwo aba: Asikenasi na Rifati, na Togarima.
Ⅶ Na abana abamura ba Yavani nabwo aba: Elisha na Tarisisi, na Kitimu, na Rodanimu.
Ⅷ Abana abamura ba Hamu nabwo aba: Kusi na Misiri, Putu na Kaanani.
Ⅸ Na abana abamura ba Kusi nabwo aba: Seba na Havila, Sabuta na Raama, na Sabiteka. Na abana abamura ba Raama nabwo Seba na Dedani.
Ⅹ Kusi akaibora Nimurodi. Nimurodi akaba omonto bw’eritang’ani orenge egiata ase ense.
Ⅺ Misiri nere oiborete Abaludi na Abanami, Abalehabi na Abanafutu,
Ⅻ Abapaturusi na Abakasiluhi (korwa ase bare nao Abafirisiti barwete), na Abakafitori.
ⅩⅢ Na Kaanani akaibora Sidoni, omwana oye omotangi, na Heti,
ⅩⅣ Abayebusi na Abaamori, na Abagirigasi;
ⅩⅤ Abahivi na Abaariki, na Abasini;
ⅩⅥ Abaarivadi na Abasemari, na Abahamati.
ⅩⅦ Abana abamura ba Shemu nabwo aba: Elamu na Asuri, Arifakisadi na Ludi, Aramu na Usi, Huli na Geteri, na Mesheki.
ⅩⅧ Arifakisadi akaibora Sela, na Sela akaibora Eberi.
ⅩⅨ Eberi akaibora abana babere abamura. Oria omotangi nigo arenge korokwa Pelegi, ekiagera ase amatuko aye abanto b’ense baatananegete, na omomura omwabo nigo arenge korokwa Yokitani.
ⅩⅩ Yokitani akaibora Alimodadi na Selefu, Hasarmaweti na Yera;
ⅩⅪ Hadoramu na Usali, na Dikila;
ⅩⅫ Ebali na Abimaeli, na Seba;
ⅩⅩⅢ Ofiri na Havila, na Yobabu. Abwo bonsi nigo barenge abana abamura ba Yokitani.
ⅩⅩⅣ Ororeria rwa Aburaamu korwa ase Shemu narwo oro: Shemu akaibora Arifakisadi, na Arifakisadi akaibora Sela,
ⅩⅩⅤ na Eberi, na Pelegi, na Reu,
ⅩⅩⅥ na Serugi, na Nahori, na Tera,
ⅩⅩⅦ na Aburamu nere Aburaamu.
Ororeria rwa Isumaeli
(Omoch 25:12-16)
ⅩⅩⅧ Abana abamura ba Aburaamu nabwo Isaka na Isumaeli.
ⅩⅩⅨ Oyo noro omooroberio bw’ororeria rwabo. Omwana omomura omotangi o Isumaeli nere Nebayoti; na abande nabwo aba: Kedari na Adibeeli, na Mibusamu;
ⅩⅩⅩ Misima na Duma, Masa na Hadadi, na Tema,
ⅩⅩⅪ Yeturi na Nafisi, na Kedema. Aba nabwo abana abamura ba Isumaeli.
ⅩⅩⅫ Abana abamura ba Ketura, omokungu o sere‐sere o Aburaamu, nabwo aba: Simurani na Yokisani, Medani na Midiani, Isibaki na Sua. Abana abamura ba Yokisani nabwo Seba na Dedani.
ⅩⅩⅩⅢ Abana abamura ba Midiani nabwo aba: Efa na Eferi, Hanoki na Abida, na Elidaa. Aba bonsi nigo barenge ab’ororeria rwa Ketura.
Ororeria rwa Esau
(Omoch 36:1-19)
ⅩⅩⅩⅣ Aburaamu akaibora Isaka. Abana abamura ba Isaka nabwo Esau na Israeli.
ⅩⅩⅩⅤ Abana abamura b’Esau nabwo aba: Elifasi na Reueli, Yeusi na Yalamu, na Kora.
ⅩⅩⅩⅥ Abana abamura b’Elifasi nabwo aba: Temani na Omari, Sefo na Gatamu, Kenasi ase Timuna, na Amaleki.
ⅩⅩⅩⅦ Abana abamura ba Reueli nabwo aba: Nahati na Zera, Sama na Miza.
Abanto bamenyete ase ense ya Edomu kare
(Omoch 36:20-30)
ⅩⅩⅩⅧ Abana abamura ba Edomu nabwo aba: Lotani na Sobali, Sibeoni na Ana, Dishoni na Eseri, na Disani.
ⅩⅩⅩⅨ Abana abamura ba Lotani nabwo Hori na Homamu; omosubati omwabo Lotani nigo arenge korokwa Timuna.
ⅩⅬ Abana abamura ba Sobali nabwo aba: Aliani na Manahati, Ebali na Sefo, na Onamu. Na abana abamura ba Sibeoni nabwo Aya na Ana.
ⅩⅬⅠ Omwana omomura bw’Ana nere Dishoni. Abana ba Dishoni nabwo aba: Hamurani na Esibani, Itirani na Kerani.
ⅩⅬⅡ Abana abamura b’Eseri nabwo aba: Bilihani na Sawani, na Akani. Abana abamura ba Disani nabwo Usi na Arani.
Abarwoti b’Abaedomu
(Omoch 36:31-43)
ⅩⅬⅢ Aba nabwo abarwoti bagamberete ense y’Abaedomu, ekero omorwoti onde bwensi konya ataragambera Abaisraeli: Bela, mosinto o Beori, oyio omochie oye orenge korokwa Dinihaba.
ⅩⅬⅣ Ekero Bela akwete, Yobabu, mosinto o Zera, korwa Bosira, akaba okogamba ase ribaga riaye.
ⅩⅬⅤ Ekero Yobabu akwete, Husamu, bw’ense y’Abatemani akaba okogamba ase ribaga riaye.
ⅩⅬⅥ Ekero Husamu akwete, Hadadi, mosinto o Bedadi, oria obuete Abamidiani ase ense ya Moabu, akaba okogamba ase ribaga riaye; na omochie oye noro Awiti.
ⅩⅬⅦ Ekero Hadadi akwete, Samula, oyo orwete Masereka, akaba okogamba ase ribaga riaye.
ⅩⅬⅧ Ekero Samula akwete, Saulo oyo orwete Rehoboti, orenge ang’e norooche rw’Eufarati, akaba okogamba ase ribaga riaye.
ⅩⅬⅨ Ekero Saulo akwete, Baali Hanani, mosinto bw’Akibori, akaba okogamba ase ribaga riaye.
Ⅼ Ekero Baali‐Hanani akwete, Hadadi akaba okogamba ase ribaga riaye. Omochie oye nigo orenge korokwa Pai, na mokaye nigo arenge korokwa Mehetabeli, mosubati o Matiredi o Mesahabu.
ⅬⅠ Na Hadadi agakwa. Abagaambi b’Abaedomu nabwo aba: Timuna na Alifa, na Yeteti,
ⅬⅡ Oholibama na Ela, na Pinoni,
ⅬⅢ Kenasi na Temani, na Mibusari,
ⅬⅣ Magadieli na Iramu. Abwo nabwo barenge abagaambi b’ebisaku bia Edomu.