ⅩⅩⅨ
Daudi okwangwa n’Abafilisti
Ⅰ Abafirisiti bagasangereria abarwani babo bonsi b’esegi agwo Afeki, na Abaisraeli bagatoora ang’e nensoko yareenge agwo Yesireeli.
Ⅱ Abaanene b’Abafilisti bagaacha bagaeta baare nebiombe biabo bi’abaanto amagana ne chilifu. Daudi na’baanto baye bakaba bakorwa magega amo n’Akisi.
Ⅲ Erio abanene baria b’Abafilisti bakabooria: “Ninki Abaiberania aba bagokora aiga?”
Akisi akabairaneria: “Oyo ’Daudi, omosomba o Saulo, omorwoti bw’Abaisraeli. Oyio obeire omenyete amo nainche goetania omwaka oyomo, tinana korora komocha asare korwa riria achete ase ’nde goika reero iga.”
Ⅳ Korende abanene b’Abafilisti bakaba nendamwamu enene ase Akisi, bakamoteebia: “Irania omonto oyo agende aase kwamobegete amenye. Ere takogenda amo naintwe korwana esegi. Karaikeo nabo arabaise gotoonchokera, abe omobisa oito. Naki arakore anyore ogwancherwa ase omonene oye otatiga ase ogoita Abanto baito.
Ⅴ Inee! Daudi tari ere oria abakungu baterete igoro yaye kobagotenga, bakaboora: Saulo oitire chilifu chiaye, korende Daudi oitire chilifu chiaye emerongo na emerongo.”
Ⅵ Erio Akisi akarangeria Daudi, akamoteebia: “Ekeene, buna Omonene are moyo, nigo ndoche buya ng’a ogende amo nainche ase esegi. Korwa ekero gwachete ase ’nde goika rituko ria reero tinana korora okomocha asore, korende nonya naboigo, abanene aba tibagwancheti.
Ⅶ Ase ayio irana ogende nomorembe, erinde tobaisa gokora gento ase okogechia abanene b’Abafilisti.”
Ⅷ Daudi akabooria Akisi: “Ngento ki nakorire? Korwa ekero inche, omosomba oo, nachete aa kogokorera, goika rituko ria reero, mbobe ki kwarorire ase ’nde bokogera tingenda korwania ababisa bao, aye omorwoti, omonene one?”
Ⅸ Akisi akamoiraneria: “Inche nimanyete buya ng’a nigo ore omooronge ase ’nde buna omomalaika O Nyasae. Korende nonya nabo abanene b’Abafilisti bakanire ng’a aye Daudi tobaisa kogenda amo naintwe ase esegi.
Ⅹ Ase ayio, aye amo nabasomba bande ba Omonene oo baria bachete amo naye, moche moimoke mambia chuni erio mochaake kogenda kobogokiamoka.”
Ⅺ Ase igo Daudi amo n’baanto baye bakaimoka mambia chuni, bagaachaka orogendo rwabo, bakairana ase ense y’Abafilisti, korende Abafirisiti bakagenda gochia Yesireeli.