Ⅱ
Ororeria rwa Yuda
Ⅰ Aba nabwo abana abamura ba Israeli: Rubeni, na Simioni, Lawi na Yuda, Isakaru na Sabuloni,
Ⅱ Dani na Yusufu, Benjamini na Nafutali, Gadi na Aseri.
Ⅲ Abana abamura ba Yuda nabwo aba: Eri na Onani, na Sela. Aba batato nabwo Batisua, omosubati orwete Kaanani, aiborerete Yuda. Eri, omwana omomura omotangi o Yuda, nigo arenge omobe ase obosio bw’Omonene, n’Omonene akamoita.
Ⅳ Tamari, moka momura o Yuda, akaiborera Yuda Peresi na Zera. Yuda nigo abwate abana abamura batano.
Ⅴ Abana abamura ba Peresi nabwo Hezironi na Hamuli.
Ⅵ Abana abamura ba Zera nabwo aba: Simuri na Etani, Hemani na Kalikuli, na Dara, bonsi mbatano.
Ⅶ Karimi nigo abwate omomura oyomo orenge korokwa Akari oyo ochandete Abaisraeli ase ogosakora ebinto biatananetwe na kobekwa ensemo ase Nyasae.
Ⅷ Asaria nigo arenge omwana omomura bw’Etani.
Ororeria rwaikerete ase Daudi
Ⅸ Abana abamura ba Hezironi nabwo aba: Yerameeli na Ramu, na Kelubai.
Ⅹ Ramu akaibora Aminadabu, na Aminadabu akaibora Nahasoni, oyo orenge omotang’ani bw’abaanto b’ororeria rwa Yuda.
Ⅺ Nahasoni akaibora Salima, na Salima akaibora Boazi,
Ⅻ Boazi akaibora Obedi, na Obedi akaibora Yese.
ⅩⅢ Yese akaibora Eliabu, omwana oye omomura omotangi, na Abinadabu oyo o kabere, na Simea oyo o gatato,
ⅩⅣ na Netaneli oyo o kane, na Radai oyo o gatano,
ⅩⅤ Osemu oyo o gatano na rimo, na Daudi oyo o gatano na kabere.
ⅩⅥ Abaiseke bamwabo nabwo barenge Seruya na Abigaeli. Abana abamura b’omokuungu Seruya nabwo aba: Abisai na Yoabu, na Asaeli, bonsi mbatato.
ⅩⅦ Abigaeli akaibora Amasa, na ise Amasa nere Yeteri, Omoisumaeli.
Ororeria rwa Hezironi
ⅩⅧ Kalebu, mosinto o Hezironi, akanyuoma Asuba. Asuba akamoiborera Yerioti omoiseke. Na abana abamura baye nabwo aba: Yeseri na Sobabu, na Aridoni.
ⅩⅨ Ekero Asuba akwete, Kalebu akanyuoma Efarata; ere akamoiborera Huri.
ⅩⅩ Huri akaibora Uri, na Uri akaibora Besaleli.
ⅩⅪ Ekero Hezironi arenge nemiaka emerongo etano nomo, akanyuoma omoiseke o Makiri, ise Gileadi, Omokungu oria akamoiborera Segubu.
ⅩⅫ Segubu akaibora Yairi, oyio obwate emechie emerongo ebere, na etato (23), ase ense ya Gileadi.
ⅩⅩⅢ Korende Abagesuri na Abaaramu bakaira korwa asare emechie etano nomo (6), emechie ya Yairi na Kenati amo nebichie biaetanaineo. Abanto bonsi bamenyeteo nigo barenge b’ororeria rwa Makiri ise Gileadi,
ⅩⅩⅣ Magega Hezironi gakuure agwo Kalebu‐Eufarata, Abiya moga Hezironi akamoiborera Asuri, ise abanto ba Tekoa.
Ororeria rwa Yerameeli
ⅩⅩⅤ Abana abamura ba Yerameeli, omomura omotangi o Hezironi, nabwo aba: Ramu, omomura oye omotangi, Buna na Oreni, Osemu na Ahiya.
ⅩⅩⅥ Boigo Yerameeli nabwate omokungu onde orenge korokwa Atara; nere orenge ng’ina Onamu.
ⅩⅩⅦ Abana abamura ba Ramu, omomura omotangi o Yerameeli, nabwo aba: Maasi na Yamini, na Ekeri.
ⅩⅩⅧ Abana abamura b’Onamu nabwo Samai na Yada. Abana abamura ba Samai nabwo Nadabu na Abisuri.
