Ⅰ Tobaisa kobeke okwegena kwao gwonsi ase enibo yao, naende toteeba ng’a: “Inche nimbwate enibo eisaine.” Ⅱ Tobaisa koraagwa n’ebirengerio biokogania okobe, gose ase okong’uswa n’echinguru echiao, ase okobwatia okogania okobe kwomoyo oo. Ⅲ Tobaisa goteeba ng’a: “Ning’o oranyare kombua?” Ekiagera ase obomaene goika akoe egesusuro. Ⅳ Tobaisa goteeba ng’a: “Nakorire ekebe, korende bono, ninki rende kiaba ekebe?” Ekiagera Omonene tari kobwatwa n’obororo ase obwango. Ⅴ Tobaisa konara konakwaberwa, gose komenta ekebe igoro ase ekebe. Ⅵ Tobaisa goteeba ng’a: “Amabera a Nyasae n’amange, ere n’anyabere ebibe biane ebinge.” Inyora ng’a Nyasae nabwate amaabera nere nkobwatwa are obororo, n’obororo bwaye nigo b’ogosiria abanyabibe. Ⅶ Tonyorwa komoiranera Omonene Nyasae, totebana komoiranera rituko ase rituko; ekiagera endamuamu ya Nyasae nigo eragwokere mosiabano, n’engaki y’okonacha ekiina nigo orasirigwe. Ⅷ Tibwegena enibo y’oborimo, ekiagera tekogokoonya kende gionsi. Ⅸ Tobaisa koirura engano yao ase kera ekarambauti gose kobwatia amang’ana onde bwensi, gose chingencho chi’omonyaborimo. Ⅹ Bono tenena bokong’u ase okomanya kwao, n’amang’a ao tiga abwatane n’okomanya kwao. Ⅺ Kabe omwango ase ogotegerera, n’omong’ora na korenda ng’a ninki okoiraneria. Ⅻ Onye komanyete ring’ana erio, moiranerie oyomino, ing’ana’ rinde rionsi erio otamanyeti kira kiri takoiraneria. ⅩⅢ Amasikani amo n’obosoku nigo bikorwa korwa ase amang’ana agokwanwa. ⅩⅣ Tobaisa gwancha kwenyorera amasikani ase okwemurungania, tibwancha kobana amabe agochia kobanyora abanto baande. Ekiagera koreng’ana buna obosooku bokomonyora omoibi, naboigo okonacherwa ekiina koramonyore omonto omonyaborimo. ⅩⅤ Tobaisa koba n’okomocha ase ’ng’ana rinde rionsi riike gose rinene, gose koba omobisa ekero otakeire koba omosani.