Ⅰ Erio agacha omobani Elija ore gwoka buna omorero; oyio amang’ana aye arenge gwoka buna ebieri bi’omorero. Ⅱ Akarentera abanto enchara, na ase engencho amwanchete Omonene, abange bagaakwa n’omobaro obo ogakea ekiagera ere nigo aamereranetie nabwo ng’a baonchorerie. Ⅲ Ere agakwana ase erieta ria Nyasae erio amare agasiekwa embura tiyatwa, na nyuma yayio akareta omorero ara gatato. Ⅳ Aye Elija, nigo gwachiete nkuma ase amakora ao y’ogokumia! Monto tari naende ase ense eye oretogie buna aye? Ⅴ Aye kwabogetie egetondo; ase erieta ri’Omonene, okamobokia korwa ase abakuure. Ⅵ Aye kwaiyeretie abagaambi korwa ase ebirogo biabo na kobasiria; abanto baria bachiete nkuma okobarutera endwari bakaruara. Ⅶ Aye kwaigwerete ogotogonya kw’Omonene aaria ase egetunwa gia Sinai, n’okoraria gw’egesusuro ase ababisa baye aaria ase egetunwa kia Orebu. Ⅷ Ogatunia omogambi amaguta ng’a ae abanto egesusuro, na ababani gokora emeremo ase riika riao. Ⅸ Aye kwairetwe igoro ase ekembugu-mbugu ki’omorero, ime ase agari y’ebarasi y’omorero Ⅹ Neriikire ase egatabu kia Omonene ng’a n’ooroke ase engaki egwenerete erio bwororobie endamwamu ya Nyasae etarateka n’obororo; egere orete ogonsonsorana gati y’abaibori amo n’abana babo, okabigorora ebisaku bionsi b’enyomba ya Yakobo. Ⅺ Mbasesenirie baria bare moyo goika barore kogocha batarakwa; ko bono aye nosesenirie kegima kobua ekiagera ’moyo ore. Ⅻ Ekero Elija asirete ime ase ekembugu-mbugu keria, Elisa agaichorwa n’echinguru chia Elija. Ase obogima bwaye bwonsi tachieti konyegerigwa bosio bw’abagaambi, gose monto onde naende tari ore n’echinguru gose ribaga gocha ase. ⅩⅢ Tiriarengeo ing’ana rinde rionsi riamokong’erete ere, na ekero akwete, omobere oye okarua obobani. ⅩⅣ Buna ere arenge gokora ebikone ekero ki’obomoyo bwaye, akagenderera kobikora boigo engaki ere akuure. ⅩⅤ Nonya nyuma ayio onsi gakorekanire, abanto tibaonchogete. Tibatigete ebibe biabo goika bagooswa aare korwa aase chinka chiabo. Bagasiarerwa ense yonsi. Abanto batigarete nabake mono, barabwo bakagaamberwa nororeria rwa Daudi. ⅩⅥ Abande ase egati yabo bagakora aria amogogetie Omonene, korende abande bakamenta gokora ebibe. ⅩⅦ Hezekia akaywoagaachera omochie oye orwaki, na goetia amaache goika imeo nechimberesi. Akarema emetaro n’echichuma ase arenge egetare egekong’u, na koagacha amatibo y’amaache. ⅩⅧ Ase amatuko aye, Senakeribu akamogwera, akamotoma omonene bw’abarwani baye, akagwera omochie o Sayoni na gwetogia noboenenu obonene. ⅩⅨ Chinkoro chia Abaisraeli chikabarwania na amaboko abo akaiguswa, bakaba nobokong’u buna obwo omokungu okobina. ⅩⅩ Korende barabwo bakamorangeri’Omonene bw’amaabera, bakamoimokeria amaboko igoro. Nere oyio Omochenu akabaigwa kegima korwa igoro, akabatoria nokoboko gwa Isaya. ⅩⅪ Omonene agaaka egetuori kia Abaashuri na omomalaika oye akabatugutera are. ⅩⅫ Ezekia agakora amaya na kobwatia chimbaratero chia Daudi sokoro yaye, buna ere amochiigete omobani Isaya, ere oyio bwegenetwe kegima ase amaroro aye. ⅩⅩⅢ Ase ebiro biaye ere Isaya, risase rikairana magega, akayatambeyia amatuko yomorwoti. ⅩⅩⅣ Ase chinguru chi’omoika ere akayarora amang’ana yomoerio, akabaremia baria abarenge kweumia ase omochie o Sayoni. ⅩⅩⅤ Akabamaanorera amang’ana arenge gochia gokoreka ase omoerio, akabateebia amang’ana y’obobisi aro atarachia gokoreka.