ⅩⅩⅨ Moka Abisuri nigo arenge korokwa Abihaili, nere akamoiborera Ahabani na Molidi.
ⅩⅩⅩ Abana abamura ba Nadabu nabwo Seledi na Apaimu; Seledi agakwa atabwati bana.
ⅩⅩⅪ Apaimu akaibora Ishi, na Ishi akaibora Sesani, na Sesani akaibora Alai.
ⅩⅩⅫ Abana abamura ba Yada, momura omwabo Sama, nabwo Yeteri na Yonathani. Yeteri agakwa atabwati bana.
ⅩⅩⅩⅢ Abana abamura ba Yonathani nabwo Peleti na Sasa. Aba nigo barenge ab’ororeria rwa Yerameeli.
ⅩⅩⅩⅣ Sesani tabwate abana abamura, korende igo abwate abana abaiseke boka. Ere Sesani nabwate omosomba oye omomura Omomisiri orenge korokwa Yara.
ⅩⅩⅩⅤ Sesani akaa Yara, omosomba oye, omoiseke oye akaba mokaye; ere akaibora omomura orenge korokwa Atai.
ⅩⅩⅩⅥ Atai akaibora Nathani, na Nathani akaibora Sabadi,
ⅩⅩⅩⅦ Sabadi akaibora Efilali, na Efilali akaibora Obedi;
ⅩⅩⅩⅧ Obedi akaibora Yehu, na Yehu akaibora Asaria;
ⅩⅩⅩⅨ Asaria akaibora Helesi, na Helesi akaibora Eleasa;
ⅩⅬ Eleasa akaibora Sisimai, na Sisimai akaibora Salumu;
ⅩⅬⅠ Salumu akaibora Yekamia, na Yekamia akaibora Elisama.
Ororeria ronde rwa Kalebu
ⅩⅬⅡ Abana abamura ba Kalebu omwabo Yerameeli nabwo aba: Mesha, omwana omomura oye omotangi, oyorenge ise Sifu, oyorenge ise Maresa, na Maresa orenge ise Heburoni.
ⅩⅬⅢ Abana abamura ba Heburoni nabwo aba: Kora na Tapua, Rekemu na Sema.
ⅩⅬⅣ Sema akaibora Rahamu, ise Yorikeamu. Rekemu akaibora Samai.
ⅩⅬⅤ Samai akaibora Maoni, na Maoni akaibora Beti‐Suri.
ⅩⅬⅥ Boigo Efa, omokungu o sere‐sere o Kalebu, akaibora Harani, na Moza, na Gasesi; na Harani boigo nabwate omomura orenge korokwa Gasesi.
ⅩⅬⅦ Abana abamura ba Yahadai nabwo aba: Regemu na Yotamu, Gesani na Peleti, Efa na Saafu.
ⅩⅬⅧ Maaka, omokungu o sere‐sere o Kalebu, akaibora Seberi na Tirihana.
ⅩⅬⅨ Boigo omokungu oria akaibora Saafu, ise Madimana, na Sheva, ise abanto ba Makibena na Abagibea. Omoiseke o Kalebu nigo arenge korokwa Asika.
Ⅼ Aba nabwo barenge ab’ororeria rwa Kalebu. Abana abamura ba Huri, omwana omomura omotangi bw’Efarata, nabwo aba; Sobali, ise abanto ba Kiriati‐Yearimu,
ⅬⅠ na Salima, ise abanto ba Bethlehemu, na Harefu, ise abanto ba Beti‐Gaderi.
ⅬⅡ Sobali, ise abanto ba Kiriati‐Yearimu, nabwate abana abamura bande: Haroe na ekeng’ese ki’abaanto ba Menuhoti.
ⅬⅢ Ne chiamate chia Kiriati‐Yearimu nachio echi: Abaitiri na Abaputi, Abasumati na Abamisira. Korwa ase abanto aba nao Abasori na Abaesitaoli barwete.
ⅬⅣ Abanto b’ororeria rwa Salima nabwo abanto ba Bethlehemu, na Abaanetofa, na abanto b’Ataroti‐Beti‐Yoabu, na ekeng’ese ki’Abamanahati, nabwo Abasori,
ⅬⅤ amo ne chiamate chi’abariki baria bamenyete agwo Yabesi, nabwo Abatirati, na Abasimeati, na Abasukati. Aba nabwo Abakeni abarwete ase Hamati, ise abanto b’enyomba ya Rekabu.