ⅩⅩⅪ
Ogokwa gwa Saulo na okw’abamura baye
(1 Amg 10:1-12)
Ⅰ Abafirisiti bakarwania Abaisraeli, na Abaisraeli bagatama korwa ase bare, bagaiterwa ase egetunwa kia Giliboa
Ⅱ Abafirisiti bakabwatia Saulo mono, na abamura baye, bagaita Yonathani, na Aminadabu, na Maliki‐Sua, abamura ba Saulo.
Ⅲ Esegi ekaba entindi mono igoro ya Saulo; abaruti emegwe bakamoromereria mono; ere akabwatwa nomoondoko omonene ase engencho ya barabwo.
Ⅳ Erio Saulo agateebia omonto oria omobogoreretie ebirwanero: “Somora omoyio, ombete nkwe, erinde abanto aba batarogeti tibaabaisa kong’ita na gonchecheria.” Korende omonto oria akaanga, ekiagera abeete nobwoba obonene. Erio Saulo agasomora omoyio oye omonyene, akegweria ase omoyio oyio bweka omonyene.
Ⅴ Ekero omobogoria ebirwanero aroche ayio, nere akegweria ase omoyio oye, agakwa amo na Saulo.
Ⅵ Nabo Saulo, na abamura baye batato, na omobogoria ebirwanero, amo n’baanto baye bonsi, baitetwe ase rituko erio erimo.
Ⅶ Ekero Abaisraeli abwo baarenge ensemo ende ase ense omweremo, na abwo bareenge moocha ya Yorodani baigwete ng’a Abaisraeli konya batamire, na ng’a Saulo na abamura baye bakuure, bagatiga emechie yabo bagatama. Erio Abafirisiti bakagenda bakamenya ase emechie eyio.
Ⅷ Rituko ria kabere ekero Abafirisiti bachete konuura ebinto korwa ase emebere y’abanto bakwete, bakanyora Saulo na abamura baye batato bakwete agwo ase egetunwa kia Giliboa.
Ⅸ Abafirisiti bakabutora omotwe o Saulo, bakaira na ebirwanero biaye, erio bagatoma abanto bararie amang’ana ayio ase ense yonsi y’Abafilisti, ase Hekalu y’emegwekano yabo bagosasiima, na ase abanto.
Ⅹ Erio bakabeeka ebirwanero biaye ase enyomba y’Asitaroti, enyasae yabo enkuungu, na omobere oye bakayotonga ase orwaki rwa Beti‐Sani.
Ⅺ Ekero abanto bamenyete Yabesi o Gileadi baigwete aya Abafirisiti bakorete ase Saulo,
Ⅻ Abanto bonsi chituoni bakaimoka, bakagenda ase obotuko obogima, bakarusia omobere o Saulo, na ey’abamura baye, korwa ase orwaki rwa Beti‐Sani, bakayerenta Yabesi, bakayesambera aroro.
ⅩⅢ Erio bakabogoria amauga abo, bakayatindeka inse y’omote onga buna egekone agwo Yabesi, bakeng’ata ase engaki y’amatuko atano na abere.